Bakıda keçmiş məhkum “Makarov” markalı odlu silahla saxlanılıb

31.01.2023

Səbail Rayon Polis İdarəsinin 9-cu Polis Bölməsinin əməkdaşları tərəfindən üzərində qanunsuz olaraq odlu silah-sursat gəzdirən şəxs saxlanılıb. Daxil olmuş əməliyyat məlumatı əsasında həyata keçirilən tədbir nəticəsində Bakı şəhər sakini əvvəllər məhkum olunmuş Fuad Abdulov tutularaq Polis Bölməsinə gətirilib. Onun üzərinə baxış zamanı 1 ədəd “Makarov” markalı tapança, həmin silaha məxsus 3 ədəd patron və daraq aşkar olunaraq götürülüb. Fuad Abdulov odlu silahı bir müddət əvvəl əldə etdiyini və polisə təhvil verməyərək üzərində gəzdirdiyini bildirib. 9-ci Polis Bölməsində toplanan materiallar Səbail Rayon Polis İdarəsinin İstintaq Şöbəsinə göndərilib, araşdırmalar davam edirilir.

Polis əməkdaşları Hökməli qəsəbəsində narkotiklərin qanunsuz dövriyyəsini təşkil edən şəxslərə qarşı növbəti dəfə əməliyyat keçirib daha 5 nəfər saxlanılıb

31.01.2023

Abşeron Rayon Polis İdarəsinin Qobu Polis Bölməsinin əməkdaşlarının daxil olmuş əməliyyat məlumatı əsasında Hökməli qəsəbəsində həyata keçirdikləri növbəti tədbirlər nəticəsində narkotik vasitələrin qanunsuz dövriyyəsi ilə məşğul olan daha 5 nəfər saxlanılıb. Əməliyyat zamanı həmin qəsəbədə yaşayan İlqar Niyazov, Faiq Qeybullayev, Azər Məmmədov, Niyazi Kazımov və Sevindik Kərimov tutulublar. Onların üzərində şəxsi axtarış aparılan zaman narkotik vasitə heroin və psixotrop maddə metamfetamin aşkar edilib. Saxlanılan şəxslər  Hökməli və ətraf qəsəbələrdə narkotik vasitələrin qanunsuz dövriyyəsi ilə məşğul olduqlarını bildiriblərFaktlarla bağlı Qobu Polis Bölməsində toplanan materiallar Abşeron Rayon Polis İdarəsinə göndərilib, əməliyyat-istintaq tədbirləri davam etdirilir.    

Gün ərzində ölkə ərazisində qeydə alınan 51 cinayətin açılması təmin olunub

30.01.2023

Yanvarın 30-da ölkə ərazisində qeydə alınan 51, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 14,3 kiloqramdan artıq narkotik vasitə aşkar olunaraq götürülüb

30.01.2023

Polis əməkdaşlarının yanvarın 30-da respublika ərazisində keçirdikləri əməliyyat tədbirləri nəticəsində ümumi çəkisi 14,3 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 11,7 kiloqramdan artıq heroin, 2,6 kiloqramdan çox marixuana, 35 qram həşiş, həmçinin 320 qramdan çox metamfetamin olub. Bu istiqamətdə qətiyyətli mübarizə tədbirləri davam etdirilir. 

Qanunsuz saxlanılan silah-sursatla bağlı tədbirlər davam etdirilir 

30.01.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 30-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 7 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır.

Şirvan şəhər sakini F.Əkbərlidən heroin və metamfetamin aşkar olunaraq götürülüb

30.01.2023

Sabunçu Rayon Polis İdarəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Şirvan şəhər sakini F.Əkbərlidən 513 qrama yaxın heroin və 300 qramdan artıq metamfetamin aşkar olunaraq götürülüb. Araşdırma aparılır. 

“Toyota” markalı bir avtomobildən 2 ədəd mobil telefon oğurlamaqda şübhəli bilinən M.Cəfərov saxlanılıb

30.01.2023

Yasamal RPİ 27-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində yanvarın 27-də “Toyota” markalı bir avtomobildən 2 ədəd mobil telefon oğurlamaqda şübhəli bilinən Bakı şəhər sakini M.Cəfərov müəyyən olunaraq saxlanılıb. Araşdırma aparılır. 

Sumqayıt şəhəri ərazisində iki evdən pul və 4 ədəd mobil telefon oğurlamaqda şübhəli bilinən Ə.Əliyev saxlanılıb

30.01.2023

Sumqayıt ŞPİ 2-ci Polis Bölməsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində şəhər ərazisində iki evdən pul və 4 ədəd mobil telefon oğurlamaqda şübhəli bilinən Sumqayıt sakini, əvvəllər məhkum olunmuş Ə.Əliyev müəyyən olunaraq saxlanılıb. Araşdırma aparılır.

Gəncə şəhərinin V.Xuluflu küçəsində silah-sursat tapılıb

30.01.2023

Gəncə ŞBPİ 1-ci Polis Şöbəsinin əməkdaşları tərəfindən V.Xuluflu küçəsindən 1 ədəd “RQD-5” markalı qumbara, 1 ədəd yararsız və nömrəsi silinmiş “AK-74” markalı avtomat silahı, 1 ədəd lüləsi kəsilmiş və nömrəsi silinmiş “İJ” markalı ov tüfəngi və 2 ədəd avtomat patronu tapılıb. Araşdırma aparılır. 

Şirvan şəhər sakini F.Hüseynovdan marixuana aşkar olunaraq götürülüb

30.01.2023

Şirvan Şəhər Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş F.Hüseynovdan 2 qramdan artıq, evinə baxış zamanı isə 520 qram marixuana aşkar olunaraq götürülüb. Araşdırma aparılır.