Füzuli rayon sakini E.Quliyevdən nömrəsi silinmiş tüfəng və 6 ədəd patron götürülüb

15.02.2023

Nərimanov RPİ 18-ci Polis Şöbəsi  əməkdaşlarının daxil olan məlumat əsasında keçirdikləri əməliyyat tədbiri nəticəsində Füzuli rayon sakini E.Quliyevdən nömrəsi silinmiş “TOZ-17” markalı yivli tüfəng və 6 ədəd patron aşkar olunaraq götürülüb. Araşdırma aparılır. 

Paytaxtın Nizami rayonu ərazisindəki avtomobil təmiri sexlərinin birindən bir avtomobili qaçırmaqda şübhəli bilinən Q.Əhmədov saxlanılıb

15.02.2023

Paytaxtın Nizami rayonu ərazisindəki avtomobil təmiri sexlərinin birindən “Lexus” markalı avtomobilin qaçırılması barədə polisə məlumat daxil olub.Nizami RPİ 23-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən həmin sexdə usta işləyən Bakı şəhər sakini Q.Əhmədov müəyyən olunaraq saxlanılıb. Araşdırma aparılır. 

Yasamal rayonu ərazisindəki kafelərin birindən pul oğurlamaqda şübhəli bilinən A.Abbasov saxlanılıb

15.02.2023

Yasamal RPİ 26-cı Polis Bölməsi əməkdaşlarının keçirdikləri əməliyyat tədbiri nəticəsində rayon ərazisindəki kafelərin birindən 780 manat pul oğurlamaqda şübhəli bilinən A.Abbasov saxlanılıb. Araşdırma aparılır. 

Sumqayıt şəhərinin 9-cu mikrorayon ərazisində yerləşən çay evlərinin birindən kombi aparatını oğurlamaqda şübhəli bilinən R.Babayev saxlanılıb

15.02.2023

Sumqayıt ŞPİ 3-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində 9-cu mikrorayon ərazisində yerləşən çay evlərinin birindən kombi aparatını oğurlamaqda şübhəli bilinən  şəhər sakini, əvvəllər məhkum olunmuş R.Babayev saxlanılıb. Araşdırma aparılır.

Gəncə şəhəri ərazisində bir avtomobildən oğurluq etməkdə şübhəli bilinən şəxslər saxlanılıblar

15.02.2023

Gəncə ŞBPİ 3-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisində “Khazar” markalı bir avtomobildən monitor, siqnalizasiya qurğusu, “GPS” qurğusu oğurlamaqda şübhəli bilinən Gəncə sakinləri, əvvəllər məhkum olunmuş R.Qasımov və İ.Əliyev müəyyən olunaraq saxlanılıblar. Araşdırma aparılır. 

Göygöl rayonunun Yeni Qızılca kəndi ərazisindəki marketlərin birindən pul oğurlamaqda şübhəli bilinən Gəncə şəhər sakini S.Əsgərov saxlanılıb

15.02.2023

Göygöl Rayon Polis Şöbəsi əməkdaşlarının keçirdikləri əməliyyat tədbiri nəticəsində Yeni Qızılca kəndi ərazisindəki marketlərin birindən 1990 manat pul oğurlamaqda şübhəli bilinən Gəncə şəhər sakini, əvvəllər məhkum olunmuş S.Əsgərov müəyyən olunaraq saxlanılıb. Araşdırma aparılır. 

Hökməlidə narkotiklərin satışı ilə məşğul olan daha bir nəfərdən 2 kiloqram heroin aşkar edilib

15.02.2023

Abşeron Rayon Polis İdarəsinin Qobu Polis Bölməsinin əməkdaşlarının həyata keçirdikləri növbəti əməliyyat nəticəsində Hökməli qəsəbəsində narkotiklərin satışı ilə məşğul olan daha bir şəxs saxlanılıb. Əməliyyat zamanı həmin qəsəbədə yaşayan Əhəd Qədirov tutularaq istintaqa təqdim edilib. Onun üzərindən və yaşadığı evdən külli miqdarda - 2 kiloqrama yaxın heroin aşkar olunub. Əhəd Qədirov ifadəsində bir müddət əvvəl “Araz” adlı İran vətəndaşı ilə tanış olduğunu, daha sonra onun maddi gəlir qarşılığında ölkə ərazisində narkokuryerlik təklifinə razılıq verdiyini bildirib. O, həmin şəxsin qaçaqmalçılıq yolu ilə Azərbaycana göndərdiyi  narkotik vasitəni satmaq məqsədi ilə əldə etdiyini bildirib.  Faktla bağlı Qobu Polis Bölməsində toplanan materiallar Abşeron Rayon Polis İdarəsinə göndərilib, əməliyyat-istintaq tədbirləri davam etdirilir.    

Gün ərzində ölkə ərazisində qeydə alınan 73 cinayətin açılması təmin olunub

14.02.2023

Fevralın 14-də ölkə ərazisində qeydə alınan 73, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 8,3 kiloqramdan artıq narkotik vasitə aşkar olunaraq götürülüb

14.02.2023

Polis əməkdaşlarının fevralın 14-də respublika ərazisində keçirdikləri əməliyyat tədbirləri nəticəsində ümumi çəkisi 8,3 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 3,6 kiloqramdan artıq heroin, 4,6 kiloqramdan çox marixuana, 80 qrama yaxın tiryək və metamfetamin olub. Bu istiqamətdə qətiyyətli mübarizə tədbirləri davam etdirilir.

Qanunsuz saxlanılan silah-sursatla bağlı tədbirlər davam etdirilir 

14.02.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində fevralın 14-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 6 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır.