Soyğunçuluq yolu ilə talamaqda şübhəli bilinən paytaxt sakini M.Məmmədov saxlanılmışdır

02.04.2022

Nərimanov RPİ-nin 16-cı Polis Bölməsi və Diplomatik Nümayəndəliklərin Mühafizəsi üzrə Əlahiddə Polis Taboru əməkdaşlarının keçirdikləri əməliyyat tədbiri nəticəsində aprelin 2-də M.Araz küçəsində Bakı şəhər sakini A.Bayramovanın içərisində 2 bank kartı və ətir olan çantasını soyğunçuluq yolu ilə talamaqda şübhəli bilinən paytaxt sakini M.Məmmədov saxlanılmışdır.Nərimanov RPİ-də  araşdırma aparılır.

Oğurluq etməkdə şübhəli bilinən Bakı şəhər sakini Q.Qasımov müəyyən edilərək saxlanılmışdır

02.04.2022

Səbail RPİ-nin 41-ci Polis Bölməsinə martın 31-də Bakı şəhər sakini S.Qənbərovun bank hesabından 497 manat və 11 ABŞ dollarının oğurlanması barədə müraciət daxil olmuşdur.  Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini, əvvəllər məhkum olunmuş Q.Qasımov müəyyən edilərək saxlanılmışdır.Araşdırma aparılır. 

“E-Manat” ödəmə terminalından 32.000 manat pul oğurlamaqda şübhəli bilinən Göyçay rayon sakinləri N.Nuruyev, S.Nuriyev və K.Hüseynli saxlanılmışlar

02.04.2022

Göyçay RPŞ əməkdaşlarının keçirdikləri əməliyyat tədbirləri nəticəsində rayon ərazisindəki mağazaların birindən 250 manat pul, 50 manat dəyərində tütün məmulatı və orada quraşdırılmış “E-Manat” ödəmə terminalından 32.000 manat pul oğurlamaqda şübhəli bilinən rayon sakinləri N.Nuruyev, S.Nuriyev və K.Hüseynli saxlanılmışlar. Araşdırma aparılır. 

Paytaxtın Nizami rayonu ərazisində yol-nəqliyyat hadisəsi

02.04.2022

Aprelin 2-də saat 10 radələrində paytaxtın Nizami rayonu ərazisində Bakı şəhər sakini N.Qəniyeva idarə etdiyi “Hyundai” markalı avtomobili işıq dirəyinə vurmuşdur. Nəticədə sərnişinlərindən Aysel Cəfərova hadisə yerində ölmüş, digər 3 sərnişininə isə xəstəxanada ilkin tibbi yardım göstərildikdən sonra buraxılmışlar.Nizami RPİ-də araşdırma aparılır. 

Binəqədi rayonu Novxanı qəsəbəsi ərazisində yol-nəqliyyat hadisəsi

02.04.2022

Aprelin 2-də saat 14 radələrində Binəqədi rayonu Novxanı qəsəbəsi ərazisində Sumqayıt şəhər sakinləri A.Mirzəyevin idarə etdiyi “Hyundai” və Səbuhi Seyidovun idarə etdiyi “Opel” markalı avtomobillər toqquşmuşdur. Nəticədə xəsarətlə xəstəxanaya yerləşdirilmiş S.Seyidov ölmüşdür.Binəqədi RPİ-də araşdırma aparılır.

Culfa şəhəri ərazisində yol-nəqliyyat hadisəsi

02.04.2022

Aprelin 2-də saat 11 radələrində Culfa şəhəri ərazisində şəhər sakini Z.Səmədov idarə etdiyi “NazLifan LF” markalı avtomobillə yolu keçən həmyerlisi Hüseyn Fərəcovu vurmuş və nəticədə piyada hadisə yerində ölmüşdür.Culfa RPİ-də araşdırma aparılır.

Gün ərzində törədilmiş 54 cinayətin üstü “isti izlər”lə açılmışdır

01.04.2022

Respublikanın daxili işlər orqanları tərəfindən gün ərzində törədilmiş 54 cinayətin üstü “isti izlər”lə açılmışdır.  

Lənkəran şəhər sakini R.Ağazadədən 42 qram heroin götürülmüşdür

01.04.2022

Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının keçirdikləri əməliyyat tədbiri nəticəsində Lənkəran rayonu ərazisində saxlanılan şəhər sakini R.Ağazadədən 42 qram heroin götürülmüşdür.

Astara sakini E.Əliyevin yaşadığı evə baxış zamanı 3 kiloqram 150 qrama yaxın heroin aşkar edilərək götürülmüşdür

01.04.2022

Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının keçirdikləri əməliyyat tədbiri nəticəsində Astara rayonu ərazisində saxlanılan Rüdəkənar kənd sakini, əvvəllər məhkum olunmuş M.Əliyevdən 14 qramdan artıq heroin aşkar edilmişdir. Davam etdirilən tədbirlərlə narkotik vasitəni ona satmaqda şübhəli bilinən Astara sakini E.Əliyev də müəyyən olunaraq saxlanılmışdır. Şəxsi axtarış zamanı ondan 18 qramdan artıq, yaşadığı evə baxış zamanı isə 3 kiloqram 150 qrama yaxın heroin aşkar edilərək götürülmüşdür. 

Koronavirus xəstəsi ictimai yerdə aşkar edilərək saxlanılıb 

01.04.2022

Aprelin 1-də polis əməkdaşları tərəfindən 1 nəfər aktiv koronavirus xəstəsi ictimai yerdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evi tərk etmiş həmin şəxslə izahedici söhbətlər aparıb, tibbi prosedurları gözləməklə yaşadığı evə qaytarıb və bu barədə müvafiq səhiyyə qurumları məlumatlandırılıb.  Ev şəraitində müalicə təyin edilməsinə baxmayaraq, yaşayış yerini tərk edən 1 nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.