Oğurluqda şübhəli Abşeron rayon sakinləri C.Qafarov və qardaşı C.Qafarov saxlanılmışlar

11.03.2022

Binəqədi RPİ 40-cı Polis Bölməsi əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda rayon ərazisindəki 4 mağazadan ümumilikdə 100 manat pul, 1900 manat dəyərində müşahidə kamerası, 4200 manat dəyərində ətir, tütün məmulatı, danışıq kartı və spirtli içki oğurlamaqda şübhəli Abşeron rayon sakinləri C.Qafarov və qardaşı C.Qafarov saxlanılmışlar.

Ov tüfəngi oğurlamaqda şübhəli bilinən B.Vəliyev saxlanılmışdır.

11.03.2022

Nizami (Gəncə) RPİ və Goranboy RPŞ əməkdaşlarının birgə keçirdikləri əməliyyat-axtarış tədbiri nəticəsində Goranboy rayonu ərazisindəki evlərin birindən müvafiq sənədləri olan “Hatsan” markalı ov tüfəngi oğurlamaqda şübhəli bilinən B.Vəliyev saxlanılmışdır. Ətrafında aparılan araşdırmalarla onun Cinayət Məcəlləsinin 126-cı (qəsdən sağlamlığa ağır zərər vurma) maddəsilə axtarışda olması da müəyyən edilmişdir.

Bakıda tapança  satmaq istəyən şəxs saxlanılıb

11.03.2022

Nəsimi Rayon Polis İdarəsinin 21-ci Polis Bölməsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində qanunsuz olaraq əldə etdiyi odlu silah-sursatı satmaq istəyən şəxs saxlanılıb. Bölməyə paytaxt sakini əvvəllər məhkum edilmiş Aleksandr Qorbunovda silah olması və satmaq istəməsi barədə əməliyyat məlumatı daxil olub. Həmin şəxs əməliyyat nəticəsində tutularaq Polis Bölməsinə gətirilib. Onun üzərinə baxış keçirilərkən 1 ədəd “Beretta” markalı atəş üçün yararlı tapança, həmin silaha məxsus daraq və 4 ədəd patron aşkar edilərək götürülüb. 21-ci Polis Böməsində toplanan materiallar araşdırmaların davam etdirilməsi üçün Nəsimi Rayon Polis İdarəsinin İstintaq Şöbəsinə göndərilib. Aleksandr Qorbunov barəsində məhkəmənin qərarı ilə həbs qətimkan tədbiri seçilib, istintaq tədbirləri davam edirilir.

Gün ərzində törədilmiş 68 cinayətin üstü “isti izlər”lə açılmışdır

10.03.2022

Respublikanın daxili işlər orqanları tərəfindən gün ərzində törədilmiş 68 cinayətin üstü “isti izlər”lə açılmışdır.

Sumqayıt şəhər sakini E.Səfərovdan hədə-qorxu ilə pul tələb etməkdə və mobil telefonunu almaqda şübhəli bilinən şəxslər saxlanılmışlar

10.03.2022

Sumqayıt ŞPİ-nin 3-cü Polis Bölməsinə bir neçə nəfərin şəhər sakini E.Səfərovu hədələyərək borclu olduğu 2245 manat pulu tələb etmələri və mobil telefonunu almaları barədə müraciət daxil olmuşdur.Polis əməkdaşlarının keçirdikləri əməliyyat tədbirləri nəticəsində hədə-qorxu ilə tələb etmədə şübhəli bilinən şəhər sakinləri R.Əkbərov, qardaşı F.Əkbərov, N.Mustafayev və Şabran rayon sakini E.Nadirov müəyyən edilərək saxlanılmışlar.Sumqayıt Şəhər Polis İdarəsində araşdırma aparılır. 

Qanunsuz saxlanılan silah-sursatla bağlı əməliyyat tədbirləri davam etdirilir

10.03.2022

Polis əməkdaşlarının keçiridikləri əməliyyat tədbirləri nəticəsində martın 10-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 2 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

10.03.2022

Martın 10-da polis əməkdaşları tərəfindən 2 nəfər aktiv koronavirus xəstəsi ictimai yerlərdə aşkar edilərək saxlanılıblar. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evi tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadıqları evlərə qaytarıb və bu barədə müvafiq səhiyyə qurumları məlumatlandırılıb.

Narkotik vasitələrin təsiri altında avtomobil idarə edən şəxs saxlanılıb

10.03.2022

DİN-in Baş Dövlət Yol Polisi İdarəsi əməkdaşlarının keçirdikləri tədbirlərlə martın 10-da İmişli rayon sakini Əlihüseyn Rzayevin idarə etdiyi "Toyota" markalı avtomobil Cəlilabad rayonu ərazisində saxlanılmışdır. Polis əməkdaşları tərəfindən sürücünün narkotik vasitə qəbul etməsi müəyyən edilmiş və barəsində İnzibati Xətalar Məcəlləsinin 334.1-ci maddəsi ilə protokol tərtib olunmuşdur.Cəlilabad rayon Məhkəməsinin qərarı ilə Ə.Rzayev 8 gün müddətinə inzibati qaydada həbs olunmuşdur.  Bu istiqamətdə tədbirlər davam etdirilir.

Hədə-qorxu ilə tələb etmədə şübhəli bilinən Sumqayıt sakinləri K.Kərimov, F.Rzayev və Z.Dadaşov saxlanılmışlar

10.03.2022

Sumqayıt ŞPİ-nin 3-cü Polis Bölməsinə martın 5-də 6-cı mikrorayon ərazisində 2 nəfərin şəhər sakini R.Əhmədovu yazışmalarını yayacağı ilə hədələyərək 150 manatını almaları, martın 9-da isə qızıl əşyalar tələb etmələri barədə müraciət daxil olmuşdur. Polis əməkdaşlarının keçirdikləri əməliyyat tədbirləri nəticəsində hədə-qorxu ilə tələb etmədə şübhəli bilinən Sumqayıt sakinləri K.Kərimov, F.Rzayev və Z.Dadaşov müəyyən edilərək saxlanılmışlar. Sumqayıt Şəhər Polis İdarəsində araşdırma aparılır.  

Moped oğurlayanlar saxlanılıb

10.03.2022

Nəsimi RPİ 19-cu Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayon ərazisində X.Mustafayevə və İ.Məmmədliyə məxsus mopedləri oğurlamaqda şübhəli bilinən Bakı şəhər sakinləri M.Atayev və əvvəllər məhkum olunmuş F.Hacıyev saxlanılmışlar.Xətai RPİ 34-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində isə Sumqayıt şəhər sakini E.Nurəddinova məxsus həyətyanı sahədən mopedini oğurlamaqda şübhəli bilinən Masallı rayon sakini O.Quliyev saxlanılmışdır.Araşdırmalar aparılır.