Qanunsuz saxlanılan silah-sursatla bağlı tədbirlər davam etdirilir 

26.01.2023

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 26-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 10 ədəd ov tüfəngi götürülüb.  Faktlar üzrə polis şöbələrində müvafiq araşdırmalar aparılır. 

Tovuz rayon sakini A.Məmmədovdan 480 qram marixuana götürülüb

26.01.2023

Nəqliyyatda Baş Polis İdarəsi əməkdaşlarının keçirdikləri əməliyyat tədbiri nəticəsində Tovuz dəmiryolu stansiyasının ərazisində rayon sakini, əvvəllər məhkum olunmuş A.Məmmədov saxlanılıb. Şəxsi axtarış zamanı ondan 480 qram marixuana götürülüb.

Axtarışda olan Salyan rayon sakini Y.Məmmədov saxlanılıb

26.01.2023

Binəqədi RPİ 4-cü Polis Şöbəsi əməkdaşlarının daxil olan məlumatlar əsasında keçirdikləri əməliyyat tədbiri nəticəsində Binəqədi qəsəbəsi ərazisində bir evdən 3000 manat dəyərində inşaat materialları, geyim və məişət əşyaları, digər evdən isə 7000 manat dəyərində qızıl-zinət və məişət əşyaları oğurlamaqda şübhəli bilinən Cinayət Məcəlləsinin 181-ci (Quldurluq) maddəsi ilə axtarışda olan Salyan rayon sakini Y.Məmmədov saxlanılıb.Araşdırma aparılır.

Oğuluq əməlində şübhəli bilinən Şirvan şəhər sakini C.Məlikov müəyyən edilərək saxlanılıb

26.01.2023

Şirvan şəhər sakini olan bir qadının bank hesabından 269 manatının oğurlanması barədə polisə məlumat daxil olub.Şirvan Şəhər Polis Şöbəsi əməkdaşlarının keçirdikləri əməliyyat tədbiri nəticəsində oğuluq əməlində şübhəli bilinən şəhər sakini C.Məlikov müəyyən edilərək saxlanılıb. Araşdırmalarla onun Hacıqabul rayon sakini olan digər bir nəfərin bank hesabından 224 manat oğurlaması da müəyyən olunub.Araşdırma aparılır.

Balakən rayonunun Qullar kənd sakini V.Ağcayevdən 2 kiloqram 230 qram heroin aşkar edilərək götürülüb

26.01.2023

Balakən Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Qullar kənd sakini, əvvəllər dəfələrlə məhkum olunmuş V.Ağcayevdən 2 kiloqram 230 qram heroin aşkar edilərək götürülüb.

Bakı şəhər sakini R.Məmmədovdan 226 qrama yaxın heroin və metamfetamin aşkar edilərək götürülüb

26.01.2023

Hacıqabul Rayon Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Bakı şəhər sakini, əvvəllər məhkum olunmuş R.Məmmədovdan 226 qrama yaxın heroin və metamfetamin aşkar edilərək götürülüb.

Xətai rayonunda narkotik vasitələrin satışı ilə məşğul olan 2 nəfərdən 3 kiloqrama yaxın heroin götürülüb

26.01.2023

Xətai Rayon Polis İdarəsinin əməkdaşlarının daxil olan məlumat əsasında keçirdikləri əməliyyat tədbiri nəticəsində saxlanılan Bakı şəhər sakini Dəyanət Rəhimovdan 308 qramdan artıq heroin aşkar olunaraq götürülüb. Polis əməkdaşları tərəfindən narkotik vasitəni ona satmaqda şübhəli bilinən Bakı şəhər sakini,  əvvəllər məhkum olunmuş Məksud Ağaverdiyev də müəyyən olunaraq saxlanılıb. Şəxsi axtarış zamanı ondan 4 qram, yaşadığı evdən isə əlavə 2 kiloqram 220 qram heroin götürülüb. Saxlanılanlar narkotik vasitənj paytaxt ərazisində satmaq məqsədi ilə əldə etdiklərini bildiriblər.Faktla bağlı toplanan materiallar Xətai Rayon Polis İdarəsinin İstintaq Şöbəsinə göndərilib. Bu şəxslərin hər biri barəsində cinayət işi başlanılıb, istintaq tədbirləri davam etdirilir. Xətai rayonu ərazisində narkotiklərin qanunsuz dövriyyəsi ilə məşğul olan digər şəxslərin tutulmaları istiqamətində polis əməkdaşları tərəfindən əməliyyatlar davam etdirilir.

Gün ərzində ölkə ərazisində qeydə alınan 75 cinayətin açılması təmin olunub

25.01.2023

Yanvarın 25-də ölkə ərazisində qeydə alınan 75 cinayətin açılması daxili işlər orqanlarının əməkdaşları tərəfindən təmin olunub.

Ümumi çəkisi 11,8 kiloqrama yaxın narkotik vasitə aşkar olunaraq götürülüb

25.01.2023

Polis əməkdaşlarının yanvarın 25-də respublika ərazisində keçirdikləri əməliyyat tədbirləri nəticəsində ümumi çəkisi 11,8 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 4,1 kiloqramdan çox heroin və 7,7 kiloqrama yaxın marixuana olub. Bu istiqamətdə qətiyyətli mübarizə tədbirləri davam etdirilir. 

Bakı şəhər sakini Ə.Nəsrullayevdən 503 qramdan artıq heroin və 20 qrama yaxın metamfetamin aşkar olunaraq götürülüb

25.01.2023

Binəqədi RPİ 4-cü Polis Şöbəsi əməkdaşlarının keçirdikləri əməliyyat tədbiri nəticəsində saxlanılan Bakı şəhər sakini Ə.Nəsrullayevdən 503 qramdan artıq heroin və 20 qrama yaxın metamfetamin aşkar olunaraq götürülüb. Araşdırma aparılır.