Astara rayon sakini Əlisahib Abbasov DİN rəhbərliyinə ünvanladığı təşəkkür məktubunda müraciətinin obyektiv araşdırılmasına və məsələnin müsbət həllini tapmasına görə Astara Rayon Polis Şöbəsinin əməkdaşlarından razılığını ifadə edir.

Astara rayonunun Sərək kənd sakini Sənan Lütfiyev DİN rəhbərliyinə ünvanladığı təşəkkür məktubunda COVID-19 infeksiyasının yayılmasının qarşısının alınmasında sərgilədikləri gərgin və fədakar əməyə görə Astara RPŞ-nin əməkdaşlarının xidmətini yüksək qiymətləndirir və razılığını ifadə edir.

Şirvan şəhər sakini Təzəxan Vəliyev Daxili İşlər Nazirliyinə ünvanladığı teleqramda oğlunun üzləşdiyi dələduzluq faktı ilə bağlı Qaradağ Rayon Polis İdarəsinə müraciət etdiyini bildirir. O, müraciətlə əlaqədar obyektiv istintaq aparıldığını qeyd edir və bununla bağlı valideyn kimi Qaradağ RPİ-nin əməkdaşlarına təşəkkürünü bildirir.

Bakı şəhər sakini olan 90 yaşlı Həsən Qurbanov üzləşdiyi problemlə bağlı müraciətinə 23-cü Polis Bölməsində operativ baxıldığını, obyektiv araşdırma aparılaraq qısa müddətdə müsbət həll edildiyini qeyd edir. H.Qurbanov bununla bağlı Daxili İşlər Nazirliyinə ünvanladığı teleqramda 23-cü PB-nin əməkdaşlarına təşəkkürünü bildirir.

DİN-in “İnstagram” səhifəsinin izləyicisi olan Bakı şəhər sakini Pərviz Abdulsalamov səhifə vasitəsilə ünvanladığı müraciətinə operativ baxılaraq müvafiq tədbirlərin görüldüyünə görə DİN rəhbərliyinə və Bakı Şəhər Baş Polis İdarəsinin əməkdaşlarına minnətdarlığını bildirir.

Bakı şəhər sakini Vəli Dünyamalıyev DİN rəhbərliyinə ünvanladığı təşəkkür məktubunda Azərbaycan Polisinin fədakar xidməti fəaliyyətini yüksək dəyərləndirir, çətin və şərəfli işlərində uğurlar diləyir.

Sumqayıt şəhər sakini Naib Babayev üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və əməkdaşlarına minnətdarlığını bildirir.

Vətəndaş Mahirə Əmirhüseynova üzləşdiyi problemlə əlaqədar etdiyi müraciətə obyektiv, eləcə də çevik reaksiya verilərək qısa zaman kəsiyində həll olunmasında göstərdikləri köməkliyə görə DİN rəhbərliyinə və şəxsi heyətinə təşəkkürünü ifadə edir.

Şirvan şəhər sakini Sənan Kərimov qanunun aliliyinin, insan hüquq və azadlıqlarının təmin edilməsində, cinayətkarlıqla mübarizədə, ictimai qaydanın və təhlükəsizliyin təmin olunmasında vəzifə borclarının öhdəsindən layiqincə gəldiklərinə görə DİN rəhbərliyinə və Şirvan ŞPŞ-nin əməkdaşlarına minnətdarlığını yazır.