Sabirabad rayon sakini M.Qasımovun evinin həyətindən marixuana və qanunsuz saxladığı ov tüfəngi aşkar edilərək götürülüb

28.09.2022

Sabirabad RPŞ əməkdaşlarının keçirdikləri əməliyyat tədbiri nəticəsində M.Qasımovun yaşadığı Cavad kəndindəki evin həyətinə baxış zamanı oradan 785 qramdan artıq marixuana və qanunsuz saxladığı “Magnum 901 G” markalı ov tüfəngi aşkar edilərək götürülüb.

Şamaxı şəhər sakini E.Mayılovun avtomobilini oğurlamaqda şübhəli bilinən şəxslər saxlanılıblar

28.09.2022

Şamaxı Rayon Polis Şöbəsinə sentyabrın 28-nə keçən gecə şəhər sakini E.Mayılovun “VAZ-2106” markalı avtomobilinin oğurlanması barədə müraciət daxil olub. Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən şəhər sakinləri N.Abdullayev və Ü.Vahidov müəyyən edilərək saxlanılıblar.Araşdırma aparılır.

Xətai rayonunda qadının 3200 manatlıq qızıl boyunbağısını soyğunçuluq edərək alan şəxs saxlanılıb

28.09.2022

Paytaxtın Xətai rayonunda qadına qarşı soyğunçuluq edilib. Xətai Rayon Polis İdarəsinə müraciət edən paytaxt sakini olan zərərçəkən yaşadığı evin qarşısından keçən zaman tanımadığı şəxsin ona yaxınlaşdığını və boynundan 3200 manat dəyərindəki qızıl boyunbağını dartıb qaçaraq hadisə yerindən uzaqlaşdığını bildirib. Polis əməkdaşları tərəfindən həyata keçirilən əməliyyat-axtarış tədbiri nəticəsində hadisəni törətməkdə şübhəli bilinən Nahid Heydərov saxlanılaraq istintaqa təqdim edilib. O, ifadəsində törətdiyi hadisəni etiraf edib və boyunbağını satdığını bildirib.Faktla bağlı Nahid Heydərov barəsində toplanan materiallar Xətai RPİ-nin İstintaq Şöbəsinə göndərilib. Bu şəxsin qanunsuz əməllərindən zərərçəkən başqa vətəndaşlar varsa  ərazi polis orqanlarına, "102" Xidməti-Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.

Xəzər rayonu Şüvəlan qəsəbəsində narkotik vasitələrin satışı ilə məşğul olan 4 nəfər saxlanılıb

28.09.2022

Xəzər Rayon Polis İdarəsinin Narkotiklərlə Mübarizə Bölməsinin əməkdaşlarının həyata keçirdikləri əməliyyatlar zamanı Şüvəlan qəsəbəsində narkotik maddələrin satışı ilə məşğul olan şəxslər saxlanılıblar. Əməliyyatlar nəticəsində qəsəbə ərazisində yaşayan İntiqam Şeydayev, Araz Rzayev qardaşı Ceyhun Rzayev və Rəşad Bağırov tutularaq istintaqa təqdim ediliblər. Həmin şəxslərin üzərinə və yaşadığı evlərə baxış zamanı 4 kiloqrama yaxın heroin aşkar edilib. Saxlanılanlar narkotik vasitələri sosial şəbəkələrdə tanış olduqları xarici ölkələrdən birində yaşayan narkotacirlərdən onlayn yolla satmaq məqsədi ilə əldə etdiklərini bildiriblər. Faktlarla bağlı Cinayət Məcəlləsinin müvafiq maddələri ilə cinayət işləri başlanılıb, istintaq hərəkətləri davam etdirilir. Xəzər  rayonu ərazisində narkotik vasitələrin qanunsuz dövriyyəsi ilə məşğul olan şəxslərin ifşa edilməsi istiqamətində polis əməkdaşları tərəfindən əməliyyat tədbirləri davam etdirilir.

