Bakı şəhəri, Xəzər rayonunun Binə qəsəbə sakini Sakit Bayramov Daxili İşlər Nazirliyinə ünvanladığı məktubunda qəsəbə ərazisində narkotik vasitələrin və psixotrop maddələrin qanunsuz dövriyyəsinin qarşısının alınması istiqamətində aparılan qətiyyətli mübarizə tədbirlərinə görə DİN rəhbərliyinə və Xəzər RPİ-nin 3-cü Polis Şöbəsinin əməkdaşlarına minnətdarlığını bildirir, çətin və şərəfli xidmətlərində uğurlar arzulayır.  

ARB TV-nin əməkdaşı Rəşad Mikayılov DİN-in “Instagram” səhifəsinə təşəkkür mesajı yazıb. O, üzləşdiyi dələduzluq faktı ilə bağlı səhifə vasitəsilə etdiyi müraciətinə operativ baxıldığına və Yasamal RPİ-nin 28-ci Polis Bölməsində müvafiq araşdırmalara başlanıldığına görə DİN rəhbərliyinə və 28-ci Polis Bölməsinin əməkdaşlarına təşəkkürünü bildirir. 

Xırdalan şəhər sakini Ağalar Vahidov məktubunda DİN rəhbərliyini və daxili işlər orqanlarının bütün şəxsi heyətini Novruz bayramı münasibətilə təbrik edir, çətin və şərəfli xidmətlərində uğurlar arzulayır. O, daxili işlər orqanlarında xidmət edən gənc əməkdaşlara, o cümlədən polis əməkdaşı olan oğluna  göstərilən diqqət və qayğıya, etimada görə DİN rəhbərliyinə minnətdarlığını bildirir.

Ucar rayon sakini Əlfərxan Əhmədov DİN-ə ünvanladığı təşəkkür məktubunda xidməti vəzifələrini və peşə fəaliyyətini layiqincə yerinə yetirdiklərinə görə DİN rəhbərliyinə və Ucar RPŞ-nin əməkdaşlarına minnətdarlığını bildirir.

Vətəndaş Qədir Məmmədov göstərilən diqqətə və operativliyə görə DİN rəhbərliyinə təşəkkürünü bildirir. 

Bloger Nigar Alıyeva Daxili İşlər Nazirliyinə ünvanladığı məktubunda gecə-gündüz yorulmadan xidmət aparan, ictimai asayişi və ictimai təhlükəsizliyi ayıq-sayıq qoruyan, xidməti vəzifələrini layiqincə yerinə yetirən Azərbaycan polisinə minnətdarlığını bildirir, çətin və şərəfli xidmətlərində uğurlar atrzulayır.  

Bakı şəhər sakini Elnur İmanov müraciətinə həssas yanaşıldığına və göstərilən köməkliyə görə DİN rəhbərliyinə minnətdarlığını bildirir. 

Bakı şəhər sakini Əliəsgər Vəliyev müraciətinə həssas yanaşıldığına, yüksək peşəkarlıqla keçirilmiş operativ tədbirlərlə özünün və ailəsinin təhlükəsizliyinin təmin olunmasına görə DİN rəhbərliyinə minnətdarlığını bildirir, Azərbaycan polisi ilə fəxr etdiyini qeyd edərək onlara çətin və şərəfli işlərində uğurlar arzulayır. 

Vətəndaş Gülnar Baxşiyeva sosial məişət probleminin həllində ona göstərilən köməkliyə görə DİN-in Mətbuat Xidmətinin əməkdaşlarına təşəkkürünü bildirir.