DİN-in “İnstagram” səhifəsinin izləyicisi Vüsal Əmirli səhifə vasitəsilə etdiyi müraciətə operativ reaksiya verildiyinə və məsələnin qısa zaman ərzində müsbət həll olunduğuna görə polis əməkdaşlarına təşəkkürünü bildirir.

Cəlilabad rayon sakini Böyükağa Həsənov etdiyi müraciətin operativ və obyektiv şəkildə araşdırılmasına görə DİN rəhbərliyinə minnətdarlığını bildirir.

Abşeron rayon sakini Leyla Orucova DİN rəhbərliyinə ünvanladığı təşəkkür məktubunda xuliqanlıq faktı ilə əlaqədar etdiyi müraciətə operativ baxıldığına və göstərilən köməkliyə görə Azərbaycan Polisinə minnətdarlıq edir.

Ağdam Rayon sakini Bakir Nəcəfov DİN rəhbərliyinə ünvanladığı məktubunda 2-ci Qarabağ müharibəsi zamanı erməni hərbçilərinin Ağdam rayonunun birinci Dördyol qəsəbəsinə atdığı top, qrad mərmilərindən ziyan görməmələrinin qarşısını çevik və vaxtında alaraq 5 minə yaxın insanı təxliyə edərək həyatlarını qurtaran sahə rəisi, polis mayoru Niyaz Bayramova və onun tabeliyində xidmət edən polis nəfərlərinə qəsəbə sakinləri və öz adından minnətdarlıq edir.

DİN-in “Facebook “ səhifəsinin izləyicisi, Bakı şəhər sakini Səfər Aslanov səhifə vasitəsilə avtobus sürücülərinin yol hərəkətini pozduğuna dair video göndərərək baxılmasını xahiş etmişdi.

Vətəndaş müraciətinin müsbət həll edildiyi üçün minnətdarlığını bildirir: “Müraciətimə dərhal reaksiya verildiyinə və həll olunduğuna görə DİN və Bakı şəhər Dövlət Yol Polisi İdarəsinin rəhbərliyinə təşəkkür edirəm. Bu qədər tez reaksiya böyük ümidlər vəd edir”.

Bakı şəhər sakini Calal Axundov məktubunda Dövlət Yol Polisinin səlahiyyətinə aid məsələdə qarşılaşdığı problemlə bağlı Daxili İşlər Nazirliyinə müraciət etdiyini yazır. O, müraciətinə qısa müddətdə baxıldığını, Baş Dövlət Yol Polisi İdarəsinə dəvət edildiyini, nəzakətlə qarşılanaraq dinlənildiyini, müraciəti ilə bağlı hüquq və vəzifələrinin ətraflı izah olunduğunu qeyd edir.

C.Axundov müraciətinə həssas yanaşıldğına, göstərilən diqqətə və köməkliyə görə DİN rəhbərliyinə və Baş Dövlət Yol Polisi İdarəsinin əməkdaşlarına təşəkkürünü bildirir.

Masallı rayon sakini Sakit Allahverdiyev DİN-in “İnstagram” səhifəsinə yazaraq telefonunun oğurlanması ilə bağlı müraciətinin müsbət həll edildiyi üçün DİN rəhbərliyinə və Binəqədi RPİ 5-ci PB-nin əməkdaşlarına minnətdarlı edir.

Şabran şəhər sakini Ələstun Kamilov DİN-ə ünvanladığı məktubunda şəhid ailələrinə, qazilərə, veteranlara göstərilən diqqət və qayğıya, eləcə də maddi və mənəvi dəstəyə görə Şabran RPŞ-in rəhbərliyinə və əməkdaşlarına minnətdarlığını bildirir.

Bakı şəhər sakini Bayram Hüseyinov üzləşdiyi dələduzluq hadisəsi ilə əlaqədar etdiyi müraciətə operativ reaksiya verilərək qısa zaman kəsiyində həll olunmasında, eləcə də ona dəymiş ziyanın ödətdirilməsində göstərdikləri köməkliyə görə Nəsimi RPİ-nin 22-ci Polis Bölməsinin rəhbərliyinə və şəxsi heyətinə təşəkkürünü ifadə edir.