Gün ərzində ölkə ərazisində qeydə alınan 51 cinayətin açılması təmin olunub

27.09.2022

Sentyabrın  27-də ölkə ərazisində qeydə alınan 51, əvvəlki dövrlərdən bağlı qalan 7 cinayətin açılması daxili işlər orqanlarının əməkdaşları tərəfindən təmin olunub.

Suraxanı rayonunun Hövsan qəsəbəsində qəsəbə sakini Ə.Qədəşovu münaqişə zəminində qəsdən öldürməkdə şübhəli bilinən S.Zülalov tutularaq istintaqa təhvil verilib

27.09.2022

Suraxanı RPİ-nin 30-cu Polis Şöbəsinə  sentyabrın 27-də saat 5 radələrində Hövsan qəsəbəsində qəsəbə sakini Əfqan Qədəşovun öldürülməsi barədə məlumat daxil olub.Rayonun polis və prokurorluq orqanlarının əməkdaşları tərəfindən müvafiq tədbirlər həyata keçirilib. Araşdırmalarla qəsəbə sakini S.Zülalovun münaqişə zəminində Ə.Qədəşova bıçaqla xəsarət yetirərək qəsdən öldürməsinə əsaslı şübhələr müəyyən edilib.Polis əməkdaşlarının keçirdikləri əməliyyat-axtarış tədbirləri nəticəsində S.Zülalov şübhəli şəxs qismində tutularaq istintaqa təhvil verilib.Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanılıb.

Bir neçə vətəndaşın mobil telefonlarını oğurlamaqda şübhəli bilinən Bakı şəhər sakini M.Mirzəyev saxlanılıb

27.09.2022

Metropolitendə Polis Şöbəsinə Lerik rayon sakini L.Şabanlının, Göyçay rayon sakini A.Yəhyalının ciblərindən mobil telefonlarının oğurlanması, Şəki rayon sakini E.Əhmədlinin isə mobil telefonununun  soyğunçuluq yolu ilə talanması barədə müraciətlər daxil olub. Polis əməkdaşlarının keçirdikləri əməliyyat-axtarış tədbirləri nəticəsində oğurluqları və soyğunçuluğu törətməkdə şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş M.Mirzəyev müəyyən olunaraq saxlanılıb. Araşdırma aparılır.

Yasamal rayonunun H.Cavid prospektində yerləşən bir gözəllik salonundan cüzdan və bir mağazadan pul oğurlamaqda şübhəli bilinən S.Ağayeva saxlanılıb

27.09.2022

Yasamal RPİ 28-ci Polis Bölməsi əməkdaşlarının keçirdikləri əməliyyat tədbiri nəticəsində H.Cavid prospektində yerləşən bir gözəllik salonundan içərisində 470 manat olan cüzdan və bir  mağazadan 110 manat pul oğurlamaqda şübhəli bilinən Bakı şəhər sakini, əvvəllər də oğurluğa görə məhkum olunmuş S.Ağayeva müəyyən olunaraq saxlanılıb. Araşdırma aparılır.

Suraxanı rayonunun Qaraçuxur qəsəbəsi ərazisində 17 evin su sayğaclarını oğurlamaqda şübhəli bilinən R.Hümbətov saxlanılıb

27.09.2022

Suraxanı RPİ 32-ci Polis Bölməsi əməkdaşlarının keçirdikləri əməliyyat tədbiri nəticəsində müxtəlif vaxtlarda Qaraçuxur qəsəbəsi ərazisində 17 evin su sayğaclarını oğurlamaqda şübhəli bilinən Bakı şəhər sakini, əvvəllər narkotiklərlə əlaqəli cinayətə görə məhkum olunmuş R.Hümbətov saxlanılıb. Araşdırma aparılır. 

Abşeron rayonunun Fatmayı kəndindəki evlərin birindən qızıl-zinət əşyalarını oğurlamaqda şübhəli bilinən C.Əliyarov saxlanılıb

27.09.2022

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Fatmayı kəndindəki evlərin birindən 35.000 manat dəyərində qızıl-zinət əşyalarını oğurlamaqda şübhəli bilinən kənd sakini C.Əliyarov müəyyən olunaraq saxlanılıb. Araşdırma aparılır.