Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Gəncə şəhəri ərazisindəki 2 evdən oğurluq etməkdə şübhəli bilinən Qazax rayon sakini E.Rzayev saxlanılıb
03.05.2023
Gəncə ŞBPİ 4-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisindəki inşası başa çatmamış 2 evdən ümumilikdə 21200 manat dəyərində məişət əşyaları, inşaat materialları, 6 ədəd qapı, generator, təmir alətləri oğurlamaqda şübhəli bilinən Qazax rayon sakini, əvvəllər məhkum olunmuş E.Rzayev müəyyən olunaraq saxlanılıb.Araşdırma aparılır.
Naxçıvan şəhəri ərazisində bir avtomobildən oğurluq etməkdə şübhəli bilinən Y.Qəribov saxlanılıb
Naxçıvan Şəhər Polis İdarəsi əməkdaşlarının daxil olan məlumat əsasında keçirdikləri əməliyyat tədbiri nəticəsində şəhər ərazisində “VAZ-2107” markalı avtomobildən pul və sənədlər oğurlamaqda şübhəli bilinən Babək rayon sakini Y.Qəribov müəyyən olunaraq saxlanılıb.
Bərdə rayon sakinləri olan bir qrup şəxsdən müxtəlif çəkidə heroin və marixuana aşkar olunub
Bərdə Rayon Polis Şöbəsi əməkdaşlarının əldə olunan məlumat əsasında keçirdikləri əməliyyat tədbiri ilə rayon sakinləri S.Talıbov, P.Bədirov, V.Məmmədov və qardaşı P.Məmmədov saxlanılıblar. Şəxsi axtarış zamanı onlardan müxtəlif çəkidə heroin və marixuana aşkar olunub. Davam etdirilən tədbirlərlə P.Məmmədovun yaşadığı evə baxış zamanı oradan da heroin və qanunsuz saxladığı “TOZ-16” markalı ov tüfəngi götürülüb. Araşdırma aparılır.
Gün ərzində ölkə ərazisində qeydə alınan 49 cinayətin açılması təmin olunub
02.05.2023
Mayın 2-də ölkə ərazisində qeydə alınan 49, əvvəlki dövrlərdən bağlı qalan 22 cinayətin açılması daxili işlər orqanlarının əməkdaşları tərəfindən təmin olunub.
Bakı şəhər sakini V.Əliyevdən ov tüfəngi və 12 ədəd patron götürülüb
Suraxanı RPİ 32-ci Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini, əvvəllər məhkum olunmuş V.Əliyevdən lüləsi kəsilmiş “TOZ-16” markalı ov tüfəngi və 12 ədəd patron aşkar olunaraq götürülüb. Araşdırma aparılır.
Abşeron rayonunun Qobu qəsəbə sakini E.Əbdülkərimovun evindən tapança və metamfetamin götürülüb
Abşeron Rayon Polis İdarəsi əməkdaşlarının əldə olunan məlumat əsasında Qobu qəsəbə sakini, əvvəllər məhkum olunmuş E.Əbdülkərimovun evində keçirdikləri əməliyyat-axtarış tədbiri nəticəsində oradan “Blot TR” markalı tapança və metamfetamin aşkar olunaraq götürülüb. Araşdırma aparılır.
Gəncə şəhəri ərazisindən silah-sursat tapılmışdır
Gəncə ŞBPİ 3-cü Polis Bölməsinin əməkdaşları tərəfindən şəhər ərazisindən 1 ədəd lüləsi kəsilmiş, nömrəsi silinmiş “AK-74”markalı avtomat silah, 12 ədəd patron və 1 ədəd patron darağı tapılmışdır.
Sumqayıt şəhərinin H.Z.Tağıyev qəsəbəsi ərazisindən elektrik dirəklərini oğurlamaqda şübhəli bilinən şəhər sakini R.Rzayev saxlanılıb
Mayın 2-də Sumqayıt şəhər H.Z.Tağıyev qəsəbəsinin ərazisindən Sumqayıt şəhəri “Yüksək Gərginlikli Elektrik Şəbəkəsinə” məxsus dirəklərin oğurlanması barədə polisə məlumat daxil olub.Sumqayıt ŞPİ 2-ci Polis Bölməsi əməkdaşlarının keçirdikləri əməliyyat tədbiri nəticəsində oğurluq əməlində şübhəli bilinən Sumqayıt şəhər sakini əvvəllər də eyni əmələ görə məhkum olunmuş Rusif Rzayev saxlanılıb. Araşdırma aparılır.
Oğurluq maddəsi ilə axtarışda olduğuna görə tutulan E.Məmmədovun bir qadına qarşı soyğunçuluq etməsi də müəyyən olunub
Sumqayıt ŞPİ 3-cü Polis Bölməsində aparılan araşdırmalarla Cinayət Məcəlləsinin 177-ci (oğurluq) maddəsi ilə axtarışda olduğuna görə tutulan Bakı şəhər sakini E.Məmmədovun aprelin 9-da şəhər ərazisində bir qadının içərisində pul və bank kartı olan cüzdanını soyğunçuluq yolu ilə talaması da müəyyən olunub.
Abşeron rayonu ərazisindəki 8 evdən oğurluq etməkdə şübhəli bilinən Yardımlı rayon sakini M. Təhməzli saxlanılıb
Abşeron Rayon Polis İdarəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində rayon ərazisindən müxtəlif vaxtlarda 8 evdən məişət əşyaları, təmir-tikinti alətləri və inşaat materialları oğurlamaqda şübhəli bilinən Yardımlı rayon sakini, əvvəllər də eyni əmələ görə məhkum olunmuş M. Təhməzli saxlanılıb. Araşdırma aparılır.
