Nəqliyyat vasitəsini qaçırmaqda şübhəli bilinən Cəbrayıl rayon sakini N.Bayramov müəyyən edilərək saxlanılmışdır

08.03.2022

Binəqədi RPİ-nin 6-cı Polis Bölməsinə martın 6-na keçən gecə Biləcəri qəsəbəsi ərazisindən qəsəbə sakini V.Qasımova məxsus “TOFAŞ” markalı avtomobilin qaçırılması barədə məlumat daxil olmuşdur.Polis əməkdaşlarının keçirdikləri əməliyyat tədbirləri nəticəsində avtomobil həmin gün Nərimanov rayonu ərazisindəki avtoservislərdən birinin həyətində tapılmışdır.Nəqliyyat vasitəsini qaçırmaqda şübhəli bilinən Cəbrayıl rayon sakini N.Bayramov müəyyən edilərək saxlanılmışdır.Araşdırma aparılır.

Oğurluqda şübhəli bilinən Ağcabədi rayon sakini N.Səlimov saxlanılmışdır

08.03.2022

Səbail RPİ 39-cu PB əməkdaşlarının keçirdikləri əməliyyat-axtarış tədbirləri nəticəsində fevralın 24-də Bakı şəhər sakini L.Hüseynəliyevanın 3000 manat dəyərində mobil telefonunu oğurlamaqda şübhəli bilinən Ağcabədi rayon sakini N.Səlimov saxlanılmışdır. Ətrafında aparılan tədbirlərlə onun paytaxt sakini E.Abdullayevanın 3000 manat dəyərində mobil telefonunu oğurlaması da müəyyən olunmuşdur.

Abşeron rayon sakini R.Şeydayevdən heroin və metamfetamin aşkar edilərək götürülmüşdür

08.03.2022

Binəqədi RPİ 40-cı PB əməkdaşlarının keçirdikləri əməliyyat tədbiri nəticəsində Abşeron rayon sakini R.Şeydayev saxlanılmışdır. Şəxsi axtarış zamanı ondan heroin və metamfetamin aşkar edilərək götürülmüşdür.

Oğurluq etməkdə şübhəli bilinən Bakı şəhər sakini E.Əlixanov müəyyən edilərək saxlanılmışdır

08.03.2022

Nəsimi RPİ-nin 20-ci Polis Bölməsinə martın 7-də rayon ərazisindəki mebel mağazalarının birində orada işləyən Ş.Bayramlının çantasından 200 manat pul, 2600 ABŞ dolları və şəxsiyyət vəsiqəsinin oğurlanması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş E.Əlixanov müəyyən edilərək saxlanılmışdır.Araşdırma aparılır.

Oğurluqda şübhəli bilinən Bakı şəhər sakinləri B.İsmayılov və E.Kərimov saxlanılmışlar

08.03.2022

Yasamal RPİ 28-ci PB əməkdaşlarının keçirdikləri əməliyyat-axtarış tədbirləri nəticəsində martın 7-nə keçən gecə H.B.Zərdabi küçəsindən R.Tağıyevin mopedini oğurlamaqda şübhəli bilinən Bakı şəhər sakinləri B.İsmayılov və E.Kərimov saxlanılmışlar.

Oğurluqda şübhəli bilinən Bakı şəhər sakinləri S.Göyüşov, F.Sultanzadə və E.Seyidov saxlanılmışlar

08.03.2022

Suraxanı RPİ 31-ci PB əməkdaşlarının keçirdikləri əməliyyat-axtarış tədbirləri nəticəsində ötən il noyabrın 25-də və 29-da rayon ərazisindəki marketlərin birindən 7550 manat oğurlamaqda şübhəli bilinən Bakı şəhər sakinləri S.Göyüşov, F.Sultanzadə və əvvəllər məhkum olunmuş E.Seyidov saxlanılmışlar.

Soyğunçuluq etdiklərinə görə tutulmuş T.Vəliyevin və E.Əliyevin törətdikləri digər cinayət əməlləri də müəyyən edilmişdir

08.03.2022

Hacıqabul RPŞ-nin əməkdaşları tərəfindən soyğunçuluq etdiklərinə görə tutulmuş T.Vəliyevin və E.Əliyevin ətraflarında aparılan tədbirlərlə onların fevralın 22-də Bakı şəhər sakini E.Vəliyevlə birgə S.Səfərovaya məxsus 2 baş qoyunu, fevralın 24-dən martın 5-dək olan müddətdə Muğan qəsəbə sakini İ.Nəzərova məxsus 2 baş qoyunu, Atbulaq kənd sakini T.Güləliyevə məxsus 4 baş qoyunu, Kürdəmir rayonu ərazisindən rayon sakinləri K.Şəmiyevə, İ.Quliyevə, Bərdə rayonu ərazisindən rayon sakinləri E.Məmişova və N.Hacıyevə məxsus ümumilikdə 15 baş qoyunu və 1 baş inəyi oğurlamaları da müəyyən olunmuşdur.E.Vəliyev də polis əməkdaşları tərəfindən saxlanılmışdır.

Oğurluqda şübhəli bilinən Gəncə şəhər sakini E.Quliyev saxlanılmışdır

08.03.2022

Göygöl RPŞ əməkdaşlarının keçirdikləri əməliyyat tədbiri nəticəsində martın 7-də Rayon Sukanal Sahəsinə məxsus 43 ədəd kanalizasiya quyusunun qapaqlarını oğurlamaqda şübhəli bilinən Gəncə şəhər sakini E.Quliyev saxlanılmışdır.

Dilənçiliklə məşğul olan 16 nəfər saxlanılmış və barələrində müvafiq tədbir görülmüşdür

08.03.2022

Metropolitendə Polis Şöbəsi əməkdaşlarının keçirdikləri tədbirlərlə dilənçiliklə məşğul olan 16 nəfər, o cümlədən 3 kişi, 7 qadın və 6 azyaşlı saxlanılmış və barələrində müvafiq tədbir görülmüşdür.

Qanunsuz saxlanılan silah-sursatla bağlı əməliyyat tədbirləri davam etdirilir

08.03.2022

Polis əməkdaşlarının keçiridikləri əməliyyat tədbirləri nəticəsində martın 8-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 3 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.