Qanunsuz saxlanılan silah-sursatla bağlı tədbirlər davam etdirilir 

15.01.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 14-də 15-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 11 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır. 

Nəqliyyat vasitəsini qaçırmaqda şübhəli bilinən Qusar rayon sakini R.Babaliyev saxlanılıb

15.01.2023

Nəsimi rayonu ərazisindən Bakı şəhər sakini K.Aliyevə məxsus “Minsk” markalı motosikletin qaçırılması barədə polisə məlumat daxil olub.  Nəsimi RPİ 22-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Qusar rayon sakini, əvvəllər məhkum olunmuş R.Babaliyev saxlanılıb. Araşdırmalarla onun Cinayət Məcəlləsinin 177-ci (Oğurluq) maddəsi ilə axtarışda olması da məlum olub. 

Oğurluqda şübhəli bilinən Şəki rayon sakini E.Qocayev saxlanılıb

15.01.2023

Şəki Şəhər Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 1045 manat pul və 412 manat dəyərində qızıl boyunbağı oğurlamaqda şübhəli bilinən rayon sakini E.Qocayev saxlanılıb. Araşdırma aparılır.   

Xaçmaz şəhər sakini E.Talıbovdan narkotik vasitələr aşkar edilərək götürülüb

15.01.2023

Xaçmaz Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini E.Talıbovdan 3 qramdan artıq, evinin həyətinə baxış zamanı isə 665 qram marixuana və kultivasiya yolu ilə yetişdirilən 9 ədəd çətənə kolu aşkar olunaraq götürülüb. Araşdırma aparılır. 

Hacıqabul şəhər sakini B.Haqverdiyevdən 46 qrama yaxın, evinə baxış zamanı isə 2 kiloqram 375 qram heroin aşkar olunaraq götürülüb

15.01.2023

Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş B.Haqverdiyevdən 46 qrama yaxın, evinə baxış zamanı isə 2 kiloqram 375 qram heroin aşkar olunaraq götürülüb. Araşdırma aparılır.   

Gəncə şəhər sakini O.Zərbiyanidən 1 kiloqram 62 qram heroin və 2 kiloqram 121 qram marixuana aşkar olunaraq götürülüb

15.01.2023

Göygöl Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Gəncə şəhər sakini O.Zərbiyanidən 1 kiloqram 62 qram heroin və 2 kiloqram 121 qram marixuana aşkar olunaraq götürülüb. Araşdırma aparılır.   

Binəqədi rayonunun Mehdiabad qəsəbəsi ərazisində yol-nəqliyyat hadisəsi

15.01.2023

Yanvarın 15-də saat 17 radələrində Binəqədi rayonunun Mehdiabad qəsəbəsi ərazisində İmişli rayon sakini R.Abbasovun idarə etdiyi “Toyota” və Şirvan şəhər sakini X.Allahverdiyevanın idarə etdiyi “Mercedes” markalı avtomobillər toqquşub. Nəticədə “Toyota” markalı avtomobildə olan sərnişin X.Hüseynova hadisə yerində ölüb, hər iki sürücü xəstəxanaya yerləşdirilib.Binəqədi Rayon Polis İdarəsində araşdırma aparılır. 

Gün ərzində ölkə ərazisində qeydə alınan 74 cinayətin açılması təmin olunub

14.01.2023

Yanvarın 14-də ölkə ərazisində qeydə alınan 74, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.

Tovuz rayonunun Əyyublu və Aşağı Quşçu kəndlərindəki mağazalardan tütün məmulatı və ödəmə terminallarından pul oğurlamaqda şübhəli bilinən Şəmkir rayon sakini Q.Babayev saxlanılıb

14.01.2023

Polis əməkdaşlarının keçirdikləri əməliyyat tədbirləri nəticəsində Tovuz rayonunun Əyyublu kəndindəki bir mağazadan 200 manat dəyərində tütün məmulatı və orada quraşdırılan ödəmə terminalından 1229 manat pul, Aşağı Quşçu kəndində isə digər mağazada quraşdırılan ödəmə terminalından 17.563 manat pul oğurlamaqda şübhəli bilinən Şəmkir rayon sakini Q.Babayev müəyyən olunaraq saxlanılıb. Araşdırma aparılır.

Oğurluq əməlində şübhəli bilinən Bakı şəhər sakini K.Kərimov müəyyən olunaraq saxlanılıb

14.01.2023

Səbail rayonu ərazisində “Gac” markalı avtomobildən içərisində 900 manat olan çantanın oğurlanması barədə polisə məlumat daxil olub. Səbail RPİ 39-cu Polis Bölməsi əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən Bakı şəhər sakini K.Kərimov müəyyən olunaraq saxlanılıb. Araşdırma aparılır.