Baki şəhər sakini Şəfəq Əmrahovan üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə DİN rəhbərliyinə və Nərimanov RPİ-nin əməkdaşlarına minnətdarlığını bildirir.

Lerik rayon sakini Tural Əsədullayev müraciətinə operativ baxıldığına görə DİN rəhbərliyinə minnətdarlıq edir.

DİN-in İnstagram səhifəsinin (polisazerbaycan) izləyicisi Tural Kazımzadənin səhifəyə yazdığı mesajı diqqətinizə çatdırırıq: “Şərəfli polislərimiz, Sizə təşəkkür etmək mənim və hər bir sağlam düşüncə sahibi insanın mənəvi borcudur. Hər günümü fəxr hiss ilə yaşayıramsa və şəhərimi, ailəmi güvəndə hiss edirəmsə bunu sizə borcluyam. Polisimizin bu ağır dönəmdə yüksək professionallıqla hərəkət etməsi Cənab Prezdentimizin siyasi kursunun uğurunu əyani şəkildə bir daha sübüt etdi. Mənim Polisim məni qoruyur. Sizə bu şərəfli peşənizdə mənəvi güc arzulayiram.”

İnstagram sosial şəbəkəsindəki “Polisazerbaycan” səhifəmizin daha bir izləyicisi bizə yazır: “Sizə mayın 7-də Yasamal rayonu ərazisndəki retoranların birində mənə məxsus, içərisində 2200 manat olan pul kisəsinin oğurlanması ilə bağlı müraciət etmişdim. Müraciətimlə əlaqədar Bakı şəhər Baş Polis İdarəsinə dəvət olunaraq, müracətim üzrə hərtərəfli araşdırma aparılmaqla mənə dəyən ziyanın ödənilməsi təmin olunub. Mənə göstərilən yüksək diqqətə və işimə hərtərəfli yanaşan polis əməkdaşlarına minnətdarlığımı bildirirəm. Hər bir vətəndaş onu qoruyan, onun problemlərinə həssas yanaşan polisin işi və əməlləri ilə fəxr edir. Yaşasın Azərbaycan polisi ki, qanunun aliliyini ən yüksək səviyyədə əsas təminatçısıdır.

Feysbuk izləyicimiz Şəmsiyə Nağızadə (Шамсия Нагизаде) də səhifədən etdiyi müraciətə operativ reaksiya verildiyinə görə təşəkkür edir: “Mən 05.05.2020-ci il tarixində şikayət etmişdim. Və bu şikayətimə əsasən Qubadlı Rayon Polis Şöbəsi müraciətimlə yaxından maraqlandı. Dərin təşəkkürümü və minnətdarlığımı bildirirəm. Onların bu məsələyə isti münasibət bildirdikləri üçün çox şadam.”

İnstagram izləyicimiz olan bir qadın (etiq qaydalara görə ad verilmir) səhifə vasitəsilə bir nəfər şəxsin onu şantaj etdiyini bildirmişdi. Həmin qadın daha sonra yenidən səhifəmizə yazaraq şikayətinə obyektiv baxıldığına və həmin şəxsin saxlanıldığına görə DİN rəhbərliyinə, Baş Mütəşəkkil Cinayətkarlıqla Mübarizə İdarəsinin və Şirvan ŞPŞ-nin əməkdaşlarına təşəkkürünü bildirir. O, Azərbaycan Polisi ilə qürur duyduğunu ifadə edir.

Feysbuk izləyicimiz Salman Xudaverdiyev səhifədən etdiyi müraciətə operativ baxıldığına və ona dəyən ziyanın ödətdirildiyinə görə Bakı Şəhər Baş Polis İdarəsinin əməkdaşlarına minnətdarlıq edir.

Feysbuk izləyicimiz Ramin Həsənov yazır: “Sizə etdiyim şikayət qısa bir zamanda həllini tapdı. Buna görə Azərbaycan Polisinə dərin minnətdarlığımı bildirirəm. Sizlərə bu şərəfli peşənizdə uğurlar arzulayıram.”

Bakı şəhər sakini Fərda İbrahimov müraciətinə operativ baxıldığına və göstərilən köməkliyə görə DİN rəhbərliyinə minnətdarlıq edir.