Gəncə dəmir yolu vağzalı ərazisindən 7 ədəd kanalizasiya qapağını oğurlamaqda şübhəli bilinən Gəncə şəhər sakini G.Ağasiyev saxlanılıb

16.01.2023

Gəncə dəmir yolu vağzalı ərazisindən 7 ədəd kanalizasiya qapağının oğurlanması barədə polisə məlumat daxil olub. NBPİ DYNPİ-nin Gəncə Xətt Polis Şöbəsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Gəncə şəhər sakini, əvvəllər də oğurluğa görə məhkum olunmuş G.Ağasiyev müəyyən olunaraq saxlanılıb. Araşdırma aparılır. 

Xətai rayonu ərazisindən “Renault” markalı avtomobili qaçırmaqda şübhəli bilinən Bakı şəhər sakini E.Əhmədov saxlanılıb

16.01.2023

Xətai RPİ 34-cü Polis Şöbəsi əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində yanvarın 14-də rayon ərazisindən Bakı şəhər sakini V.Kərimova məxsus “Renault” markalı avtomobili qaçırmaqda şübhəli bilinən Bakı şəhər sakini, əvvəllər məhkum olunmuş E.Əhmədov müəyyən olunaraq saxlanılıb. Araşdırma aparılır.

Binəqədi rayonunun Biləcəri qəsəbəsi ərazisində “Hyundai” markalı avtomobillə paytaxt sakini Q.Hacıyeva vurulub

16.01.2023

Yanvarın 15-də saat 20 radələrində Binəqədi rayonunun Biləcəri qəsəbəsi ərazisində Bakı şəhər sakini Z.Məmmədov idarə etdiyi “Hyundai” markalı avtomobillə yolu keçən paytaxt sakini Q.Hacıyevanı vurub. Nəticədə xəsarətlə xəstəxanaya yerləşdirilən piyada yanvarın 16-da orada ölüb.Binəqədi Rayon Polis İdarəsində araşdırma aparılır.

Gəncə şəhərinin Nizami prospektində “KamAZ” markalı avtomobillə şəhər sakini M.Yusifov vurulub

16.01.2023

Yanvarın 16-da saat 4 radələrində Gəncə şəhərinin Nizami prospektində Daşkəsən rayon sakini E.Ələsgərov idarə etdiyi “KamAZ” markalı avtomobillə yolu keçən şəhər sakini M.Yusifovu vurub. Nəticədə xəsarətlə xəstəxanaya yerləşdirilən piyada orada ölüb.Gəncə Şəhər Baş Polis İdarəsində araşdırma aparılır.

Salyan şəhəri ərazisində müəyyən edilməyən avtomobillə şəhər sakini Y.Novruzov vurulub

16.01.2023

Yanvarın 16-da saat 23 radələrində Salyan şəhəri ərazisində yolu keçən şəhər sakini Y.Novruzov müəyyən edilməyən avtomobillə vurulub və nəticədə o, hadisə yerində ölüb.Salyan Rayon Polis Şöbəsi tərəfindən əməliyyat-axtarış tədbirləri aparılır.

Yasamal rayonunda ilin əvvəlindən keçirilən əməliyyatlar zamanı narkotiklərin qanunsuz dövriyyəsini həyata keçirən 14 nəfər saxlanılıb

16.01.2023

Yasamal Rayon Polis İdarəsinin Narkotiklərlə Mübarizə, həmçinin ərazi şöbə və bölmələri tərəfindən ilin əvvəlindən rayon ərazisində keçirilən əməliyyatlar nəticəsində narkotiklərin qanunsuz dövriyyəsi ilə məşğul olan ümumilikdə 14 nəfər saxlanılıb. Qanunsuz dövriyyədən külli miqdarda - 7 kiloqrama yaxın heroin, eləcə də digər növdən olan narkotik vasitə və psixotrop maddə olan metamfetamin çıxarılıb. Saxlanılanlardan 3-ü - Elnur  Hüseynov, tanışı Rəhman Hüseynov və Emil Əliyev Yasamal rayonunda narkotik vasitələrin satışını həyata keçirən əsas şəxslərdən olublar. Onlar narkotikləri sosial şəbəkələr vasitəsi ilə xarici ölkələrdə yaşayan narkotik vasitə satıcıları ilə əlaqə yaradaraq  əldə etdiklərini bildiriblər. Aşkar edilən faktlarla bağlı Yasamal Rayon Polis İdarəsinin İstintaq Şöbəsində araşdırmalar davam etdirilir. Bu şəxslərin daxil olduqları narkoşəbəkənin digər üzvlərinin saxlanılması istiqamətində əməliyyat tədbirləri davam etdirilir.

