Lökbatan qəsəbəsi ərazisindəki müxtəlif avtomobillərdən oğurluq etməkdə şübhəli bilinən Kürdəmir rayon sakini saxlanılıb

20.07.2023

Qaradağ RPİ 10-cu Polis Şöbəsi əməkdaşlarının keçirdikləri əməliyyat tədbiri nəticəsində müxtəlif vaxtlarda Lökbatan qəsəbəsi ərazisində “Range Rover” markalı avtomobildən mobil telefon, “VAZ-21015” markalı avtomobildən 300 ABŞ dolları, “VAZ-2104 markalı digər avtomobildən isə 400 manat oğurlamaqda şübhəli bilinən Kürdəmir rayon sakini, əvvəllər də oğurluğa görə məhkum olunmuş M.Məmmədov müəyyən olunaraq saxlanılıb. Araşdırma aparılı

Binə qəsəbəsi ərazisindəki bir marketin seyfindən pul oğurlamaqda şübhəli bilinən şəxs müəyyən olunaraq saxlanılıb

20.07.2023

Xəzər RPİ 3-cü Polis Şöbəsi əməkdaşlarının keçirdikləri əməliyyat tədbiri nəticəsində iyulun 18-nə keçən gecə Binə qəsəbəsi ərazisindəki bir marketin seyfindən 732 manat pul oğurlamaqda şübhəli bilinən digər şəxs – V.Məmmədov da müəyyən olunaraq saxlanılıb. Araşdırma aparılır.

Yasamal rayonu M.Xiyabani küçəsindəki bir gözəllik salonundan və M.Həmidov küçəsində yerləşən bir sexdən oğurluq etməkdə şübhəli bilinən Yevlax rayon sakini saxlanılıb

20.07.2023

Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində müxtəlif vaxtlarda M.Xiyabani küçəsindəki bir gözəllik salonundan kosmetika ləvazimatları, M.Həmidov küçəsində yerləşən bir sexdəki saxlanc yerindən isə 2950 manat pul oğurlamaqda şübhəli bilinən Yevlax rayon sakini, əvvəllər məhkum olunmuş bir yeniyetmə müəyyən olunaraq saxlanılıb. Araşdırma aparılır.

Sumqayıt şəhər sakini saxlanılıb və ondan marixuana,elektron tərəzi götürülüb

20.07.2023

Sumqayıt Şəhər Polis İdarəsi əməkdaşlarının keçirdikləri əməliyyat tədbiri nəticəsində şəhər sakini, əvvəllər məhkum olunmuş M.Musayev saxlanılıb. Şəxsi axtarış zamanı ondan 10 qrama yaxın marixuana aşkar olunub. Davam etdirilən tədbirlərlə onun evinə baxış zamanı oradan əlavə 111 qrama yaxın marixuana və elektron tərəzi götürülüb.

Babək Rayon Araz kəndi ərazisində yerləşən bir mühərrik yağı sexindən oğurluq etməkdə şübhəli bilinən Babək şəhər sakini və Kəngərli rayon sakinləri saxlanılıblar

20.07.2023

Babək Rayon Polis İdarəsi əməkdaşlarının keçirdikləri əməliyyat tədbiri nəticəsində iyulun 18-də Araz kəndi ərazisində yerləşən bir mühərrik yağı sexindən 129 ədəd metal boçka, 2 ədəd su çəni, 2 ədəd pəncərə, 1 ədəd qapı, 2 ədəd sərinkeş və 30 ədəd plastik borunu oğurlamaqda şübhəli bilinən Babək şəhər sakini M.Alcəfərov, Kəngərli rayon sakinləri A.Həsənov və T.Tağıyev müəyyən olunaraq saxlanılıblar. Araşdırma aparılır.

Ağdaş Rayon Qaradeyin kənd sakinindən marixuana aşkar olunaraq götürülüb

20.07.2023

Ağdaş Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Qaradeyin kənd sakini M.Əzizovdan 4 qrama yaxın marixuana aşkar olunub. Onun idarə etdiyi “VAZ-2106” markalı avtomobilinə baxış zamanı isə 445 qram marixuana götürülüb. Araşdırma aparılır.

Gün ərzində ölkə ərazisində qeydə alınan 60 cinayətin açılması təmin olunub

20.07.2023

İyulun 20-də ölkə ərazisində qeydə alınan 60, əvvəlki dövrlərdən bağlı qalan 6 cinayətin açılması daxili işlər orqanlarının əməkdaşları tərəfindən təmin olunub.

