Ağstafa rayonunun Köçəsgər kəndi ərazisində “Mercedes” və “VAZ-2106” markalı avtomobillər toqquşub

30.06.2023

İyunun 30-da saat 15 radələrində Ağstafa rayonunun Köçəsgər kəndi ərazisində Tovuz rayon sakinləri X.Məmmədovun idarə etdiyi “Mercedes” markalı və T.Tağıyevin idarə etdiyi “VAZ-2106” markalı avtomobillər toqquşub. Nəticədə “VAZ-2106” markalı avtomobildə olan sərnişinlərdən Səringül Abbasova hadisə yerində ölüb, S.Məmmədova xəstəxanaya yerləşdirilib. DİN Baş İstintaq və Təhqiqat İdarəsi tərəfindən araşdırma aparılır.

Qazax rayonunun Xanlıqlar kəndi ərazisində “Ford” və “Nissan” markalı avtomobillər toqquşub

30.06.2023

İyunun 30-da saat 21 radələrində Qazax rayonunun Xanlıqlar kəndi ərazisində Bala Çaylı kənd sakini Q.İbrahimlinin idarə etdiyi “Ford” markalı və Bakı şəhər sakini A.Nəzərovanın idarə etdiyi “Nissan” markalı avtomobillər toqquşub.Nəticədə “Nissan” markalı avtomobildə olan sərnişinlərdən Elnur Nəzərov hadisə yerində ölüb, sürücü və digər sərnişinləri Ömər, S.Vəliyeva və T.Hüseynov xəstəxanaya yerləşdiriliblər.Qazax Rayon Polis Şöbəsi tərəfindən araşdırma aparılır.

Zaqatala rayonunun Qandax kəndi ərazisində idarə etdiyi avtomobillər kənd sakini Ş.Şaripovanı vurmaqda şübhəli bilinən sürücü F.Cumaliyev saxlanılıb

30.06.2023

İyunun 30-da saat 20 radələrində Zaqatala rayonunun Qandax kəndi ərazisində müəyyən edilməmiş avtomobillə yolu keçən kənd sakini Şamama Şaripova vurulub.Xəstəxanaya yerləşdirilən piyada orada ölüb.Zaqatala Rayon Polis Şöbəsi əməkdaşları tərəfindən həyata keçirilən tədbirlərlə hadisəni törətməkdə şübhəli bilinən “VAZ-21074” markalı avtomobilin sürücüsü Qandax kənd sakini F.Cumaliyev müəyyən olunaraq saxlanılıb.Zaqatala Rayon Polis Şöbəsi tərəfindən araşdırma aparılır.

Mağazadan 1600 manat dəyərində qızıl-zinət əşyaları oğurlamaqda şübhəli bilinən Bakı şəhər sakini S.Rzayeva saxlanılıb

30.06.2023

İyunun 26-da saat 15 radələrində M.Cəfərov küçəsində yerləşən mağazaların birindən 1600 manat dəyərində qızıl-zinət əşyalarının oğurlanması barədə polis orqanına müraciət daxil olub.Nəsimi Rayon Polis İdarəsinin 19-cu Polis Şöbəsi əməkdaşlarının keçirdikləri əməliyyat tədbirləri nəticəsində əməli törətməkdə şübhəli bilinən Bakı şəhər sakini əvvəllər məhkum olunmuş S.Rzayeva müəyyən olunaraq saxlanılıb. Araşdırma aparılır.

Gəncə şəhər sakini E.Əliyevdən silah-sursat aşkar olunaraq götürülüb

30.06.2023

Gəncə Şəhər Baş Polis İdarəsinin 1-ci Polis Şöbəsi əməkdaşlarının əldə olunmuş məlumat əsasında keçirdikləri əməliyyat tədbirləri nəticəsində şəhər sakini əvvəllər məhkum olunmuş E.Əliyevdən “Makarov” markalı tapança, patron darağı və 6 ədəd patron aşkar olunaraq götürülüb. 

Neftçala rayonunun Yuxarı Qaramanlı kənd sakini N.Sayılovdan qanunsuz saxladığı ov tüfəngi aşkar olunaraq götürülüb

30.06.2023

Neftçala Rayon Polis Şöbəsi əməkdaşlarının əldə olunmuş məlumat əsasında keçirdikləri əməliyyat tədbirləri nəticəsində rayonun Yuxarı Qaramanlı kənd sakini N.Sayılovdan qanunsuz saxladığı “TOZ-16” markalı ov tüfəngi aşkar olunaraq götürülüb. 

Lənkəran şəhər sakini H.Rzayevdən 150 qram, yaşadığı evdən isə 3 kiloqramdan artıq marixuana aşkar olunaraq götürülüb

30.06.2023

Lənkəran Şəhər Rayon Polis Şöbəsi əməkdaşlarının keçirdikləri əməliyyat tədbirləri nəticəsində şəhər sakini əvvəllər məhkum olunmuş H.Rzayev saxlanılıb. Şəxsi axtarış zamanı 150 qram yaşadığı evə baxış zamanı isə 3 kiloqramdan artıq marixuana aşkar olunaraq götürülüb. Araşdırma aprılır. 

