Göyçay şəhər sakini Nəriman Yusifov Bakı Şəhər Baş Polis İdarəsində müraciətinə obyektiv baxıldığına və həllini tapmasına görə DİN rəhbərliyinə öz minnətdarlığını bildirir.

Xırdalan şəhər sakini Elvin Babayev Daxili İşlər Nazirliyinə ünvanlandığı məktubunda ictimai asayişin və ictimai təhlükəsizliyin etibarlı qorunmasına və vətəndaş müraciətlərinə həssaslıqla yanaşılmasına görə DİN rəhbərliyinə və Bakı Şəhər Baş Polisi İdarəsinin əməkdaşlarına təşəkkürünü bildirir.

Qazax rayon Orta Salahlı kənd sakini Tahir Məmmədov DİN rəhbərliyinə ünvanladığı təşəkkür məktubunda baş vermiş yol-nəqliyyat hadisəsi ilə bağlı müraciətinin obyektiv araşdırılmasına, göstərilən diqqət və qayğıya görə, Qazax RPŞ-nin Dövlət Yol Polisi Bölməsi əməkdaşlarına öz minnətdarlığını bildirir.

Bakı şəhər sakini Nəsrəddin Səfərov DİN-ə ünvanladığı məktubunda Mehdiabad qəsəbəsində qəbiristanlıqdan edilmiş oğurluqla bağlı müraciətə operativ baxıldığına görə DİN rəhbirliyinə minnətdarlığını bildirir.

Lənkəran rayonunun Kərgəlan kənd sakini Yaşar Kərəmov DİN rəhbərliyinə ünvanladığı təşəkkür məktubunda vətəndaşlara qarşı sərgilənən yüksək mədəni davranışa, onların müraciətlərinə göstərilən həssaslığa görə Şəhər Rayon Polis Şöbəsinin rəhbərliyindən razılığını ifadə edir.

Biləsuvar şəhər sakini Ramil Dəmirli DİN rəhbərliyinə ünvanladığı təşəkkür məktubunda xidməti vəzifələrini layiqincə yerinə yetirdiyinə görə Biləsuvar RPŞ-nin Dövlət Yol Polisi Bölməsinin əməkdaşları Cavid Həsənov və Rauf Əzimovdan razılığını ifadə edir.

Cəlilabad rayonunun Dələli kənd sakini Firudin Rüstəmov DİN rəhbərliyinə ünvanladığı təşəkkür məktubunda müraciətinin obyektiv şəkildə araşdırıldığına görə minnətdarlığını bildirir.

Astara şəhər sakini İstək Əzizzadə DİN rəhbərliyinə ünvanladığı təşəkkür məktubunda evindən oğurluq edən şəxsin tez bir zamanda müəyyən edilərək saxlanılmasına görə Astara RPŞ-nin əməkdaşlarına minnətdarlığını ifadə edir.

Goranboy rayon sakini Tahir Əhmədov DİN rəhbərliyinə ünvanladığı təşəkkür məktubunda yazır: “Mənim 65 yaşım var və uzun müddət jurnalistika sahəsində çalışmışam. Apardığım müşahidələr göstərir ki, bu gün Azərbaycan polisinin vətəndaşa göstərdiyi münasibət 90-cı illərdən kəskin fərqlənir. Tam əminliklə deyə bilərəm ki, əsası Ulu Öndər Heydər Əliyevin qoyduğu daxili sabitlik, insanların hüquq və azadlıqlarının qorunması bu gün ölkə başçısının diqqəti ilə DİN orqanları tərəfindən yüksək səviyyədə təmin edilir. Goranboy Rayon Polis Şöbəsinin əməkdaşları da bu müqəddəs və məsuliyyətli peşə üçün gecə-gündüz demədən çalışır, vətəndaşları narahat edən ən xırda problemlərə belə vaxtında reaksiya verərək müsbət yöndə həll olunmasına çalışırlar. Odur ki, müsbət və təmannasız xidmətlərinə görə DİN rəhbərliyinə və sözü gedən şöbənin əməkdaşlarına təşəkkür edirəm”.