Gün ərzində ölkə ərazisində qeydə alınan 61 cinayətin açılması təmin olunub

28.02.2023

Fevralın 28-də ölkə ərazisində qeydə alınan 61, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 37,8 kiloqramdan artıq narkotik vasitə aşkar olunaraq götürülüb

28.02.2023

Polis əməkdaşlarının fevralın 28-də respublika ərazisində keçirdikləri əməliyyat tədbirləri nəticəsində ümumi çəkisi 37,8 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 9,1 kiloqramdan artıq heroin, 19,8 kiloqrama yaxın marixuana, 4,9 kiloqramdan çox həşiş qətranı, 4 kiloqrama yaxın metamfetamin, həmçinin 2800 ədəd yüksək təsiredici xassəyə malik həblər olub. Bu istiqamətdə qətiyyətli mübarizə tədbirləri davam etdirilir. 

Saatlı rayonunun Mustafabəyli kənd sakini C.Camalovdan silah-sursat götürülüb

28.02.2023

Saatlı Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan Mustafabəyli kənd sakini C.Camalovdan nömrəsi silinmiş “AK-74” markalı avtomat silah, 60 ədəd patron və 2 ədəd patron darağı götürülüb. Araşdırma aparılır. 

Qobustan qəsəbəsində yaşayan bir qadına və onun qohumuna qarşı soyğunçuluq etməkdə şübhəli bilinən Bakı şəhər sakini G.Vəliyeva saxlanılıb

28.02.2023

Fevralın 14-də Qobustan qəsəbəsində yaşayan bir qadının evində aldadılaraq pulunun və geyim əşyalarının alınması, habelə qohumu olan azyaşlı qızın qızıl sırğalarının soyğunçuluq yolu ilə talanması barədə Qaradağ RPİ-nin 11-ci Polis Bölməsinə məlumat daxil olub. Polis əməkdaşlarının keçirdikləri əməliyyat tədbirləri nəticəsində bu əməli törətməkdə şübhəli bilinən Bakı şəhər sakini G.Vəliyeva müəyyən olunaraq saxlanılıb. Araşdırma aparılır.

Bakı şəhər sakini olan bir yeniyetməyə qarşı quldurluq etməkdə şübhəli bilinən paytaxt sakini Z.Zeynalov saxlanılıb

28.02.2023

Nərimanov RPİ 17-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində fevralın 27-də Bakı şəhər sakini olan bir yeniyetməni bıçaqla hədələyib mobil telefonunu quldurluq yolu ilə talamaqda şübhəli bilinən paytaxt sakini, əvvəllər dəfələrlə məhkum olunmuş Z.Zeynalov müəyyən olunaraq saxlanılıb. Şəxsi axtarış zamanı ondan heroin aşkar olunaraq götürülüb.

Bakı şəhər sakini olan bir nəfərin bank hesabından 4000 manatını oğurlamaqda şübhəli bilinən şəxslər saxlanılıblar

28.02.2023

Abşeron Rayon Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində Bakı şəhər sakini olan bir nəfərin bank hesabından 4000 manatını oğurlamaqda şübhəli bilinən Göyçay rayon sakinləri X.Daşdəmirli, R.Qasımov və S.İsmayılov müəyyən olunaraq saxlanılıblar. Araşdırma aparılır. 

Hövsan qəsəbəsi ərazisindəki marketlərdən birinin qarşısından ödəmə terminalını oğurlamaqda şübhəli bilinən digər şəxs də müəyyən olunaraq saxlanılıb

28.02.2023

Suraxanı RPİ 30-cu Polis Şöbəsi əməkdaşlarının keçirdikləri əməliyyat tədbiri nəticəsində Hövsan qəsəbəsi ərazisindəki marketlərin birinin qarşısından içərisində 5926 manat pul olan ödəmə terminalını oğurlamaqda şübhəli bilinən digər şəxs – A.Rzayev də müəyyən olunaraq saxlanılıb. Araşdırma aparılır.

Suraxanı rayonunun Yeni Günəşli qəsəbəsindəki evlərdən birinin girişindən velosiped oğurlamaqda şübhəli bilinən S.Məhərrəmov saxlanılıb

28.02.2023

Suraxanı RPİ 33-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində fevralın 28-də Yeni Günəşli qəsəbəsindəki evlərin birinin girişindən velosiped oğurlamaqda şübhəli bilinən qəsəbə sakini S.Məhərrəmov saxlanılıb. Araşdırma aparılır. 

Sumqayıt şəhərindəki evlərdən birinin zirzəmisindən velosiped oğurlamaqda şübhəli bilinən şəhər sakini A.Məhərrəmov saxlanılıb

28.02.2023

Sumqayıt ŞPİ 3-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində fevralın 28-də 6-cı mikrorayondakı evlərin birinin zirzəmisindən velosiped oğurlamaqda şübhəli bilinən şəhər sakini, əvvəllər məhkum olunmuş A.Məhərrəmov saxlanılıb. Araşdırma aparılır.

Gəncə şəhəri ərazisində “VAZ-21011” markalı bir avtomobilin qoşqusunu oğurlamaqda şübhəli bilinən Gəncə sakini R.Qəmbərov saxlanılıb

28.02.2023

Gəncə ŞBPİ 2-ci Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində fevralın 26-na keçən gecə şəhər ərazisində “VAZ-21011” markalı bir avtomobilin arxasında olan 2000 manat dəyərində qoşqusunu oğurlamaqda şübhəli bilinən Gəncə sakini R.Qəmbərov saxlanılıb. Araşdırma aparılır.