Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Sabunçu rayonunda mart ayı ərzində keçirilən əməliyyatlar zamanı narkotiklərin qanunsuz dövriyyəsi ilə məşğul olan daha 50 nəfər saxlanılıb
07.04.2023
Sabunçu Rayon Polis İdarəsinin Narkotiklərlə Mübarizə Bölməsinin əməkdaşları tərəfindən mart ayı ərzində də Bakıxanov, Balaxanı, Ramana, Zabrat, Bilgəh, Pirşağı Kürdəxanı, Maştağa qəsəbələri və digər ərazilərdə narkotiklərin qanunsuz dövriyyəsini həyata keçirən şəxslərə qarşı əməliyyatlar davam etdirilib. Əməliyyatlar zamanı narkotiklərin qanunsuz dövriyyəsi ilə məşğul olan daha 50 nəfər saxlanılıb.Araşdırma zamanı saxlanılanlardan bir neçəsinin narkotikləri sosial şəbəkələr vasitəsi ilə İranda yaşayan narkotik vasitə satıcıları ilə əlaqə yaradaraq əldə etdikləri müəyyən edilib. Həmin şəxslərin üzərindən, yaşadıqları evlərdən 9 kiloqrama yaxın heroin, marixuana və psixotrop maddə olan metamfetamin aşkar edilib.Onların hər biri barəsində İdarənin İstintaq Şöbəsində Cinayət işləri başlanılıb. Sabunçu rayonu ərazisində narkotiklərin qanunsuz dövriyyəsi ilə məşğul olan digər şəxslərin də tutulmaları istiqamətində polis əməkdaşları tərəfindən mübarizə tədbirləri davam etdirilirQeyd edək ki, cari ilin əvvəlindən Sabunçu rayonunda polis əməkdaşlarının keçirdikləri əməliyyatlar zamanı ümumilikdə 30 kiloqram müxtəlif xassəli narkotik vasitə qanunsuz dövriyyədən çıxarılıb.
Gün ərzində ölkə ərazisində qeydə alınan 83 cinayətin açılması təmin olunub
06.04.2023
Aprelin 6-da ölkə ərazisində qeydə alınan 83, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.
Bakı şəhər sakinləri X.Quliyev və F.Sultanovdan metamfetamin aşkar olunaraq götürülüb
Xəzər RPİ 2-ci Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində Bakı şəhər sakinləri, əvvəllər məhkum olunmuşlar X.Quliyev və F.Sultanov saxlanılıblar. Şəxsi axtarış zamanı onlardan metamfetamin aşkar olunaraq götürülüb. Araşdırmalarla onların Buzovna qəsəbəsi ərazisində iki evdən təmir alətləri və məişət əşyaları oğurlamaları da müəyyən olunub.
Oğurluq maddəsi ilə axtarışda olan C.Güləhmədov saxlanılıb
Nəsimi RPİ 21-ci Polis Bölməsi əməkdaşlarının keçirdikləri əməliyyat tədbiri nəticəsində Cinayət Məcəlləsinin 177-ci (Oğurluq) maddəsi ilə axtarışda olan C.Güləhmədov saxlanılıb. Araşdırmalarla onun Səbail rayonu ərazisində bir mağazadan pul, bir köşkdən isə 1600 manat dəyərində tütün məmulatı oğurlaması da müəyyən olunub.
Nərimanov rayonu ərazisində marşrut avtobusunda bir sərnişinin cibindən oğurluq etməkdə şübhəli bilinən Bakı şəhər sakini N.Məlikov saxlanılıb
Nərimanov RPİ 16-cı Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində marşrut avtobusunda bir sərnişinin cibindən üzlüyündə pul, şəxsiyyət vəsiqəsi və kartlar olan mobil telefonunu oğurlamaqda şübhəli bilinən Bakı şəhər sakini N.Məlikov müəyyən olunaraq saxlanılıb. Araşdırma aparılır.
Nizami rayonu ərazisində bir avtomobildən çanta oğurlamaqda şübhəli bilinən Goranboy rayon sakini E.Əliyev saxlanılıb
Nizami RPİ 24-cü Polis Şöbəsi əməkdaşlarının daxil olan məlumat əsasında keçirdikləri əməliyyat tədbiri nəticəsində rayon ərazisində “Hyundai” markalı bir avtomobildən içərisində pul, bank kartları və sənədlər olan çantanı oğurlamaqda şübhəli bilinən Goranboy rayon sakini, əvvəllər məhkum olunmuş E.Əliyev müəyyən olunaraq saxlanılıb. Araşdırma aparılır.
Suraxanı rayonunun Qaraçuxur qəsəbəsi ərazisində iki nəfərin pul və mobil telefonlarını oğurlamaqda şübhəli bilinən Şəmkir rayon sakini E.Əmiraslanov saxlanılıb
Suraxanı RPİ 32-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Qaraçuxur qəsəbəsi ərazisində usta işləyən iki nəfərin pul və mobil telefonlarını işlədikləri yerdən oğurlamaqda şübhəli bilinən Şəmkir rayon sakini E.Əmiraslanov müəyyən olunaraq saxlanılıb. Araşdırma aparılır.
Suraxanı rayonunun Qaraçuxur qəsəbəsi ərazisində bir avtomobildən pul və mobil telefon oğurlamaqda şübhəli bilinən paytaxt sakini N.Qurbanov saxlanılıb
Suraxanı RPİ 32-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində Qaraçuxur qəsəbəsi ərazisində “Ford” markalı bir avtomobildən 1600 manat pul və mobil telefon oğurlamaqda şübhəli bilinən Bakı şəhər sakini N.Qurbanov saxlanılıb. Araşdırma aparılır.
Yevlax şəhər sakini Ş.Quliyevdən 465 qram marixuana götürülüb
Yevlax Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş Ş.Quliyevdən 465 qram marixuana aşkar olunaraq götürülüb.
Abşeron rayonunun Saray qəsəbəsi ərazisində “Mercedes” markalı avtomobillə qəsəbə sakini E.Mürsəlov vurulub
Aprelin 7-də saat 1 radələrində Abşeron rayonunun Saray qəsəbəsi ərazisində Bakı şəhər sakini A.Hətəmi idarə etdiyi “Mercedes” markalı avtomobillə yolu keçən qəsəbə sakini E.Mürsəlovu vurub. Nəticədə xəsarət alan piyada xəstəxanaya aparılarkən yolda ölüb.Abşeron Rayon Polis İdarəsində araşdırma aparılır.
