Şəmkir rayonunun Şiştəpə kəndi ərazisində yol-nəqliyyat hadisəsi

12.02.2023

Fevralın 12-də saat 19 radələrində Şəmkir rayonunun Şiştəpə kəndi ərazisində kənd sakini T.Nağıyevanın idarə etdiyi “Nissan” və Masallı rayon sakini M.Rəfiyevin idarə etdiyi “Mercedes” markalı avtomobillər toqquşub. Nəticədə xəsarət alan T.Nağıyeva xəstəxanaya aparılarkən ölüb, hər iki avtomlobildə olan 2 sərnişin xəstəxanaya yerləşdirilib. Şəmkir Rayon Polis Şöbəsində araşdırma aparılır.

Sabirabad rayonunun Şəhriyar kəndi ərazisində yol-nəqliyyat hadisəsi

12.02.2023

Fevralın 12-də saat 21 radələrində Sabirabad rayonunun Şəhriyar kəndi ərazisində Saatlı rayon sakini İ.Hüseynov idarə etdiyi “Opel” markalı avtomobillə yolu keçən kənd sakini Y.Qasımovu vurub. Nəticədə xəsarət alan piyada xəstəxanaya aparılarkən ölüb.Baş İstintaq və Təhqiqat İdarəsi tərəfindən araşdırma aparılır.

Gün ərzində ölkə ərazisində qeydə alınan 70 cinayətin açılması təmin olunub

11.02.2023

Fevralın 11-də ölkə ərazisində qeydə alınan 70, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.

Quldurluq və hədə-qorxu ilə tələb etmədə şübhəli bilinən 3 nəfər saxlanılıb

11.02.2023

Fevralın 10-da Xırdalan şəhərində 3 nəfərin Bakı şəhər sakini olan bir kişinin videogörüntülərini sosial şəbəkədə yayacağı ilə hədələyib 1350 manatını almaları barədə polisə məlumat daxil olub.  Abşeron Rayon Polis İdarəsi əməkdaşlarının keçirdikləri əməliyyat tədbirləri nəticəsində bu əməli törətməkdə şübhəli bilinən Şabran rayon sakini, əvvəllər məhkum olunmuş Q.Soltanov, Bakı şəhər sakinləri, əvvəllər məhkum olunmuş X.Umudov və K.Nağıyev müəyyən olunaraq saxlanılıblar.Araşdırmalarla onların fevralın 7-də yaşadıqları evdə bir nəfəri bıçaqla hədələyib mobil telefonunu, 850 manatını, “Instagram” sosial şəbəkəsindəki səhifəsini ələ keçirmələri, cari il yanvarın 15-də isə digər bir şəxsi döyərək 500 manatını və qızıl boyunbağısını quldurluq və hədə-qorxu ilə talamaları müəyyən olunub. Faktla bağlı Abşeron Rayon Polis İdarəsində Cinayət Məcəlləsinin 181-ci (Quldurluq) və 182-ci (Hədə-qorxu ilə tələb etmə) maddələri ilə cinayət işi başlanılıb. Araşdırma aparılır.

Quldurluqda şübhəli bilinən 2 nəfər saxlanılıb 

11.02.2023

Fevralın 11-də saat 20 radələrində Səbail rayonu ərazisində 3 nəfərin bıçaqla hədələnməsi, onların birindən içərisində 2.000 ABŞ dolları və sənədlər olan cüzdanının quldurluq yolu ilə talanması barədə polisə məlumat daxil olub.  Səbail RPİ 39-cu Polis Bölməsi əməkdaşlarının keçirdikləri əməliyyat tədbiri nəticəsində bu əməli törətməkdə şübhəli bilinən Cəlilabad rayon sakini, əvvəllər məhkum olunmuş Ş.Cavadov və Biləsuvar rayon sakini A.Bağışov müəyyən olunaraq saxlanılıblar. Araşdırma aparılır. 

Oğurluq əməlində şübhəli bilinən Abşeron rayon sakini R.Qasımov müəyyən olunaraq saxlanılıb

11.02.2023

Yanvarın 24-də Sumqayıt şəhər sakini G.Məmmədovanın bank hesabından 300 manatının oğurlanması barədə polisə məlumat daxil olub. Sumqayıt ŞPİ 3-cü Polis Bölməsi əməkdaşlarının keçirdikləri əməliyyat tədbirləri nəticəsində oğurluq əməlində şübhəli bilinən Abşeron rayon sakini R.Qasımov müəyyən olunaraq saxlanılıb. Araşdırma aparılır. 

Balakən rayon sakini M.Aşırovdan qanunsuz saxladığı nömrəsi silinmiş “TOZ-8” markalı tüfəng götürülüb

11.02.2023

Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində Şəmkir dəmir yolu stansiyasının ərazisində Balakən rayon sakini, əvvəllər məhkum olunmuş M.Aşırovdan qanunsuz saxladığı nömrəsi silinmiş “TOZ-8” markalı tüfəng götürülüb. Araşdırma aparılır. 

Avtomobil qaçırmaqda şübhəli bilinən paytaxt sakini S.Fərəczadə müəyyən olunaraq saxlanılıb

11.02.2023

Xətai RPİ 37-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini A.Mahmudluya məxsus “Toyota” markalı avtomobili qaçırmaqda şübhəli bilinən paytaxt sakini S.Fərəczadə müəyyən olunaraq saxlanılıb. Araşdırma aparılır.  

Salyan rayonunun Kərimbəyli kənd sakini F.Yusifovun evinə baxış zamanı oradan qanunsuz saxladığı ov tüfəngi aşkar olunaraq götürülüb

11.02.2023

Salyan Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Kərimbəyli kənd sakini F.Yusifovun evinə baxış zamanı oradan qanunsuz saxladığı “İJ” markalı ov tüfəngi aşkar olunaraq götürülüb. Araşdırma aparılır. 

Qanunsuz ov edən rayon sakini S.Quliyevdən müvafiq sənədləri olan ov tüfəngi və 18 ədəd patron götürülüb

11.02.2023

Laçın Rayon Polis Şöbəsinin əməkdaşları tərəfindən Ağcabədi rayonunun Taxta körpü qəsəbəsi ərazisində qanunsuz ov edən rayon sakini S.Quliyev saxlanılıb. Ondan müvafiq sənədləri olan “MR-27" markalı ov tüfəngi və 18 ədəd patron götürülüb. Araşdırma aparılır.