Bakı şəhər sakini E.Mehdiyevə məxsus “Niva” markalı avtomobili qaçırmaqda şübhəli bilinən M.Məmmədov avtomobillə birgə saxlanılıb

31.10.2022

Nizami RPİ 24-cü Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 28-də R.Rüstəmov küçəsindən Bakı şəhər sakini E.Mehdiyevə məxsus “Niva” markalı avtomobili qaçırmaqda şübhəli bilinən paytaxt sakini M.Məmmədov oktyabrın 28-də H.Əliyev prospektində avtomobillə birgə saxlanılıb.Araşdırma aparılır.

Suraxanı rayonu ərazisindəki mağazaların birindən pul və tütün məmulatı oğurlamaqda şübhəli bilinən M.Bukavadze saxlanılıb

31.10.2022

Suraxanı RPİ 33-cü Polis Bölməsi əməkdaşlarının keçirdikləri əməliyyat-axtarış  tədbirləri nəticəsində oktyabrın 30-da rayon ərazisindəki mağazaların birindən 150 manat pul və 2850 manat dəyərində tütün məmulatı oğurlamaqda şübhəli bilinən Qazax rayon sakini M.Bukavadze saxlanılıb.Araşdırma aparılır.

Sumqayıt şəhəri ərazisindəki marketlərin birindən spirtli və sərinləşdirici içkilər oğurlamaqda şübhəli bilinən E.Əzizli saxlanılıb

31.10.2022

Sumqayıt ŞPİ 5-ci Polis Bölməsi əməkdaşlarının keçirdikləri əməliyyat-axtarış  tədbirləri nəticəsində oktyabrın 10-da şəhər ərazisindəki marketlərin birindən 700 manat dəyərində spirtli  və sərinləşdirici içkilər oğurlamaqda şübhəli bilinən Sumqayıt sakini E.Əzizli saxlanılıb.Araşdırma aparılır.

Şamaxı şəhəri ərazisindəki bazarda rayon sakini N.Kərimovun cibindən pul oğurlamaqda şübhəli bilinən F.Feyzullayev saxlanılıb

31.10.2022

Şamaxı Rayon Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 29-da şəhər ərazisindəki bazarda rayon sakini N.Kərimovun cibindən 3400 manat oğurlamaqda şübhəli bilinən şəhər sakini, əvvəllər məhkum olunmuş F.Feyzullayev saxlanılıb.Araşdırma aparılır.

Masallı rayonu ərazisindəki evlərin birindən pul oğurlamaqda şübhəli bilinən Ə.Quliyev saxlanılıb

31.10.2022

Masallı Rayon Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 28-də rayon ərazisindəki evlərin birindən 3000 manat oğurlamaqda şübhəli bilinən ev sahibinin qohumu, şəhər sakini Ə.Quliyev saxlanılıb.Araşdırma aparılır.

Bərdə şəhər sakini R.Rüstəmova məxsus avtomobili qaçırmaqda şübhəli bilinən şəxslər saxlanılıblar

31.10.2022

Bərdə Rayon Polis Şöbəsi əməkdaşlarının keçirdikləri əməliyyat-axtarış  tədbirləri nəticəsində oktyabrın 29-da Türkmən kəndi ərazisindən şəhər sakini R.Rüstəmova məxsus “VAZ-2107” markalı avtomobili qaçırmaqda şübhəli bilinən şəhər sakinləri S.Süleymanov və əvvəllər məhkum olunmuş B.Məmmədov saxlanılıblar. Avtomobil Ərəblər kəndi ərazisində tapılıb.

Astara rayonunun Səncərədi kənd sakini S.Haqverdiyevdən qanunsuz saxladığı ov tüfəngi götürülüb

31.10.2022

Astara RPŞ əməkdaşlarının keçirdikləri əməliyyat tədbiri nəticəsində Səncərədi kənd sakini S.Haqverdiyevdən qanunsuz saxladığı “Tula” markalı ov tüfəngi götürülüb.

Gün ərzində ölkə ərazisində qeydə alınan 37 cinayətin açılması təmin olunub

30.10.2022

Oktyabrın 30-da ölkə ərazisində qeydə alınan 37, əvvəlki dövrlərdən bağlı qalan 5 cinayətin açılması daxili işlər orqanlarının əməkdaşları tərəfindən təmin olunub.   

Biləsuvar rayonunun Xırmandalı kəndi ərazisində yol-nəqliyyat hadisəsi

30.10.2022

Oktyabrın 30-da saat 7 radələrində Biləsuvar rayonunun Xırmandalı kəndi ərazisində Sabirabad rayon sakini E.Əlizadənin idarə etdiyi “Mercedes” markalı mikroavtobusla Sumqayıt şəhər sakini Şahin Fətullayevin idarə etdiyi “BMW” markalı avtomobil toqquşub. Nəticədə Ş.Fətullayev və sərnişinlərindən Bəymirzə Mərdanov hadisə yerində ölüb, digər sürücü və 3 sərnişini xəstəxanaya yerləşdirilib.Baş İstintaq və Təhqiqat İdarəsi tərəfindən araşdırma aparılır.

Abşeron rayonunun Mehdiabad qəsəbəsi ərazisində yol-nəqliyyat hadisəsi

30.10.2022

Oktyabrın 30-da saat 22 radələrində Abşeron rayonunun Mehdiabad qəsəbəsi ərazisində Fatmayı kənd sakini S.Orucov idarə etdiyi “Nissan” markalı avtomobillə yolu keçən piyadanı vurub və nəticədə o, hadisə yerində ölüb.Abşeron Rayon Polis İdarəsində araşdırma aparılır.