DİN-in struktur qurumlarının saytları
Görmə çətinliyi olanlar üçün:

Vətəndaş və Polis

Azərbaycan polisi gecə-gündüz vicdanla çalışır ki, vətəndaşlarımız əmin-amanlıqda yaşasın. Şübhəsiz ki, polis sıraları da vətəndaşlarımızdan formalaşır və hamımız birlikdə Vətənimizin təhlükəsizliyini təmin etməliyik.

Təşəkkür məktubları

Samux rayonu Nəbiağalı qəsəbə sakini Zeynəb İmanova DİN-ə ünvanladığı minnətdarlıq məktubunda vəzifə borcunu layiqincə yerinə yetirdiyinə və vətəndaşlarla yaratdığı xoş münasibətə görə Samux Rayon Polisi Şöbəsinin rəisi Akif Nəbiyevdən razılıq edir və təşəkkürünü bildirir.

Astara şəhərinin bir qrup ağsaqqalı DİN rəhbərliyinə ünvanladığı təşəkkür məktubunda rayon ərazisində narkotik vasitələrin qanunsuz dövriyyəsinə qarşı uğurla aparılan mübarizəyə, ictimai qaydanın və ictimai təhlükəsizliyin təmin olunmasına, vətəndaşların müraciətlərinə həssaslıqla yanaşılmasına görə Astara Rayon Polis Şöbəsinin rəisi Azər Cahangirovdan razılığını ifadə edir və minnətdarlığını bildirir.

Astara rayonunun Ərçivan qəsəbə 1 nömrəli tam orta məktəbinin müəllim kollektivi DİN rəhbərliyinə ünvanladığı təşəkkür məktubunda rayon ərazisində narkotik vasitələrin qanunsuz dövriyyəsinə qarşı görülən qətiyyətli tədbirlərə, narkomaniyaya qarşı mübarizə çərçivəsində təhsil müəssisələrində keçirilən maarifləndirici görüşlərə, yeniyetmə və gənclər arasında sağlam həyat tərzinin təbliğinə görə Astara Rayon Polis Şöbəsinin rəisi Azər Cahangirova minnətdarlığını ifadə edir.

Astara rayonunun Ojakəran kənd sakini Şair Hidayətov DİN rəhbərliyinə ünvanladığı təşəkkür məktubunda edilən müraciətlərə və vətəndaşların qayğılarına həssaslıqla yanaşılmasına, ictimai qaydanın və asayişin yüksək səviyyədə qorunmasına görə Astara RPŞ-nin rəisi Azər Cahangirovdan razılığını ifadə edir.

Bakı şəhər sakini Sədaqət Musayeva üzləşdiyi promlemlə bağlı müraciətinə cevik reaksiya verərək ona dəyən ziyanın ödənilməsində göstərdikləri köməyə görə Nəsimi Rayon Polis İdarəsinin əməkdaşlarına təşəkkürünü bildirir.

Bakı şəhər sakini Vaqif Behbudov DİN rəhbərliyinə ünvanladığı məktubunda səmimi qəbula və köməyə görə Su Nəqliyyatında Polis İdarəsinin rəhbərliyinə təşəkkürünü bildirir.

Bakı şəhər sakini Cumar İsayev DİN-ə ünvanladığı məktubunda ona dəyən ziyanın ödənilməsində göstərdikləri köməyə görə Azərbaycan Polisinə minnətdarlığını bildirir.

Bakı şəhər sakini Elşən Quliyev DİN rəhbərliyinə ünvanladığı təşəkkür məktubunda ictimai asayişin qorunmasında, cinayətkarlıqla mübarizədə polisin rolunu yüksək dəyərləndirir.

Bakı şəhər sakini Məmməd Atababayev DİN-ə ünvanladığı məktubunda ona dəyən ziyanın ödənilməsində göstərdikləri köməyə görə 26-cı Polis Bölməsinin əməkdaşlarına minnətdarlığını bildirir.