Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Xətai rayonu ərazisində yerləşən gözəllik salonlarının birində orada işləyən qadının cüzdanını oğurlamaqda şübhəli bilinən Laçın rayon sakini T.Bədəlova saxlanılıb
06.03.2023
Xətai rayonu ərazisində yerləşən gözəllik salonlarının birində orada işləyən qadının içərisində 1300 manatı və bank kartları olan cüzdanının oğurlanması barədə polisə məlumat daxil olub. Xətai RPİ 36-cı Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Laçın rayon sakini, əvvəllər də eyni əmələ görə məhkum olunmuş T.Bədəlova müəyyən olunaraq saxlanılıb. Araşdırma aparılır.
Nərimanov rayonu ərazisində paytaxt sakini A.Eminovun xəsarət alması ilə nəticələnən YNH-ni törətməkdə şübhəli bilinən moped sürücüsü saxlanılıb
Nərimanov RPİ 18-ci Polis Şöbəsi əməkdaşlarının keçirdikləri əməliyyat-axtarış tədbirləri nəticəsində fevralın 24-də rayon ərazisində Bakı şəhər sakini A.Eminovun xəsarət alması ilə nəticələnən yol-nəqliyyat hadisəsini törətməkdə şübhəli bilinən moped sürücüsü, Cəlilabad rayon sakini Ə.Xudaşov saxlanılıb. Araşdırma aparılır.
Gəncə şəhəri ərazisində “VAZ-2107” markalı avtomobildən maqnitofon oğurlamaqda şübhəli bilinən şəhər sakini C.Mərdanov saxlanılıb
Gəncə ŞBPİ 1-ci Polis Şöbəsi əkdaşlarının daxil olan məlumat əsasında keçirdikləri əməliyyat tədbiri nəticəsində martın 6-na keçən gecə şəhər ərazisində “VAZ-2107” markalı avtomobildən maqnitofon oğurlamaqda şübhəli bilinən Gəncə sakini, əvvəllər məhkum olunmuş C.Mərdanov saxlanılıb. Araşdırmalarla onun daha bir avtomobildən mobil telefon, içərisində bank kartları və sənədlər olan cüzdan oğurlaması da müəyyən olunub. Araşdırma aparılır.
Sumqayıt şəhərinin İnşaatçlar qəsəbəsi ərazisində qanunsuz ov etmək istəyərkən saxlanılan şəhər sakini E.Eyvazovdan ov tüfəngi götürülüb
Sumqayıt ŞPİ 2-ci Polis Bölməsinin əməkdaşları tərəfindən martın 6-da İnşaatçlar qəsəbəsi ərazisində şəhər sakini E.Eyvazov qanunsuz ov etmək istəyərkən saxlanılıb. Ondan müvafiq sənədləri olan “MR-27” markalı ov tüfəngi götürülüb. Araşdırma aparılır.
Nərimanov rayonu ərazisində “Şkoda” markalı avtomobillə yolu keçən paytaxt sakini R.Manafov vurulub
Martın 6-da saat 5 radələrində Nərimanov rayonu ərazisində Bakı şəhər sakini M.Dadaşov idarə etdiyi “Şkoda” markalı avtomobillə yolu keçən paytaxt sakini R.Manafovu vurub. Nəticədə xəsarətlə xəstəxanaya yerləşdirilən piyada orada ölüb.Nərimanov Rayon Polis İdarəsində araşdırma aparılır.