Son 10 gün ərzində “qara” bazarda dəyəri 13 milyon manat olan 243 kiloqram narkotik vasitə qanunsuz dövriyyədən çıxarılıb

30.06.2023

Daxili İşlər Nazirliyi Baş Narkotiklərlə Mübarizə İdarəsinin əməkdaşları tərəfindən son 10 gündə İrandan qaçaqmalçılıq yolu ilə ölkəyə narkotik vasitələr göndərən mütəşəkkil dəstənin Azərbaycandakı üzvlərinə, eləcə də daxildə narkotiklərin satışını təşkil edən şəxslərə qarşı Bakı, Sumqayıt, Lənkəran şəhərləri, Abşeron, Beyləqan rayonları, eləcə də digər bölgələrdə həyata keçirilən əməliyyatlar zamanı daha 31 nəfər saxlanılıb. Qanunsuz dövriyyədən ”qara” bazarda dəyəri 13 milyon manat olan 243 kiloqram narkotik vasitə - heroin, tiryək, həşiş, marixuana, psixotrop maddə metamfetamin, eləcə də  5300 ədəd metadon həbi çıxarılıb. Narkotik tərkibli çətənə bitkilərinin kultivasiyası ilə məşğul olan və qanunsuz olaraq odlu silah əldə edib saxlayan şəxslərə qarşı keçirilən əməliyyatlar zamanı isə 183 ədəd çətənə kolu, 2 ədəd odlu silah, 17 patron və 1 ədəd əl qumbarası aşkar edilib. Bu sahədə Baş Narkotiklərlə Mübarizə İdarəsinin əməkdaşlarının Sabunçu, eləcə də Abşeron rayonunda həyata keçirdikləri sonuncu əməliyyatlar zamanı paytaxt sakinləri Əşrəfağa Əlizadə və Azad Əmirov saxlanılıblar. Onlardan ümumilikdə 42 kiloqram, o cümlədən 19 kiloqram heroin, 13 kiloqram marixuana, 10 kiloqram psoxotrop maddə olan metamfetamin  aşkarlanıb.Habelə, qeyd olunan dövr ərzində DİN-in Baş Narkotiklərlə Mübarizə İdarəsinin Qərb Bölgəsində Regional Şöbəsi və Dövlət Sərhəd Xidməti əməkdaşlarının birgə keçirdikləri əməliyyat tədbiri nəticəsində Beyləqan rayonu ərazisində saxlanılan Bakı şəhər sakini Qorxmaz Hüseynovdan 102 kiloqram narkotik vasitə, o cümlədən 97 kiloqram marixuana, 5 kiloqram heroin, 1200 ədəd metadon həbi və 1 ədəd bank kartı aşkar olunaraq götürülüb.Baş Narkotiklərlə Mübarizə İdarəsinin Cənub Bölgəsində Regional Şöbəsinin əməkdaşları tərəfindən Lənkəran şəhərində keçirilən əməliyyat zamanı isə İrandan qanunsuz yollarla göndərilən narkotiklərin əsas tədarükçilərindən biri olan əvvəllər məhkum olunmuş Qədir Cəfərov saxlanılıb. Onun üzərindən və idarə etdiyi avtomobildən 54 kiloqram narkotik vasitə, o cümlədən 11 kiloqram heroin, tərkibi psixotrop maddələrlə zənginləşdirilmiş 41 kiloqram marixuana, 2 kiloqram həşiş qətranı və 3000 ədəd metadon həbi aşkar edilib.Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, saxlanılan şəxslər barəsində həbs qətimkan tədbiri seçilib. Milli genefondumuza mənfi təsir göstərən narkotiklərə qarşı Daxili İşlər Nazirliyi tərəfindən qətiyyətli mübarizə tədbirləri davam etdirilir. 

Gün ərzində ölkə ərazisində qeydə alınan 33 cinayətin açılması təmin olunub

29.06.2023

İyunun 29-da ölkə ərazisində qeydə alınan 33, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Sumqayıt şəhərinin Qurd dərəsi bağlar sahəsində bir avtomobilin sürücüsünə qarşı quldurluq törətməkdə şübhəli bilinən Bakı şəhər sakini Ş.İsgəndərov saxlanılıb

29.06.2023

İyunun 29-da Sumqayıt şəhəri Qurd dərəsi bağlar sahəsində “Khazar” markalı avtomobildə sərnişinin sürücünü bıçaqla hədələyərək 300 manatını talaması barədə polisə məlumat daxil olub. Sumqayıt ŞPİ 1-ci Polis Bölməsi əməkdaşlarının keçirdikləri əməliyyat tədbiri nəticəsində quldurluq əməlini törətməkdə şübhəli bilinən Bakı şəhər sakini, əvvəllər məhkum olunmuş Ş.İsgəndərov müəyyən olunaraq saxlanılıb.Sumqayıt Şəhər Polis İdarəsində araşdırma aparılır.