Ağdaş şəhər sakini F.Cümşüdovun yaşadığı evə baxış zamanı oradan əlavə 920 qram marixuana götürülüb.

11.01.2023

Ağdaş Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş F.Cümşüdovdan 7 qramdan artıq marixuana aşkar olunub. Davam etdirilən tədbirlərlə onun yaşadığı evə baxış zamanı oradan əlavə 920 qram marixuana götürülüb.   

Soyğunçuluq əməlində şübhəli bilinən Bakı şəhər sakini T.Əhmədov müəyyən olunaraq saxlanılıb

11.01.2023

Xətai rayonu ərazisində Bakı şəhər sakini olan bir qadının mobil telefonunun çantasından soyğunçuluq yolu ilə talanması barədə polisə məlumat daxil olub.  Xətai RPİ 34-cü Polis Şöbəsi əməkdaşlarının keçirdikləri əməliyyat tədbiri nəticəsində soyğunçuluq əməlində şübhəli bilinən Bakı şəhər sakini, əvvəllər dəfələrlə məhkum olunmuş T.Əhmədov müəyyən olunaraq saxlanılıb.Xətai Rayon Polis İdarəsində araşdırma aparılır. 

Ağcabədi rayonunun Muğanlı kəndi ərazisində yol-nəqliyyat hadisəsi

11.01.2023

Yanvarın 11-də saat 10 radələrində Ağcabədi rayonunun Muğanlı kəndi ərazisində rayon sakinləri A.Quliyevin idarə etdiyi “Mercedes” və İ.Cəfərovun idarə etdiyi “Lada Priora” markalı avtomobillər toqquşub. Nəticədə “Lada Priora” markalı avtomobildə olan sərnişin R.Abbasov hadisə yerində ölüb, hər iki avtomobildə olan 4 nəfər isə xəstəxanaya yerləşdirilib.Ağcabədi Rayon Polis Şöbəsində araşdırma aparılır. 

Gün ərzində ölkə ərazisində qeydə alınan 50 cinayətin açılması təmin olunub

10.01.2023

Yanvarın 10-da ölkə ərazisində qeydə alınan 50, əvvəlki dövrlərdən bağlı qalan 14 cinayətin açılması daxili işlər orqanlarının əməkdaşları tərəfindən təmin olunub.   

Qanunsuz saxlanılan 12 ov tüfəngi götürülüb  

10.01.2023

Polis əməkdaşları tərəfindən Salyan və Cəlilabad rayonlarında qanunsuz ov edən 4 nəfər saxlanılıb. Onlardan müxtəlif markalı 4 ədəd ov tüfəngi götürülüb.   Biləsuvar Rayon Polis Şöbəsinin əməkdaşları tərəfindən isə yanvarın 9-da rayon sakini Z.Tağıyevin ehtiyatsızlıqdan açılan atəş nəticəsində ölməsi faktı ilə bağlı  hadisə yerinə baxış zamanı oradan mərhum Z.Tağıyevə məxsus sənədsiz   “İJ-18”, həmçinin həmin vaxt orada olan T.Cəfərovdan qanunsuz saxladığı “TOZ” markalı ov tüfəngləri aşkar olunaraq götürülüb.Qeyd edək ki, polis əməkdaşlarının keçirdikləri əməliyyat tədbirləri nəticəsində yanvarın 10-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 12 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.

Mobil telefonlar oğurlamaqda şübhəli bilinən Yevlax rayon sakini V.Bəkirov müəyyən olunaraq saxlanılıb

10.01.2023

Metropolitendə Polis İdarəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində müxtəlif vaxtlarda metro stansiyalarında 4 sərnişinin mobil telefonlarını oğurlamaqda şübhəli bilinən Yevlax rayon sakini, əvvəllər oğurluq və soyğunçuluğa görə məhkum olunmuş V.Bəkirov müəyyən olunaraq saxlanılıb. Araşdırma aparılır. 

Oğurluqda şübhəli bilinən Bakı şəhər sakini C.İmanov saxlanılıb

10.01.2023

Xəzər RPİ 1-ci Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində rayon ərazisindəki evlərin birindən 1800 manat dəyərində velosiped və məişət əşyaları, digər evdən isə soba və təmir-tikinti alətləri oğurlamaqda şübhəli bilinən Bakı şəhər sakini, əvvəllər məhkum olunmuş C.İmanov saxlanılıb. Araşdırma aparılır.

Narkotik vasitə ilə tutulan T.Qafarovun 3 avtomobildən akkumulyator oğurlaması da müəyyən olunub

10.01.2023

Binəqədi RPİ 6-cı Polis Bölməsinin əməkdaşları tərəfindən aparılan araşdırmalarla narkotik vasitə ilə tutulan T.Qafarovun rayon ərazisində 3 avtomobildən akkumulyator oğurlaması da müəyyən olunub.  

Narkotik vasitə ilə tutulan S.Salmanovun 2 avtomobildən mobil telefon, monitor və müşahidə kamerası oğurlaması da müəyyən olunub

10.01.2023

Binəqədi RPİ 6-cı Polis Bölməsinin əməkdaşları tərəfindən aparılan araşdırmalarla narkotik vasitə ilə tutulan S.Salmanovun rayon ərazisində 2 avtomobildən mobil telefon, monitor və müşahidə kamerası oğurlaması da müəyyən olunub. 

Oğurluqda şübhəli bilinən Yevlax rayon sakini M.Yusifov saxlanılıb

10.01.2023

Yevlax Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki mağazaların birindən 1530 manat pul, “KamAZ” markalı avtomobildən isə akkumulyator oğurlamaqda şübhəli bilinən rayon sakini, əvvəllər məhkum olunmuş M.Yusifov saxlanılıb. Araşdırma aparılır.