Gəncə şəhər sakini Abbas Əliyevi bıçaqla qətlə yetirmiş E.Quliyev paytaxtın Binəqədi rayonu ərazisində tutularaq istintaqa təhvil verilmişdir

26.03.2022

Gəncə şəhər Baş Polis İdarəsinə martın 23-də saat 23 radələrində şəhər sakini, 31 yaşlı Abbas Əliyevin kəsilmiş-deşilmiş xəsarətlərlə xəstəxanaya gətirilməsi və orada ölməsi barədə məlumat daxil olmuşdur.Şəhərin polis və prokurorluq orqanları əməkdaşları tərəfindən müvafiq tədbirlər həyata keçirilmişdir. Araşdırmalarla A.Əliyevin həmyerlisi, əvvəllər məhkum olunmuş E.Quliyev tərəfindən bıçaqla qətlə yetirilməsi müəyyən olunmuşdur.Polis əməkdaşları tərəfindən keçirilən əməliyyat-axtarış tədbirləri nəticəsində E.Quliyev paytaxtın Binəqədi rayonu ərazisində tutularaq istintaqa təhvil verilmişdir.

Binəqədi rayonu ərazisindəki evlərin birindən pul oğurlamaqda şübhəli bilinən şəxslər saxlanılmışlar

26.03.2022

Binəqədi RPİ 6-cı PB əməkdaşlarının keçirdikləri əməliyyat-axtarış tədbirləri nəticəsində yanvarın 23-də rayon ərazisindəki evlərin birindən 1100 manat oğurlamaqda şübhəli bilinənlər, əvvəllər məhkum olunmuşlar - Salyan rayon sakini K.Həsənov və Siyəzən rayon sakini M.Əliyev saxlanılmışlar.

Mingəçevir şəhər sakini P.Bayramovdan nömrəsi silinmiş avtomat və 30 ədəd patron götürülmüşdür

26.03.2022

Binəqədi RPİ 40-cı PB əməkdaşlarının keçirdikləri əməliyyat tədbiri nəticəsində Mingəçevir şəhər sakini, əvvəllər məhkum olunmuş P.Bayramovdan nömrəsi silinmiş “AK-74” markalı avtomat və 30 ədəd patron aşkar edilərək götürülmüşdür.

Səbail rayonu ərazisindəki mənzillərin birindən pul oğurlamaqda şübhəli bilinən Şəki rayon sakini M.İbrahimov saxlanılmışdır

26.03.2022

Səbail RPİ 9-cu PB əməkdaşlarının keçirdikləri əməliyyat-axtarış tədbirləri nəticəsində fevralın 13-də rayon ərazisindəki mənzillərin birindən 1300 ABŞ dolları oğurlamaqda şübhəli bilinən Şəki rayon sakini M.İbrahimov saxlanılmışdır.

Nərimanov rayonu ərazisindəki avtomobil təmiri sexlərinin birindən “Nissan” markalı avtomobili qaçırmaqda şübhəli bilinən T.Qasımov avtomobillə birgə Salyan rayonu ərazisində saxlanılmışdır

26.03.2022

Nərimanov RPİ-nin 17-ci Polis Şöbəsinə martın 25-də saat 11 radələrində rayon ərazisindəki avtomobil təmiri sexlərinin birindən Bakı şəhər sakini Z.Mehdiyevaya məxsus “Nissan” markalı avtomobilin qaçırılması barədə müraciət daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən həmin sexin usta köməkçisi, Saatlı rayon sakini, əvvəllər məhkum olunmuş T.Qasımov müəyyən edilərək avtomobillə birgə Salyan rayonu ərazisində saxlanılmışdır.Araşdırma aparılır.

Yasamal rayonu ərazisində bir avtomobildən pul oğurlamaqda şübhəli bilinən Bakı şəhər sakini N.Hüseynzadə saxlanılmışdır

26.03.2022

Yasamal RPİ 27-ci PB əməkdaşlarının keçirdikləri əməliyyat-axtarış tədbirləri nəticəsində fevralın 22-də rayon ərazisində “Nissan” markalı bir avtomobildən 70 manat oğurlamaqda şübhəli bilinən Bakı şəhər sakini N.Hüseynzadə saxlanılmışdır.

Bakı şəhər sakini S.Ağazadədən quldurluq yolu ilə mobil telefonunu talamaqda şübhəli bilinən V.Cəfərov saxlanılmışdır

26.03.2022

Yasamal RPİ 28-ci PB əməkdaşlarının keçirdikləri əməliyyat-axtarış tədbirləri nəticəsində martın 23-də Bakı şəhər sakini S.Ağazadəni bıçaqla hədələyib quldurluq yolu ilə mobil telefonunu talamaqda şübhəli bilinən paytaxt sakini, əvvəllər məhkum olunmuş V.Cəfərov saxlanılmışdır. Şəxsi axtarış zamanı ondan heroin aşkar edilərək götürülmüşdür.Ətrafında aparılan tədbirlərlə onun 2 nəfərə məxsus velosipedləri oğurlaması da müəyyən edilmişdir.

Zərdab rayon sakini N.Məlikovdan ov tüfəngi götürülmüşdür

26.03.2022

Zərdab RPŞ əməkdaşlarının keçirdikləri əməliyyat tədbiri nəticəsində Əlibəyli kənd sakini N.Məlikovdan “TOZ-16” markalı ov tüfəngi götürülmüşdür.

Neftçala şəhər sakini F.Əliyev neftlə özünü yandırmaq cəhdinin qarşısı alınmışdır

26.03.2022

Martın 26-da saat 19 radələrində Neftçala şəhərində Bankə qəsəbə sakini F.Əliyev neftlə özünü yandırmağa cəhd göstərmişdir. Cəhdin qarşısı ərazidə xidmət aparan Baş Mühafizə İdarəsinin Salyan Rayon Mühafizə Şöbəsinin əməkdaşları tərəfindən alınmış və o, Neftçala Rayon Polis Şöbəsinə təhvil verilmişdir.Araşdırma aparılır.

Mingəçevir şəhər sakini Ə.Rzayevin özünü körpüdən Kür çayına atmaq cəhdinin qarşısı alınmışdır

26.03.2022

Martın 26-da saat 22 radələrində Mingəçevir şəhər sakini Ə.Rzayev sərxoş vəziyyətdə Kür çayının üzərindəki körpüdən özünü atmağa cəhd göstərmişdir. Cəhdin qarşısı Mingəçevir ŞPŞ və Baş Mühafizə İdarəsinin Şəhər Mühafizə Şöbəsinin əməkdaşları tərəfindən alınmışdır.Araşdırma aparılır.