Sabunçu rayonunda narkotik vasitələrin satışı ilə məşğul olan və üzərində qanunsuz olaraq “Kalaşnikov” markalı avtomat gəzdirən şəxslər saxlanılıblar

16.01.2023

Sabunçu Rayon Polis İdarəsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində narkotik vasitələrin qanunsuz dövriyyəsi ilə məşğul olan Azad Aslanov saxlanılıb. Onun üzərindən və Maştağa qəsəbəsində yerləşən evindən 3 kiloqrama yaxın heroin aşkar olunub. Azad Aslanov narkotk vasitələri satmaq məqsədi ilə əldə etdiyini bildirib.Sabunçu Rayon Polis İdarəsinin əməkdaşlarının həyata keçirdikləri daha bir əməliyyat zamanı  idarə etdiyi avtomobildə qanunsuz olaraq odlu silah-sursat saxlayan şəxs tutulub. Əməliyyat zamanı Rəşad Rəşidov Bilgəh qəsəbəsi ərazisində saxlanılıb və onun idarə etdiyi “VAZ 21014” markalı avtomobilə baxış keçirilib. Nəqliyyat vasitəsinin yük yerindən həmin şəxsə məxsus 1 ədəd “Kalaşnikov” markalı avtomat, sandıqça və 3 ədəd patron aşkar olunub. Faktlarla bağlı Sabunçu Rayon Polis İdarəsində araşdırmalar davam etdirilir.

Polis “Papanin” və “Kubinka”da narkotik vasitələrin qanunsuz dövriyysi ilə məşğul olan şəxslərə qarşı əməliyyatlar keçirib – 7 nəfər saxlanılıb

16.01.2023

Nəsimi Rayon Polis İdarəsinin əməkdaşları tərəfindən rayonun “Papanin”, “Kubinka” kimi tanınan ərazilərində - Cəlil Məmmədquluzadə, Naxçıvanı, Asəf Zeynallı və Namiq Məlikov küçələrində əməliyyatlar keçirilib. Tədbir zamanı qeyd edilən ərazilərdə narkotiklərin qanunsuz dövriyyəsi və satışını həyata keçirən 7 nəfər  - Davud Rəhimov, Üzeyir Qurbanov, Məhəmməd Mirzəyev, Ceyhun Əliheydərov, Rafus Mustafayev, Vüqar Səfərov və Ruslan Məmmədov saxlanılıblar. Həmin şəxslərdən ümumilikdə 2 kiloqrama yaxın heroin, tiryək və psixotrop maddə olan metamfetamin aşkar edilib. Saxlanılanlar narkotik vasitələri sosial şəbəkələrdə tanımadıqları xarici ölkə vətəndaşlarından onlayn yolla şəxsi istifadələri ilə yanaşı paytaxt ərazisində satmaq məqsədi ilə əldə etdiklərini bildiriblər. Faktlarla bağlı toplanan materiallar Nəsimi RPİ-nin İstintaq Şöbəsinə göndərilib. Bu şəxslərin hər biri barəsində məhkəmənin qərarı ilə həbs qətimkan tədbiri seçilib. Nəsimi rayonu ərazisində narkotiklərin qanunsuz dövriyyəsi ilə məşğul olan digər şəxslərin tutulmaları istiqamətində polis əməkdaşları tərəfindən əməliyyatlar davam etdirilir.

Gün ərzində ölkə ərazisində qeydə alınan 48 cinayətin açılması təmin olunub

15.01.2023

Yanvarın 15-də ölkə ərazisində qeydə alınan 48, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.

Əməliyyat tədbirləri nəticəsində ümumi çəkisi 29,8 kiloqrama yaxın narkotik vasitə aşkar olunaraq götürülüb

15.01.2023

Polis əməkdaşlarının yanvarın 14-də və 15-də respublika ərazisində keçirdikləri əməliyyat tədbirləri nəticəsində ümumi çəkisi 29,8 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr - 8,5 kiloqramdan artıq heroin, 21,2 kiloqramdan çox marixuana, 20 qram tiryək və 1 kiloqramdan artıq yüksək təsiredici xassəyə malik psixotrop maddə olub. Bu istiqamətdə qətiyyətli mübarizə tədbirləri davam etdirilir.