Şəki şəhər sakini Cəsarət Hüseynov Daxili İşlər Nazirliyinə təşəkkür məktubu ünvanlayaraq ŞRPŞ Dövlət Yol Polis Bölməsinin əməkdaşlarının xidməti fəaliyyətindən razılıq edib, minnətdarlığını bildirir.

Bakı şəhər sakini Zinyət Tağıyeva Daxili İşlər Nazirliyinə ünvanladığı təşəkkür məktubunda ona dəymiş maddi ziyanın tam ödətdirildiyinə görə Binəqədi Rayon Polis İdarəsinin əməkdaşlarına minnətdarlıq edir.

Bakı şəhər sakini Samir Məmmədov yaşadığı ünvanda üzləşdiyi problemlə əlaqədar etdiyi müraciətə operativ reaksiya verilərək qısa zaman kəsiyində həll olunmasında göstərilən köməkliyə görə DİN rəhbərliyinə və Baş Narkotiklərlə Mübarizə İdarəsinin əməkdaşlarına minnətdarlığını bildirir.

Ağdaş rayonunun Dovudlu kənd sakini Akif Qasımov müraciətinin Sabunçu Rayon Polis İdarəsində obyektiv araşdırılaraq müsbət həll olunmasına görə DİN rəhbərliyinə minnətdarlığını bildirir.

Rusiya Federasiyasının vətəndaşı Yana Ryabçikova ölkəmizdə fəaliyyət göstərən internet saytlarından birinin əməkdaşları tərəfindən dələduzluğa məruz qalması barədə Azərbaycan Daxili İşlər Nazirliyinə müraciətinin müsbət həll olunduğunu bildirir. O, müvafiq araşdırmaların aparılaraq, təqsirləndirilən şəxslər barədə tədbirlər görüldüyünə, ona dəymiş maddi zərərin ödətdirilməsinə görə DİN rəhbərliyinə minnətdarlığını bildirir.

Vətəndaş Məleykə Şükürova öz məktubunda müraciətinin müsbət həll olunmasında göstərilən köməkliyə görə Xəzər RPİ-nin 2-ci Polis Şöbəsinin əməkdaşlarına təşəkkürünü bildirir.

Qarabağ Azadlıq Təşkilatının Şəki şəhər şöbəsinin sədri Elxan Rəhimov Daxili İşlər Nazirliyinə təşəkkür məktubu ünvanlayıb.

Müəllif Şəki şəhəri ərazisində avtomobil yollarında təhlükəsizliyin etibarlı təmin olunmasına, yol polisi əməkdaşlarının məktəblərdə və yollarda apardıqları maarifləndirmə tədbirlərinə diqqətə çəkir, onların təhsil müəssisələrinin qarşısında məktəblilərin təhlükəsizliyi üçün gördükləri tədbirlərin təqdirəlayiq olduğunu qeyd edir.

“Təhsil müəssisələrinin qarşısında azyaşlı uşaqların əllərindən tutaraq yolu keçirən yol polisi əməkdaşlarını gördükdə çox böyük qürur hissi keçirdim və kənardan bir neçə fotoşəkil çəkdim” yazan müəllif həmin fotoşəkilləri də məktubuna əlavə edib.

E.Rəhimov polis əməkdaşlarının belə nümunəvi xidmətinə, maarifləndirici tədbirlərinə, xoş rəftarlarına və nəzakətli davranışılarına görə rəhbərlik etdiyi kollektiv adından DİN rəhbərliyinə və Şəki ŞRPŞ DYPB-nin əməkdaşlarına minnətdarlığını bildirir, çətin və şərəfli işlərində uğurlar arzulayır.

Tovuz rayonunun Aşağı Öysüzlü kənd sakini Əkbər Rüstəmov Daxili İşlər Nazirliyinə ünvanladığı təşəkkür məktubunda ona dəymiş maddi ziyanın tam ödətdirildiyinə görə Xətai RPİ-nin 34-cü Polis Bölməsinin əməkdaşlarına minnətdarlıq edir.

Ağstafa rayonunun Daşkəsəmən kənd sakini Alməmməd Nəbiyev Daxili İşlər Nazirliyinə göndərdiyi məktubunda yol polisi əməkdaşlarının ona yardım etdiyini bildirir. A.Nəbiyev qeyd edir ki, ötən il dekabrın 31-də bayramlaşmaq üçün ailə üzvləri ilə birgə rayona gediblər. Hava dumanlı və əlverişsiz olduğundan o, avtomobili idarə etməkdə çətinliklə üzləşib. Bu zaman həmin ərazidə xidmət aparan Yol Patrul Xidməti əməkdaşları onlara yaxınlaşıb, narahatçılıqlarını görərək gedəcəkləri yolda bələdçilik ediblər.

Həmin yol polisi əməkdaşlarının avtomobildə olan və səhhəti qəfil pisləşən atasına da ilkin tibbi yardım göstərdiklərini qeyd edən müəllif göstərdikləri bu köməkliyə görə BDYPİ YPXA-nın 9-cu taqımının inspektorları Elnur Mahmudov və Samit Mustafayevə təşəkkürünü bildirir.

Müəllif həmçinin avtomobil yollarında təhlükəsizliyin etibarlı təmin olunmasına, polis əməkdaşlarının humanistliyinə, xoş rəftarlarına və nəzakətli davranışılarına görə DİN rəhbərliyinə minnətdarlığını bildirir, çətin və şərəfli işlərində uğurlar arzulayır.