Qaradağ rayonunun Sahil qəsəbəsi ərazisində yol-nəqliyyat hadisəsi

19.01.2023

Yanvarın 19-da saat 15 radələrində Qaradağ rayonunun Sahil qəsəbəsi ərazisində Neftçala rayon sakini H.Qurbanov idarə etdiyi “Mercedes” markalı avtomobili aşırıb və nəticədə o, hadisə yerində ölüb.Baş İstintaq və Təhqiqat İdarəsi tərəfindən araşdırma aparılır. 

Abşeron rayonunun Ceyranbatan qəsəbəsi ərazisində yol-nəqliyyat hadisəsi

19.01.2023

Yanvarın 19-da saat 7 radələrində Abşeron rayonunun Ceyranbatan qəsəbəsi ərazisində Bakı şəhər sakini F.Sadıxov idarə etdiyi “Mercedes” markalı avtomobillə yolu keçən Sumqayıt şəhər sakini P.Abdullayevanı vurub və nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır. 

Sabunçu rayonunda qaydalara əməl etməyən sürücü və piyadalara qarşı profilaktik tədbir keçirilib

19.01.2023

Sabunçu Rayon Polis İdarəsinin Dövlət Yol Polisi Şöbəsinin əməkdaşları sürücü və piyadalar arasında təbliğat işlərini davam etdirir. Rayon ərazisində keçirilən tədbir zamanı ilk növbədə qadağan olunmuş saatlarda ağır tonnajlı yük avtomobilləri ilə yola çıxan sürücülər aşkarlanıb və onların barəsində tədbirlər görülüb. Daha sonra xeyli sayda sürücünün maşını avtobus dayanacağında park etdiyi aşkar edilib. Tədbir zamanı vurğulanıb ki, avtomobillərin dayanacaqda saxlanılması avtobusların ikinci cərgədə dayanmasına səbəb olur. Bu da öz növbəsində sərnişinlər həyatları üçün təhlükə yaradır.Yol polisinin keçirdiyi tədbir zamanı avtomobili səkilərdə, piyada keçidlərinin üzərində, qadağan olunmuş digər yerlərdə saxlayan onlarla sürücü də aşkar olunub və hər biri barəsində qanunauyğun tədbir görülüb. Profilaktik tədbir zamanı keçidlərdən istifadə etməyən, piyadalara da rast gəlinib və 17 piyada barəsində inzibati tədbir görülüb. Sabunçu rayonu ərazisində cür profilaktik tədbirlər mütəmadi olaraq davam ediriləcək.

Bakıda narkotik vasitələrin satışı ilə məşğul olan İran vətəndaşlarından ibarət mütəşəkkil cinayətkar dəstənin üzvləri saxlanılıblar

19.01.2023

Polis əməkdaşları tərəfindən həyata keçirilən xüsusi əməliyyat nəticəsində ölkə ərazisində narkotik vasitələrin satışı və qanunsuz dövriyyəsi ilə məşğul olan İran vətəndaşlarının təşkil etdiyi 4 nəfərdən ibarət mütəşəkkil cinayətkar dəstənin üzvləri saxlanılıblar.

Polis əməkdaşları Hökməli qəsəbəsində narkotiklərin qanunsuz dövriyyəsini təşkil edən şəxslərə qarşı əməliyyatlar keçirib 5 nəfər saxlanılıb

19.01.2023

Abşeron Rayon Polis İdarəsinin Qobu Polis Bölməsinin əməkdaşlarının daxil olmuş əməliyyat məlumatı əsasında Hökməli qəsəbəsində həyata keçirdikləri növbəti tədbirlər nəticəsində narkotik vasitələrin qanunsuz dövriyyəsi ilə məşğul olan daha 5 nəfər saxlanılıb. Əməliyyat zamanı həmin qəsəbədə yaşayan Cəmaləddin Alxasov, Aydın Eyvazov, Samir Mustafayev, Eldar Nəbiyev və Fərrux Əsgərov tutulublar. Onların üzərində şəxsi axtarış aparılan zaman hazır bükümlər formasında satış üçün qablaşdırılan narkotik vasitə heroin və psixotrop maddə metamfetamin aşkar edilib. Saxlanılan şəxslər  Hökməli və ətraf qəsəbələrdə narkotik vasitələrin qanunsuz dövriyyəsi ilə məşğul olduqlarını bildiriblərFaktlarla bağlı Qobu Polis Bölməsində toplanan materiallar Abşeron Rayon Polis İdarəsinin İstintaq Şöbəsinə göndərilib, əməliyyat-istintaq tədbirləri davam etdirilir.    

Gün ərzində ölkə ərazisində qeydə alınan 90 cinayətin açılması təmin olunub

18.01.2023

Yanvarın 18-də ölkə ərazisində qeydə alınan 90, əvvəlki dövrlərdən bağlı qalan 13 cinayətin açılması daxili işlər orqanlarının əməkdaşları tərəfindən təmin olunub.

Qanunsuz saxlanılan silah-sursatla bağlı tədbirlər davam etdirilir

18.01.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 18-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 14 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır. 

Sabunçu rayonunun Bakıxanov qəsəbəsində bir nəfərə qarşı quldurluq törətməkdə şübhəli bilinən Goranboy rayon sakini V.Bağırov saxlanılıb

18.01.2023

Sabunçu rayonunun Bakıxanov qəsəbəsində maskalı şəxsin qəsəbə sakini olan bir nəfərin əlindən içərisində 1280 manat, 7900 ABŞ dolları və bank kartları olan sellofan torbanı quldurluq yolu ilə talaması barədə polisə məlumat daxil olub.  Polis əməkdaşlarının keçirdikləri əməliyyat-axtarış tədbirləri nəticəsində quldurluq əməlində şübhəli bilinən Goranboy rayon sakini, əvvəllər də oğurluğa görə məhkum olunmuş V.Bağırov müəyyən olunaraq saxlanılıb. Araşdırma aparılır.

Səbail rayonu ərazisində əcnəbi vətəndaşın bank hesabından 846.000 rupini oğurlamaqda şübhəli bilinən həmyerlisi V.Bahagat saxlanılıb

18.01.2023

Yanvarın 17-də Səbail rayonu ərazisində əcnəbi vətəndaşın bank hesabından 846.000 rupinin qeyri-aşkar şəraitdə oğurlanması barədə polisə məlumat daxil olub.  Polis əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən həmyerlisi V.Bahagat müəyyən olunaraq Beynəlxalq Hava Limanı ərazisində saxlanılıb. Araşdırma aparılır.

Bakı şəhər sakini olan bir qadının bank hesabından 1020 manatını oğurlamaqda şübhəli bilinən paytaxt sakini R.Baxışlı saxlanılıb

18.01.2023

Suraxanı RPİ 30-cu Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində yanvarın 18-də Bakı şəhər sakini olan bir qadının bank hesabından 1020 manatını oğurlamaqda şübhəli bilinən paytaxt sakini R.Baxışlı müəyyən olunaraq saxlanılıb. Araşdırma aparılır.