Yanvarın 13-də respublika ərazisində keçirdikləri əməliyyat tədbirləri nəticəsində ümumi çəkisi 24 kiloqrama yaxın narkotik vasitə aşkar olunaraq götürülüb

13.01.2023

Polis əməkdaşlarının yanvarın 13-də respublika ərazisində keçirdikləri əməliyyat tədbirləri nəticəsində ümumi çəkisi 24 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitənin 12 kiloqram 73 qramı heroin, 11 kiloqram 29 qramı marixuana, 740 qramı tiryək, 100 qramdan artığı isə metamfetam olub. Bu istiqamətdə qətiyyətli mübarizə tədbirləri davam etdirilir. 

Bakı şəhər sakini İ.Bağırovdan 708 qramdan artıq heroin aşkar olunaraq götürülüb

13.01.2023

Sabunçu RPİ 14-cü Polis Bölməsi əməkdaşlarının keçirdikləri əməliyyat tədbiri nəticəsində saxlanılan Bakı şəhər sakini, əvvəllər məhkum olunmuş İ.Bağırovdan 708 qramdan artıq heroin aşkar olunaraq götürülüb. Araşdırma aparılır.  

Sumqayıt şəhər sakini Ş.Kərimovdan 2 kiloqram 553 qram heroin, metamfetamin, yaşadığı evə baxış zamanı isə 3 kiloqramdan artıq heroin aşkar olunaraq götürülüb

13.01.2023

Sumqayıt Şəhər Polis İdarəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Ş.Kərimovdan 2 kiloqram 553 qram heroin, metamfetamin, yaşadığı evə baxış zamanı isə 3 kiloqramdan artıq heroin aşkar olunaraq götürülüb. Araşdırma aparılır.  

Bakı şəhər sakini Ə.Əliyevdən 740 qram tiryək aşkar olunaraq götürülüb

13.01.2023

Gəncə ŞBPİ 1-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini, əvvəllər məhkum olunmuş Ə.Əliyevdən 740 qram tiryək aşkar olunaraq götürülüb. Araşdırma aparılır.  

Astara şəhər sakini E.Hüseynovdan 20 qrama yaxın heroin, yaşadığı evdən isə 3 kiloqram 95 qram heroin və 2 kiloqram 850 qram marixuana aşkar olunaraq götürülüb

13.01.2023

Astara Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş E.Hüseynovdan 20 qrama yaxın heroin, yaşadığı evdən isə 3 kiloqram 95 qram heroin və 2 kiloqram 850 qram marixuana aşkar olunaraq götürülüb. Araşdırma aparılır. 

Gəncə şəhər sakini Ə.Vəliyevdən 2 kiloqramdan artıq marixuana, 1 kiloqram 182 qramdan artıq heroin və 3 ədəd metadon həbi aşkar olunaraq götürülüb

13.01.2023

Qazax Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan Gəncə şəhər sakini Ə.Vəliyevdən 2 kiloqramdan artıq marixuana, 1 kiloqram 182 qramdan artıq heroin və 3 ədəd metadon həbi aşkar olunaraq götürülüb. Araşdırma aparılır.

Xaçmaz rayon sakini E.Siracova məxsus avtomobilə baxış zamanı oradan 1 kiloqram 510 qramdan artıq heroin, 98 qramdan artıq metamfetamin və 5,7 kiloqramdan artıq marixuana aşkar olunaraq götürülüb

13.01.2023

Xaçmaz Rayon Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon sakinləri S.Yudin və E.Siracov saxlanılıb. E.Siracova məxsus “VAZ-21713” markalı avtomobilə baxış zamanı oradan 1 kiloqram 510 qramdan artıq heroin, 98 qramdan artıq metamfetamin və 5,7 kiloqramdan artıq marixuana aşkar olunaraq götürülüb. Araşdırma aparılır. 

Mingəçevir şəhəri ərazisində yol-nəqliyyat hadisəsi

13.01.2023

Yanvarın 13-də saat 18 radələrində Mingəçevir şəhəri ərazisində şəhər sakini Ə.Əhmədovun idarə etdiyi “QAZ-3110” və Kəlbəcər rayon sakini Ü.Hətəmovun idarə etdiyi “Mercedes” markalı avtomobillər toqquşub. Nəticədə “QAZ-3110” markalı avtomobildə olan şərnişinlərdən A.Manafov hadisə yerində ölüb, hər iki sürücü və 4 sərnişin isə xəstəxanaya yerləşdirilib.Mingəçevir Şəhər Polis Şöbəsində araşdırma aparılır. 

Gün ərzində ölkə ərazisində qeydə alınan 69 cinayətin açılması təmin olunub

12.01.2023

Yanvarın 12-də ölkə ərazisində qeydə alınan 69, əvvəlki dövrlərdən bağlı qalan 9 cinayətin açılması daxili işlər orqanlarının əməkdaşları tərəfindən təmin olunub.   

Qanunsuz saxlanılan silah-sursatla bağlı tədbirlər davam etdirilir 

12.01.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 12-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 10 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır.