Sumqayıt şəhər sakini Nadir Rzayevi qətlə yetirməkdə şübhəli bilinən S.Abbasov tutularaq istintaqa təhvil verilib

03.10.2022

Sumqayıt ŞPİ-nin 1-ci Polis Bölməsinə cari il avqustun 14-də 81 yaşlı Nadir Rzayevin Sumqayıt şəhərində yaşadığı evdən çıxaraq bir daha geri qayıtmaması barədə müraciət daxil olub.Polis əməkdaşları tərəfindən onun yerinin müəyyən olunub tapılması istiqamətində zəruri əməliyyat-axtarış tədbirlərinə başlanılıb. Oktyabrın 3-də saat 19 radələrində N.Rzayevin üzərində zorakılıq əlamətləri olan meyitinin evinin həyətində basdırılmış vəziyyətdə tapılması ilə əlaqədar şəhərin polis və prokurorluq orqanlarının əməkdaşları tərəfindən müvafiq tədbirlər həyata keçirilib. İstintaq-əməliyyat tədbirləri ilə Sumqayıt şəhər sakini, əvvəllər məhkum olunmuş S.Abbasovun N.Rzayevi qəsdən öldürməsinə əsaslı şübhələr müəyyən olunub.  S.Abbasov polis əməkdaşları tərəfindən tutularaq istintaqa təhvil verilib. Faktla əlaqədar Cinayət Məcəlləsinin 120-ci (qəsdən adam öldürmə) maddəsi ilə cinayət işi başlanılıb.

Hacıqabul rayon sakini A.Şahsuvarovanın avtomobili sürücülük hüququ olmadan idarə etməsi müəyyən edildiyindən barəsində protokol tərtib olunub

03.10.2022

Baş Dövlət Yol Polisi İdarəsinin əməkdaşları tərəfindən oktyabrın 2-də saat 18 radələrində Ələt-Astara yolunda yerləşən postda “Mercedes” markalı avtomobil nəzarət qaydasında saxlanılıb. Sürücü, Hacıqabul rayon sakini A.Şahsuvarovanın avtomobili sürücülük hüququ olmadan idarə etməsi müəyyən edildiyindən barəsində protokol tərtib olunub.Avtomobildəki sərnişinlər – S.İdayətzadə və T.Paşayev özlərini şübhəli apardıqlarından saxlanılaraq Salyan Rayon Polis Şöbəsinə təhvil veriliblər. Şəxsi axtarış zamanı onlardan metamfetamin aşkar olunaraq götürülüb. 

Oğurluqda şübhəli bilinən Bakı şəhər sakini V.Mahmudov saxlanılıb

03.10.2022

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki evlərin birindən 370 manat pul və 1220 manat dəyərində qızıl boyunbağı oğurlamaqda şübhəli bilinən Bakı şəhər sakini V.Mahmudov saxlanılıb. Araşdırma aparılır. 

İçərisində pul və sənədlər olan cüzdan oğurlamaqda şübhəli bilinən İmişli rayon sakini Ş.Əliyev saxlanılıb

03.10.2022

Binəqədi RPİ 40-cı Polis Bölməsi əməkdaşlarının keçirdikləri əməliyyat tədbiri nəticəsində rayon ərazisində bir avtomobildən içərisində pul və sənədlər olan cüzdan oğurlamaqda şübhəli bilinən İmişli rayon sakini Ş.Əliyev saxlanılıb. Araşdırma aparılır. 

Oğurluqda şübhəli bilinən Bakı şəhər sakini S.Ağayeva müəyyən olunaraq saxlanılıb

03.10.2022

Qaradağ RPİ 10-cu Polis Bölməsi əməkdaşlarının keçirdikləri əməliyyat tədbiri nəticəsində Lökbatan qəsəbəsi ərazisində bir mağazadan 583 manat pul, digər mağazadan isə satıcının içərisində 1124 manatı olan cüzdanını oğurlamaqda şübhəli bilinən Bakı şəhər sakini S.Ağayeva müəyyən olunaraq saxlanılıb. Araşdırma aparılır. 

İçərisində 1300 manat olan cüzdanını oğurlamaqda şübhəli bilinən paytaxt sakini M.Cəfərov müəyyən olunaraq saxlanılıb

03.10.2022

Xətai RPİ 34-cu Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki marketlərin birində Bakı şəhər sakini olan bir qadının içərisində 1300 manat olan cüzdanını oğurlamaqda şübhəli bilinən paytaxt sakini M.Cəfərov müəyyən olunaraq saxlanılıb. Araşdırma aparılır. 

Oğurluqda şübhəli bilinən Sumqayıt şəhər sakini K.Əliyev müəyyən olunaraq saxlanılıb

03.10.2022

Abşeron Rayon Polis İdarəsi əməkdaşlarının keçirdikləri əməliyyat tədbiri nəticəsində Xırdalan şəhəri ərazisində “Mercedes” markalı bir avtomobildən 70 manat və 400 ABŞ dolları, “Opel” markalı digər avtomobildən isə 1935 manat dəyərində 202 ədəd eynək oğurlamaqda şübhəli bilinən Sumqayıt şəhər sakini, əvvəllər məhkum olunmuş K.Əliyev müəyyən olunaraq saxlanılıb. Araşdırma aparılır.

Soyğunçuluq yolu ilə talamaqda şübhəli bilinən Ağdaş rayon sakini C.Məmmədov saxlanılıb

03.10.2022

Göyçay Rayon Polis Şöbəsi əməkdaşlarının keçirdikləri əməliyyat tədbiri nəticəsində rayon ərazisindəki marketlərin birində kassadan 500 manat pulu soyğunçuluq yolu ilə talamaqda şübhəli bilinən Ağdaş rayon sakini C.Məmmədov saxlanılıb. Araşdırma aparılır. 

İmişli şəhəri ərazisində yol-nəqliyyat hadisəsi

03.10.2022

Oktyabrın 3-də saat 21 radələrində İmişli şəhəri ərazisində rayon sakini C.Həsənov idarə etdiyi “VAZ-21011” markalı avtomobillə yolu keçən həmyerlisi Reyhan Abbasovanı vurub. Xəstəxanaya yerləşdirilən piyada orada ölüb.  İmişli Rayon Polis Şöbəsində araşdırma aparılır. 

Gün ərzində ölkə ərazisində qeydə alınan 33 cinayətin açılması təmin olunub

02.10.2022

Oktyabrın  2-də ölkə ərazisində qeydə alınan 33, əvvəlki dövrlərdən bağlı qalan 3 cinayətin açılması daxili işlər orqanlarının əməkdaşları tərəfindən təmin olunub.