Şəki rayonunun Yeni Çələbixan qəsəbə sakini Mehman İbişov DİN-ə ünvanladığı məktubunda vətəndaşların müraciətlərinə həssaslıqla yanaşılmasına, göstərilən diqqət və qayğıya, eyni zamanda operativliyə görə DİN rəhbərliyinə minnətdarlığını bildirir, çətin və şərəfli xidmətlərində uğurlar arzulayır.

Masallı rayon sakini Allahşükür Zahidov məktubunda Vətən müharibəsinin iştirakçısı olan oğlunun daxili işlər orqanlarında xidmətə qəbul edildiyini bildirir. O, daxili işlər orqanlarında gənc əməkdaşlara, xüsusilə Vətən müharibəsi iştirakçılarına göstərilən diqqət və qayğının, etimadın təqdirəlayiq olduğunu qeyd edərək DİN rəhbərliyinə minnətdarlığını bildirir.

Lənkəran şəhərinin Kərgalan kənd sakini Yaşar Kərəmov  məktubunda rayon ərazisində ictimai asayişi və ictimai təhlükəsizliyi etibarlı qoruyan, cinayətkarlıqla, o cümlədən narkotiklərin qanunsuz dövriyyəsi ilə qətiyyətli mübarizə aparan, vətəndaş müraciətlərinə həssaslıqla yanaşan Lənkəran Şəhər Rayon Polis Şöbəsinin əməkdaşlarına təşəkkürünü ifadə edir.

Bakı şəhər sakini Ülvi Ağayev  DİN-in “İnstagram” səhifəsi vasitəsilə Azərbaycan Polisinə təşəkkürünü bildirib. O, Xəzər rayonunda yaşadığı ərazidə yol hərəkətinin təşkili ilə bağlı Daxili İşlər Nazirliyinə etdiyi müraciətinə operativ reaksiya verildiyini yazır.  <p/>Ü.Ağayev vətəndaş müraciətlərinə həssas yanaşılmasına, eyni zamanda hərəkətin təhlükəsizliyi üçün həyata keçirilən operativ tədbirlərə görə DİN rəhbərliyinə və Xəzər RPİ-nin Dövlət Yol Polisi Şöbəsinin əməkdaşlarına təşəkkürünü bildirir.

DİN-in “İnstagram” səhifəsinin izləyicisi, Bakı şəhər sakini Arzu Abbasova (arzuabbasova22) itirdiyi pulqabısının tapılaraq ona qaytarılmasına görə DİN rəhbərliyinə və Binəqədi RPİ 5-ci Polis Bölməsinin əməkdaşlarına minnətdarlığını bildirir, çətin və şərəfli işlərində uğurlar arzulayır.

DİN-in “İnstagram” səhifəsinin izləyicisi, Bakı şəhər sakini Həbib Həsənov (hebib_hesenov_official) səhifə vasitəsi ilə etdiyi müraciətə baxılaraq müsbət istiqamətdə həll edildiyinə və ona dəymiş maddi ziyanın ödətdirilməsində göstərilən köməkliyə görə DİN rəhbərliyinə və Nizami RPİ 24-cü Polis Bölməsinin əməkdaşlarına təşəkkürünü bildirir.

Bərdə rayonunda məskunlaşmış məcburi köçkün, erməni terrorçularının Bərdəyə atdıqları raket atəşləri nəticəsində ağır yaralanmış Telman Orucovun DİN-ə ünvanladığı məktubda ona və ailəsinə göstərilən diqqət və qayğıya görə Bərdə Rayon Polis Şöbəsinin əməkdaşlarına və DİN rəhbərliyinə təşəkkürünü bildirir.

Ağcabədi rayon sakini Lamiyə Həşimova DİN-ə ünvanladığı təşəkkür məktubunda etdiyi müraciətə çevik və operativ şəkildə reaksiya verdiyinə görə Rayon Polis Şöbəsinin əməkdaşlarını minnətdarlığını ifadə edir.

Bərdə rayonunda məskunlaşmış məcburi köçkün Məryəm İsmayılova fiziki qüsurlu oğluna göstərilən diqqət və qayğıya görə Rayon Polis Şöbəsinin əməkdaşlarına və DİN rəhbərliyinə öz minnətdarlığını bildirir.