Sumqayıtda “Yaşıl dərə” yaşayış massivi, eləcə də Samur-Abşeron su kanalında ətraf mühiti çirkləndirən 15 fiziki və vəzifəli şəxs cərimə edilib

20.07.2023

Sanitariya-gigiyena qaydalarının pozulması hallarının qarşısının alınması, ətraf mühitin mühafizəsinin təmini məqsədilə Sumqayıt Şəhər Polis İdarəsinin 5-ci Polis Bölməsinin əməkdaşları tərəfindən tədbir keçirilib. Tədbiri zamanı şəhərin “Yaşıl dərə” yaşayış massivində sənaye və məişət tullantılarının qalaqlanması, eləcə də yandırılması zamanı ətraf mühitin mühafizəsi tələblərinə əməl edilməməsi faktları polis əməkdaşları tərəfindən aşkar olunub. Həmçinin, Samur-Abşeron su kanalını məişət tullantıları və çirkab suları ilə çirkləndirən şəxslər də inzibati məsuliyyətə cəlb ediliblər. Sumqayıt şəhərinin qeyd edilən ərazisində keçirilən tədbir zamanı ümumilikdə 15 fiziki və vəzifəli şəxs İnzibati Xətalar Məcəlləsinin 271-ci ( sənaye və məişət tullantılarının qalaqlanması və yandırılması zamanı ətraf mühitin mühafizəsi tələblərinə əməl edilməməsi), 244-cü (torpaqların zibillənməsi və korlanması), 266.3-cü (məişət tullantılarının tutumlardan (urnalardan) kənar yerlərə atılması) və 266.4-cü (tutumların (urnaların) yerləşdirilməsi zamanı məsafənin nəzərə alınmaması) maddələrinin tələblərinə uğun olaraq cərimə edilib.Qeyd edək ki, sənaye və məişət tullantılarının qalaqlanması, məişət tullantılarının tutumlardan (urnalardan) kənar yerlərə atılması hallarına qarşı polis əməkdaşları tərəfindən son günlər respublikanın hər bir bölgəsində bu cür tədbirlər keçirilir. Bildirmək istəyirik ki, bu iş mövsümi və kompaniya xarakteri daşımır. Sadalanan neqativ halların qarşının alınması və ölkəmizdə mövcüd olan ekoloji təhlükəsizlik mühitinin qorunması məqsədi ilə polis əməkdaşları tərəfindən mütəmadi olaraq davam etdiriləcəkdir.

Quba rayonunda yaşayan yataq xəstəsi olan qadının qızıl sırğa və üzüyünün soyğunçuluq yolu ilə talanmaqda şübhəli bilinən Nügədi kənd sakini saxlanılıb

20.07.2023

İyulun 18-də Quba rayonunda yaşayan yataq xəstəsi olan 67 yaşlı qadının qızıl sırğa və üzüyünün soyğunçuluq yolu ilə talanması barədə polisə məlumat daxil olub.Quba Rayon Polis Şöbəsi əməkdaşlarının keçirdikləri əməliyyat tədbiri nəticəsində soyğunçuluq əməlini törətməkdə şübhəli bilinən 2-ci Nügədi kənd sakini, əvvəllər məhkum olunmuş Ə.Məstanov müəyyən olunaraq saxlanılıb. Araşdırma aparılır.

Yasamal rayonu M.Xiyabani küçəsində yerləşən marketlərin birində işçini kəsici alətlə hədələyərək oradan ətriyyat məhsulları talamaqda şübhəli bilinən Bakı şəhər sakinləri saxlanılıblar

20.07.2023

Yasamal RPİ 29-cu Polis Şöbəsi əməkdaşlarının keçirdikləri əməliyyat tədbiri nəticəsində iyulun 20-də saat 18 radələrində M.Xiyabani küçəsində yerləşən marketlərin birində işçini kəsici alətlə hədələyərək quldurluq yolu ilə oradan ətriyyat məhsulları talamaqda şübhəli bilinən Bakı şəhər sakinləri R.Əzimzadə, əvvəllər oğurluq və narkotiklərlə əlaqəli cinayətlərə görə məhkum olunmuşlar A.İmamquliyev və İ.Mehrabov saxlanılıblar.Yasamal Rayon Polis İdarəsində araşdırma aparılır.