Astara şəhər sakini Z.Axundovun evinə baxış zamanı 4 kiloqram 30 qram heroin və 1 kiloqram 905 qram marixuana aşkar olunaraq götürülüb

12.02.2023

Astara Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Z.Axundovdan 5 qrama yaxın heroin, evinə baxış zamanı isə 4 kiloqram 30 qram heroin və 1 kiloqram 905 qram marixuana aşkar olunaraq götürülüb. 

Astara şəhər sakini S.Əliyevin, yaşadığı evə baxış zamanı 6 kiloqram 15 qram heroin və 2 kiloqram 20 qram marixuana aşkar olunaraq götürülüb

12.02.2023

Astara Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş S.Əliyevdən 10 qrama yaxın heroin, yaşadığı evə baxış zamanı isə 6 kiloqram 15 qram heroin və 2 kiloqram 20 qram marixuana aşkar olunaraq götürülüb. 

Oğurluqda şübhəli bilinən Masallı rayon sakini Ə.Əliyev saxlanılıb

12.02.2023

Lənkəran Şəhər Rayon Polis Şöbəsi əməkdaşlarının keçirdikləri əməliyyat tədbiri nəticəsində K.Zəbiyevin 2 ədəd mobil telefonunu oğurlamaqda şübhəli bilinən Masallı rayon sakini Ə.Əliyev saxlanılıb. Araşdırmalarla onun 2 evdən ümumilikdə 4630 manat pul və 2090 manat dəyərində qızıl-zinət əşyaları oğurlaması da müəyyən olunub. 

Oğurluqda şübhəli bilinən Lənkəran sakini Z.Əliyev müəyyən olunaraq saxlanılıb

12.02.2023

Lənkəran Şəhər Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 15.000 manat pul oğurlamaqda şübhəli bilinən Lənkəran sakini, əvvəllər məhkum olunmuş Z.Əliyev müəyyən olunaraq saxlanılıb. Araşdırma aparılır. 

Oğurluqda şübhəli bilinən Qazax rayon sakinləri E.Eyvazov və P.Bayramov saxlanılıblar

12.02.2023

Qazax Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən televizor oğurlamaqda şübhəli bilinən rayon sakinləri, əvvəllər məhkum olunmuş E.Eyvazov və P.Bayramov saxlanılıblar. Araşdırmalarla E.Eyvazovun rayon sakini N.Hüseynzadə və digər bir nəfərlə birgə daha bir mağazadan 1300 manat pul, noutbuk, danışıq kartları və tütün məmulatı oğurlaması da müəyyən olunub. Polis əməkdaşları tərəfindən N.Hüseynzadə də saxlanılıb. Əməliyyat tədbirləri davam etdirilir. 

Sumqayıt şəhər sakini E.Qəmbərovun idarə etdiyi avtomobilə baxış zamanı sərnişini R.Məlikovdan 1 kiloqram 25 qram heroin aşkar olunaraq götürülüb

12.02.2023

Biləsuvar Rayon Polis Şöbəsi əməkdaşlarının keçirdikləri əməliyyat tədbiri nəticəsində Sumqayıt şəhər sakini E.Qəmbərovun idarə etdiyi “Chevrolet” markalı avtomobilə baxış zamanı sərnişini, əvvəllər məhkum olunmuş R.Məlikovdan 1 kiloqram 25 qram heroin aşkar olunaraq götürülüb. Araşdırma aparılır. 

Biləsuvar rayonunun Nərimanabad kənd sakini B.Əbilovun ehtiyatsızlığı nəticəsində tüfəngdən açılmış atəşdən xəsarət alması müəyyən olunub

12.02.2023

Biləsuvar Rayon Polis Şöbəsinə Nərimanabad kənd sakini B.Əbilovun odlu silahdan açılan atəşdən xəsarət alması barədə məlumat daxil olub. Polis əməkdaşları tərəfindən müvafiq tədbirlər həyata keçirilib. Araşdırmalarla B.Əbilovun ehtiyatsızlığı nəticəsində tüfəngdən açılmış atəşdən xəsarət alması müəyyən olunub.  Ondan qanunsuz saxladığı “Tula” markalı ov tüfəngi götürülüb və xəstəxanaya yerləşdirilib. Araşdırma aparılır. 

Qanunsuz ov edən Bakı şəhər sakini O.Mirzəyevdən, Tovuz rayon sakinləri A.Əsədovdan, İ.Nağıyevdən, Abşeron rayon sakini O.Nağıyevdən və qardaşı T.Nağıyevdən 23 ədəd patron, 2 ov tüfəngi götürülüb

12.02.2023

Hacıqabul Rayon Polis Şöbəsinin əməkdaşları tərəfindən fevralın 11-də Meyniman kəndi ərazisində qanunsuz ov edən Bakı şəhər sakini O.Mirzəyevdən, Tovuz rayon sakinləri A.Əsədovdan, İ.Nağıyevdən, Abşeron rayon sakini O.Nağıyevdən və qardaşı T.Nağıyevdən 23 ədəd patron, müvafiq sənədləri olan “Ata-arms” markalı 2 ov tüfəngi götürülüb. Araşdırma aparılır.  

Şəmkir rayonunun Yeniabad kəndi ərazisində yol-nəqliyyat hadisəsi

12.02.2023

Fevralın 12-də saat 16 radələrində Şəmkir rayonunun Yeniabad kəndi ərazisində rayon sakinləri E.Hüseynovun idarə etdiyi “BMW” və R.Qəhrəmanovun idarə etdiyi “VAZ-2106” markalı avtomobillər toqquşub. Nəticədə xəsarət alan R.Qəhrəmanov xəstəxanaya aparılarkən ölüb.Şəmkir Rayon Polis Şöbəsində araşdırma aparılır.

Binəqədi rayonunun Xocəsən qəsəbəsi ərazisində yol-nəqliyyat hadisəsi

12.02.2023

Fevralın 12-də saat 18 radələrində Binəqədi rayonunun Xocəsən qəsəbəsi ərazisində Sumqayıt şəhər sakini K.Nəsibov idarə etdiyi “QAZ-33021” markalı avtomobillə yolu keçən Bakı şəhər sakini M.Ramazanovu vurub və nəticədə piyada hadisə yerində ölüb.Baş İstintaq və Təhqiqat İdarəsi tərəfindən araşdırma aparılır.