Kürdəmir rayon sakini Ağadadaş Rzayev ünvanladığı təşəkkür məktubunda rayon ərazisində koronavirus pandemiyasına qarşı mübarizə tədbirlərinin yüksək səviyyədə təşkilində, ictimai asayişin və təhlükəsiziyin təmin edilməsində, cinayətkarlıqla qətiyyətli mübarizədə vəzifə borclarının öhdəsindən layiqincə gəldiklərinə, fədakarlıq nümayiş etdirdiklərinə görə DİN rəhbərliyinə və Kürdəmir RPŞ-nin əməkdaşlarına minnətdarlığını yazır.

Ucar rayon sakini Könül Hüseynova üzləşdiyi problemlə əlaqədar etdiyi müraciətin həll olunmasında göstərilən köməkliyə görə DİN rəhbərliyinə və Ucar RPŞ-nin əməkdaşlarına təşəkkürünü bildirir.

Ağdam rayon sakini, şəhid atası Etibar Allahverdiyev etdiyi müraciətin müsbət yöndə həll olunmasına görə DİN rəhbərliyinə minnətdarlığını bildirir.

Abşeron rayon sakini Əntiqə Mənsimova mobil telefonunun oğurlanması ilə əlaqədar etdiyi müraciətə operativ reaksiya verilərək qısa zaman kəsiyində tapılmasında, eləcə də işlək vəziyyətdə ona qaytarılmasında göstərdikləri köməkliyə görə Sumqayıt RPİ-nin rəhbərliyinə və əməkdaşlarına minnətdarlığını bildirir.

Şirvan şəhər sakini Gülnarə Həsənova üzləşdiyi problemlə əlaqədar etdiyi müraciətə həssaslıqla yanaşılaraq qısa zaman kəsiyində həll olunmasında göstərdikləri köməkliyə görə Bakı ŞBPİ-nin rəhbərliyinə və şəxsi heyətinə təşəkkürünü ifadə edir.

Şamaxı rayon sakini Hilal Bəkirov Daxili İşlər Nazirliyinə ünvanladığı məktubunda iş yoldaşları ilə birlikdə işdən qayıdarkən polis əməkdaşlarının yol kənarında köməksiz vəziyyətdə olan əqli qüsurlu bir nəfərə yaxınlaşaraq kömək etdiklərinin, ailəsini taparaq onu təhvil verdiklərinin şahidi olduğunu bildirir. O, belə halların qürurverici olduğunu, vətəndaşlarda polisə inam və etibarı daha da artırdığını qeyd edir. H.Bəkirov ictimai asayişi etibarlı qoruduqlarına, həmçinin köməksiz vəziyyətdə olan vətəndaşa göstərdikləri qayğıya görə özü və iş yoldaşları adından Şamaxı Rayon Polis Şöbəsinin əməkdaşlarına minnətdarlığını bildirir.

Bakı şəhər sakini İlham Nəcəfov etdiyi müracitə operativ baxılaraq müsbət həll olunduğuna görə DİN rəhbərliyinə və Bakı şəhər Baş Polis İdarəsinin əməkdaşlarına təşəkkürünü bildirir.

Rusiya Federassiyası vətəndaşı Nataliya Ojerelyeva adlı istifadəçi DİN-in “İnstagram” səhifəsi üzərindən etdiyi müraciətə operativ reaksiya verildiyi və məsələnin müsbət həll olunduğu üçün DİO əməkdaşlarına təşəkkürünü bildirir.

Göranboy rayon sakini Əliağa Əsədov DİN-ə ünvanladığı məktubunda Xocalı RPŞ tərəfindən şəxsiyyət vəsiqəsi ilə təmin olunduğu üçün minnətdarlığını bildirir.