İran vətəndaşı ilə əlbir olaraq narkotiklərin satışını təşkil edən şəxsdən 16 kiloqram marixuana aşkar edilib
Xətai Rayon Polis İdarəsinin və 37-ci Polis Şöbəsinin əməkdaşları tərəfindən həyata keçirilən əməliyyat zamanı narkotik vasitələrin qanunsuz dövriyyəsi ilə məşğul olan Nadim İmanverdiyev saxlanılıb. Onun üzərinə və əlində olan bağlamaya baxış zamanı 16 kiloqrama yaxın marixuana aşkar olunaraq götürülüb. Nadim İmanverdiyev ifadəsində narkotik vasitələri sosial şəbəkələrdə tanış olduğu “Seyfur Rza” adlı İran vətəndaşından onlayn yolla Bakı şəhərində satmaq məqsədi ilə aldığını bildirib.Ümumilikdə cari ilin fevral ayında Xətai Rayon Polis İdarəsinin, eləcə də ərazi polis şöbə və bölmələri tərəfindən həyata keçirilən əməliyyatlar zamanı narkotik vasitələrin qanunsuz dövriyyəsini təşkil edən 60 nəfər saxlanılıb. Bu şəxslərdən külli miqdarda güclü təsiredici xassəyə malik narkotik vasitələr aşkar edilib. Xətai Rayon Polis İdarəsi və 35-ci Polis Bölməsinin əməkdaşlarının həyata keçirdikləri digər əməliyyat zamanı üzərində qanunsuz olaraq odlu silah-sursat saxlayan Oruc Babayev saxlanılıb. Həmin şəxsdən 1 ədəd “Revolver” tipli tapança və 3 ədəd patron aşkar edilib. Xətai Rayon Polis İdarəsinin əməkdaşları tərəfindən həyata keçirilən sonuncu əməliyyat zamanı rayon ərazisində yerləşən dövlətin balansında olan transformator məntəqəsindən oğurluq edən Naib Musayev də saxlanılıb. Həmin şəxs etdiyi oğurluq nəticəsində dövlət qurumuna 2 min manatdan artıq maddi ziyan vurub.Qeyd edilən faktların hər biri ilə bağlı Xətai Rayon Polis İdarəsində araşdırmalar davam etdirilir.
Sumqayıtda yetkinlik yaşına çatmayanlara tütün məmulatları satan 10 obyektin sahibi cərimələnib
Yetkinlik yaşına çatmayanlara tütün məmulatlarının satışının qarşısının alınması istiqamətində polis əməkdaşları tərəfindən tədbirlər davam etdirilir. Sumqayıt Şəhər Polis İdarəsinin əməkdaşları tərəfindən həyata keçirilən tədbir zamanı şəhər ərazisində yetkinlik yaşına çatmayanlara tütün məmulatları satan bir neçə köşk və market aşkar edilib. Azyaşlılara tütün məmulatı satan satıcılarla profilaktik söhbətlər aparılıb. Tədbir zamanı yetkinlik yaşına çatmayanlara tütün məmulatları satan 10 obyekt aşkar edilib. Həmin obyektlərin sahibləri barələrində İnzibati Xətalar Məcəlləsinin 455.2-ci maddəsi (Etil (yeyinti) spirti, alkoqollu içkilər və ya tütün məmulatı ticarəti qaydalarının pozulması) ilə protokol tərtib edilib. Sumqayıt şəhərində yetkinlik yaşına çatmayanlara tütün məmulatları satan şəxslərə qarşı polis əməkdaşları tərəfindən mütamadi tədbirlər bundan sonra da davam etdiriləcək.
Gün ərzində ölkə ərazisində qeydə alınan 49 cinayətin açılması təmin olunub
05.03.2023
Martın 5-də ölkə ərazisində qeydə alınan 49, əvvəlki dövrlərdən bağlı qalan 10 cinayətin açılması daxili işlər orqanlarının əməkdaşları tərəfindən təmin olunub.
Ümumi çəkisi 14,1 kiloqramdan artıq narkotik vasitə aşkar olunaraq götürülüb
Polis əməkdaşlarının martın 4-də və 5-də respublika ərazisində keçirdikləri əməliyyat tədbirləri nəticəsində ümumi çəkisi 14,1 kiloqramdan artıq narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 9 kiloqramdan artıq heroin, 3,7 kiloqramdan çox marixuana, 1 kiloqrama yaxın tiryək, 360 qramdan çox metamfetamin olub. Bu istiqamətdə qətiyyətli mübarizə tədbirləri davam etdirilir.
Siyəzən rayonunun Zarat kəndi ərazisində “Mercedes” markalı avtomobillə yolu keçən Qobustan rayon sakini A.Səftərov vurulub
Martın 5-də saat 17 radələrində Siyəzən rayonunun Zarat kəndi ərazisində Quba rayon sakini Ç.Abdullayev idarə etdiyi “Mercedes” markalı avtomobillə yolu keçən Qobustan rayon sakini A.Səftərovu vurub və nəticədə piyada hadisə yerində ölüb. Baş İstintaq və Təhqiqat İdarəsi tərəfindən araşdırma aparılır.
