Vətəndaş Zahir Süleymanov cinayətkarlıqla qətiyyətli mübarizə aparan, öz üzərinə düşən vəzifələri layiqincə yerinə yetirən, şəhid ailələrinə baş çəkərək ərzaq yardımları edən, qayğıkeşlik göstərən Bərdə Rayonu Yol Patrul Xidmətinin  əməkdaşlarına qəsəbə sakinləri olan şəhid və aztəminatlı ailələr adından təşəkkürünü bildirir, çətin və şərəfli xidmətlərində uğurlar arzulayır. 

Vətəndaş Səkinə Hüseynzadə ünvanladığı müraciətinə operativ baxıldığını, Binəqədi Rayon Polis İdarəsi tərəfindən obyektiv araşdırılaraq qısa müddətdə müsbət həll olunduğunu qeyd edərək DİN rəhbərliyinə və Binəqədi RPİ-nin əməkdaşlarına minnətdarlığını bildirir.

Vətəndaş Adıgözəl Süleymanov Nəsimi rayonu ərazisində sosial neqativ halların, narkotik vasitələrin və psixotrop maddələrin qanunsuz dövriyyəsinin qarşısının alınması ilə bağlı müraciətinə baxıldığına və həyata keçirilən operativ tədbirlərlə görə DİN rəhbərliyinə və Nəsimi RPİ-nin əməkdaşlarına minnətdarlığını bildirir. 

Vətəndaş Kamil Babayev polis əməkdaşlarının belə nümunəvi xidmətinə, maarifləndirici tədbirlərinə, xoş rəftarlarına və nəzakətli davranışılarına görə rəhbərlik etdiyi kollektiv adından DİN rəhbərliyinə və Suraxanı Rayon Polis İdarəsinin Dövlət Yol Polisi Şöbəsinin əməkdaşlarına minnətdarlığını bildirir, çətin və şərəfli işlərində uğurlar arzulayır.  

Sumqayıt şəhər sakini Şəbnəm Məmmədova məktubunda sənədini itirməsi ilə bağlı müraciətinə çevik reaksiya verildiyini, Sumqayıt Şəhər Polis İdarəsində qəbul edildiyini və araşdırma aparılaraq qısa müddətdə müraciətinin müsbət həll olunduğunu qeyd edir.  O, göstərilən operativliyə və obyektiv araşdırmaya görə DİN rəhbərliyinə və Sumqayıt ŞPİ-nin əməkdaşlarına təşəkkürünü bildirir. 

Vətəndaş Cahin Şəmiyev DİN-in “Instagram” səhifəsinə təşəkkür mesajı yazıb. O, Füzuli rayonunun Alxanlı kəndi ərazisində yol hərəkətinin təşkili ilə ilə bağlı etdiyi müraciətinə çevik reaksiya verildiyini, Baş Dövlət Yol Polisi İdarəsindən onunla əlaqə saxlanılaraq araşdırmalara başlanıldığını və müvafiq tədbirlərin görüləcəyini qeyd edir. C.Şəmiyev müraciətinə çevik reaksiya verilməsinə və həyata keçirilən tədbirlərə görə DİN rəhbərliyinə və Baş Dövlət Yol Polisi İdarəsinin əməkdaşlarına minnətdarlığını bildirir.

Şəki şəhər sakini Rövşən Lətifov DİN-in “Facebook” səhifəsinə təşəkkür mesajı yazıb. O, sürücülük vəsiqəsi ilə bağlı üzləşdiyi problemlə əlaqədar etdiyi müraciətinə çevik reaksiya verildiyini, Baş Dövlət Yol Polisi İdarəsindən onunla əlaqə saxlanılaraq araşdırmalara başlanıldığını və qısa müddətdə müraciətinin müsbət həll olunduğunu qeyd edir. R.Lətifov müraciətinə çevik reaksiya verilməsinə və obyektiv araşdırmaya görə DİN rəhbərliyinə və Baş Dövlət Yol Polisi İdarəsinin əməkdaşlarına minnətdarlığını bildirir. 

Bakı şəhər sakini Rəhimə Babayeva üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Binəqədi RPİ 5-ci Polis Bölməsinin rəhbərliyinə və əməkdaşlarına minnətdarlığını bildirir. 

İstanbul Hospitalın nümayəndəsi Əziz Quliyev məktubda yeni diaqnostika aparatının alınması üçün pul verdiyi şəxsin onu aldatması ilə bağlı etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş maddi ziyanın ödətdirilməsində göstərdikləri köməkliyə görə Binəqədi RPİ 5-ci Polis Bölməsinin rəhbərliyinə və əməkdaşlarına təşəkkürünü ifadə edir.