Soyğunçuluq etməkdə şübhəli bilinən paytaxt sakini Elgün Balakişiyev müəyyən olunaraq saxlanılıb

02.10.2022

Sabunçu RPİ-nin 13-cü Polis Bölməsinə oktyabrın 2-də saat 5 radələrində Bakıxanov qəsəbəsi ərazisində Bakı şəhər sakini C.Səfərovun idarə etdiyi “Toyota” markalı avtomobildə sərnişinin ona zor tətbiq edərək içərisində 50 manat, 100 rubl və sənədləri olan cüzdanını talaması barədə müraciət daxil olub.Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən paytaxt sakini Elgün Balakişiyev müəyyən olunaraq saxlanılıb. Sabunçu Rayon Polis İdarəsində araşdırma aparılır. 

8400 manat pulun oğurlamaqda şübhəli bilinən İsmayıllı rayon sakini R.Teymurov saxlanılıb

02.10.2022

Sabunçu RPİ-nin 13-cü Polis Bölməsinə Bakıxanov qəsəbəsi ərazisində İsmayıllı rayon sakini R.Teymurova məxsus “Toyota” markalı avtomobildən tanışına məxsus 8400 manat pulun oğurlanması barədə müraciət daxil olub. Polis əməkdaşlarının keçirdikləri əməliyyat tədbirləri nəticəsində oğurluğun həmin avtomobilin sahibi R.Teymurov tərəfindən törədilməsinə əsaslı şübhələr müəyyən edilib və o, saxlanılıb. Araşdırma aparılır. 

Quba rayonunun Xucbala kəndi ərazisində yol-nəqliyyat hadisəsi

02.10.2022

Oktyabrın 2-də saat 17 radələrində Quba rayonunun Xucbala kəndi ərazisində rayon sakini E.Vəliyev idarə etdiyi “Chevrolet” markalı avtomobillə yolu keçən kənd sakini Zülfüqar Məmmədovu vurub və nəticədə piyada hadisə yerində ölüb.Quba Rayon Polis Şöbəsində araşdırma aparılır. 

Gün ərzində ölkə ərazisində qeydə alınan 47 cinayətin açılması təmin olunub

01.10.2022

Oktyabrın 1-də ölkə ərazisində qeydə alınan 47, əvvəlki dövrlərdən bağlı qalan 8 cinayətin açılması daxili işlər orqanlarının əməkdaşları tərəfindən təmin olunub.   

Yevlax rayonunun Aşağı Qarxun kəndi ərazisində yol-nəqliyyat hadisəsi

01.10.2022

Oktyabrın 1-də saat 21 radələrində Yevlax rayonunun Aşağı Qarxun kəndi ərazisində velosiped sürən kənd sakini Rəşad Hüseynov müəyyən edilməyən avtomobillə vurulub və o, hadisə yerində ölüb. Baş İstintaq və Təhqiqat İdarəsi tərəfindən əməliyyat-axtarış tədbirləri aparılır.

Oğurluq etməkdə şübhəli bilinən Bakı şəhər sakini N.Quliyev müəyyən olunaraq saxlanılıb

01.10.2022

Suraxanı RPİ-nin 30-cu Polis Şöbəsinə Hövsan qəsəbəsindəki evlərin birindən 5000 manat dəyərində qızıl-zinət əşyalarının oğurlanması barədə müraciət daxil olub.  Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini N.Quliyev müəyyən olunaraq saxlanılıb.Araşdırma aparılır. 

Nəqliyyat vasitəsini qaçırmaqda şübhəli bilinən Bakı şəhər sakini Z.İsmayılov saxlanılıb

01.10.2022

Xətai RPİ-nin 36-cı Polis Bölməsinə Bakı şəhər sakini C.Məmmədbəyovun “VAZ-2107” markalı avtomobilinin M.Hadi küçəsindən qaçırılması barədə müraciət daxil olub. Polis əməkdaşlarının keçirdikləri əməliyyat-axtarış tədbirləri nəticəsində həmin avtomobil Buzovna qəsəbəsi ərazisində tapılıb. Nəqliyyat vasitəsini qaçırmaqda şübhəli bilinən Bakı şəhər sakini, əvvəllər məhkum olunmuş Z.İsmayılov saxlanılıb. Araşdırma aparılır. 

Mingəçevir şəhər sakini F.Qasımovdan 432 qramdan artıq marixuana aşkar olunaraq götürülüb

01.10.2022

Mingəçevir ŞPŞ əməkdaşlarının keçirdikləri əməliyyat tədbiri nəticəsində saxlanılan şəhər sakini, əvvəllər məhkum olunmuş F.Qasımovdan 432 qramdan artıq marixuana aşkar olunaraq götürülüb. 

Beyləqan rayonunun Qaradağlı kəndi ərazisində yol-nəqliyyat hadisəsi

01.10.2022

Oktyabrın 1-də saat 19 radələrində Beyləqan rayonunun Qaradağlı kəndi ərazisində rayon sakini Müşfiq Vəliyev idarə etdiyi “Mercedes” markalı avtomobili yolun kənarındakı elektrik dirəyinə vurub. Nəticədə sürücü hadisə yerində, sərnişini Kamal Mehdiyev isə xəstəxanada ölüblər.Beyləqan Rayon Polis Şöbəsində araşdırma aparılır. 

Goranboy rayonunun Xanqərvənd kəndi ərazisində yol-nəqliyyat hadisəsi

01.10.2022

Oktyabrın 1-də saat 19 radələrində Goranboy rayonunun Xanqərvənd kəndi ərazisində Bərdə rayon sakini Z.Hüseynovun idarə etdiyi “VAZ-2104” və Tərtər rayon sakini F.Novruzovun idarə etdiyi “VAZ-21015” markalı avtomobillər toqquşub. Nəticədə F.Novruzovun sərnişini Fərrux Orucov hadisə yerində ölüb, hər iki sürücü və bir sərnişin xəstəxanaya yerləşdiriliblər. Goranboy Rayon Polis Şöbəsində araşdırma aparılır.