Şabran rayonunun Qazma kənd sakini S.Alişanovdan qanunsuz saxladığı ov tüfəngi götürülüb

19.07.2022

Şabran RPŞ əməkdaşlarının keçirdikləri əməliyyat tədbiri nəticəsində Qazma kənd sakini S.Alişanovdan qanunsuz saxladığı ov tüfəngi götürülüb.

Cəlilabad rayon sakini K.Ağayevdən 3 kiloqram 735 qram tiryək aşkar olunaraq götürülüb

19.07.2022

Biləsuvar RPŞ əməkdaşlarının keçirdikləri əməliyyat tədbiri nəticəsində saxlanılan Cəlilabad rayon sakini K.Ağayevdən 3 kiloqram 735 qram tiryək aşkar olunaraq götürülüb. 

Sabirabad rayonunun Şıxsalahlı kənd sakini Ə.Nəsirov ov tüfəngini, 1 ədəd patrondaşı və 11 ədəd patronu könüllü olaraq təhvil verib

19.07.2022

Polis əməkdaşları tərəfindən aparılan profilaktik tədbirlər nəticəsində Sabirabad rayonunun Şıxsalahlı kənd sakini Ə.Nəsirov “BUM” markalı ov tüfəngini, 1 ədəd patrondaşı və 11 ədəd patronu könüllü olaraq Rayon Polis Şöbəsinə təhvil verib.

Kürdəmir rayonunun Ərəbqubalı kəndi ərazisində yol-nəqliyyat hadisəsi

19.07.2022

İyulun 19-da saat 19 radələrində Kürdəmir rayonunun Ərəbqubalı kəndi ərazisində rayon sakini Ə.Həsənov idarə etdiyi “VAZ-2106” markalı avtomobili aşırıb və nəticədə sərnişini Nəsir Nəsirov hadisə yerində ölüb.Kürdəmir Rayon Polis Şöbəsində araşdırma aparılır.

Yol-nəqliyyat hadisəsi zamanı xəsarət almış Marat İsrafilov yerləşdirildiyi xəstəxanada ölmüşdür

19.07.2022

İyulun 17-də saat 22 radələrində Qusar rayonunun Şirvanlı kəndi ərazisində rayon sakini M.Əhmədov idarə etdiyi “Hyundai” markalı avtomobili aşırıb. Nəticədə sürücü və sərnişini Marat İsrafilov xəstəxanaya yerləşdirilib. M.İsrafilov iyulun 19-da orada ölüb.Qusar Rayon Polis Şöbəsində araşdırma aparılır.

Binəqədi rayonunun Binəqədi qəsəbəsi ərazisində yol-nəqliyyat hadisəsi

19.07.2022

İyulun 19-da saat 1 radələrində Binəqədi rayonunun Binəqədi qəsəbəsi ərazisində Bakı şəhər sakinləri R.Hüseynovun və Ü.Qəmbərovun idarə etdikləri “Toyota” markalı iki avtomobil toqquşub. Nəticədə R.Hüseynovun sərnişini, atası Əlhüseyn hadisə yerində ölüb, digər 2 sərnişini, habelə Ü.Qəmbərov və sərnişini xəstəxanaya yerləşdiriliblər. Binəqədi Rayon Polis İdarəsində araşdırma aparılır.

Gün ərzində qeydə alınan cinayətlərdən 35-nin açılması təmin olunub

18.07.2022

İyulun 18-də ölkə ərazisində qeydə alınan cinayətlərdən 35-nin, eləcə də əvvəlki dövrlərdən bağlı qalan cinayətlərdən 9-nun açılması daxili işlər orqanlarının əməkdaşları tərəfindən təmin olunub.  

Oğurluqda  şübhəli bilinən Bakı şəhər sakini E.Kərimli müəyyən edilərək saxlanılıb

18.07.2022

Bakı ŞBPİ-nin Cinayət Axtarışı İdarəsi və Yasamal RPİ 27-ci Polis Bölməsi  əməkdaşlarının keçirdikləri əməliyyat tədbirləri nəticəsində rayon ərazisində “Range Rover” markalı bir avtomobildən içərisində 920 manat olan çantanı oğurlamaqda  şübhəli bilinən Bakı şəhər sakini E.Kərimli müəyyən edilərək saxlanılıb. Araşdırma aparılır. 

Oğurluq etməkdə şübhəli bilinən Goranboy rayon sakini O.Əliyev və Ucar rayon sakini İ.Məmmədov müəyyən edilərək saxlanılıblar

18.07.2022

Binəqədi RPİ-nin 4-cü Polis Şöbəsinə iyulun 8-nə keçən gecə M.Ə.Rəsulzadə qəsəbəsi ərazisində yerləşən metal qəbulu məntəqələrinin birindən 1180 manat dəyərində metal və kameranın yaddaş qurğusunun oğurlanması barədə müraciət daxil olub. Polis əməkdaşlarının keçirdikləri əməliyyat tədbirləri nəticəsində oğurluğu törətməkdə şübhəli bilinən Goranboy rayon sakini O.Əliyev və Ucar rayon sakini İ.Məmmədov müəyyən edilərək saxlanılıblar. Araşdırma aparılır.

Oğurluqda şübhəli bilinən Gəncə şəhər sakini K.Əsgərov müəyyən edilərək saxlanılıb

18.07.2022

Gəncə ŞBPİ 3-cü Polis Şöbəsi əməkdaşlarının keçirdikləri əməliyyat tədbiri nəticəsində iyulun 18-nə keçən gecə şəhər ərazisində “Nissan” markalı bir avtomobildən sənəd və bank kartı, həmin bank hesabından isə 585 manat oğurlamaqda şübhəli bilinən şəhər sakini K.Əsgərov müəyyən edilərək saxlanılıb. Polis əməkdaşları tərəfindən onun həmin gecə “Hyundai” markalı digər avtomobildən də sənəd və bank kartı, həmin bank hesabından isə 255 manat oğurlaması da müəyyən olunub. Araşdırma aparılır.