DİN-in Facebook səhifəsinin izləyicisi olan “Gündəlik Bakı” qəzetinin baş redaktoru Habil Vəliyev işğaldan azad edilmiş Zəngilan rayonuna səfər etmək üçün səhifə vasitəsilə etdiyi müraciətinə operativ baxılaraq müsbət həll olunduğuna görə DİN rəhbərliyinə minnətdarlığını bildirir.

Bakı şəhərinin Xəzər rayonu Albalılıq massivində yaşayan Bəhruz Nurullayev və Məhəmməd Babayev Daxili İşlər Nazirliyinə ünvanladıqları məktubda rayon ərazisində xidməti fəaliyyətlərini layiqincə yerinə yetirən Xəzər RPİ 2-ci Polis Şöbəsinin əməkdaşlarına təşəkkürlərini bildirirlər.

Zaqatala rayon sakini T.Əhmədova Daxili İşlər Nazirliyinə ünvanladığı teleqramda pozulmuş hüquqlarının bərpası ilə bağlı İnsan Alverinə Qarşı Mübarizə Baş İdarəsinə müraciət etdiyini qeyd edir.

O, müraciətinə operativ baxıldığına, qısa müddətdə araşdırılaraq müvafiq tədbirlərin keçiridiyinə və pozulmuş hüquqlarının bərpa edildiyinə görə İnsan Alverinə qarşı Mübarizə Baş İdarəsinin əməkdaşlarına minnətdarlığını bildirir.

DİN-in “İnstagram” səhifəsinin izləyicisi Fərid Abışov səhifə vasitəsilə etdiyi müraciətə operativ reaksiya verildiyinə və müsbət istiqamətdə həll edildiyinə görə yenidən yazaraq DİN rəhbərliyinə və Nəsimi RPİ-nin əməkdaşlarına təşəkkür edir.

“Facebook” istifadəçisi, Bakı şəhər sakini Esmira Cavadov sosial şəbəkə üzərindən etdiyi müraciətə operativ reaksiya verildiyinə və müsbət istiqamətdə həll edildiyinə görə DİN rəhbərliyinə təşəkkür edir. E. Cavadova qeyd edir: “Bu gün öyrəndim ki, DİN rəhbərliyi social şəbəkələr üzərindən gələn mesajları da şəxsi nəzarətinə götürür, sonadək nəzarətdə saxlayır, nəticəsini tələb edir. Təşəkkür edirəm.”

Bakı şəhər sakini Tamilla Fərzəliyeva DİN rəhbərliyinə ünvanladığı təşəkkür məktubunda müraciətinin obyektiv şəkildə araşdırıldığına görə minnətdarlığını bildirir.

Beyləqan rayon sakini Ruslan Əhmədov Vətən müharibəsində şəhid olmuş qardaşı Sabir Əhmədova məxsus plastik kartdan 1756 manat məbləğində pulun naməlum şəxslər tərəfindən çıxarılması barədə etdiyi müraciətə operativ baxıldığına və həmin şəxslərin müəyyən edilərək saxlanıldıqlarına görə DİN rəhbərliyinə və Beyləqan RPŞ-nin əməkdaşlarına minnətdarlığını bildirir.

DİN-in “Facebook” səhifəsinin izləyicisi Həmidağa Məcidov səhifə vasitəsilə etdiyi müraciətə operativ reaksiya verildiyinə və müsbət istiqamətdə həll edildiyinə görə yenidən yazaraq DİN rəhbərliyinə və Sabunçu RPİ 42-ci Polis Bölməsinin əməkdaşlarına təşəkkür edir.

“Facebook” istifadəçisi, Bakı şəhər sakini Bəxtiyar Hacıyevin şəxsi səhifəsində yazdığı statusu diqqətinizə çatdırırıq:

“Daxili İşlər Nazirliyi Milli Ordumuza dəstək aksiyasının fəaliyyətini normal davam etdirə bilmək üçün müvafiq icazələrin verilməsini təklif etdi, SMS icazə ilə alınmırdı işlər, sağ olsunlar, rahat fəaliyyət üçün lazım olan icazəni verəcəklər. Bundan əvvəl də postlardan keçməklə bağlı, digər məsələlərlə bağlı operativ dəstəklərini hiss etmişik…”