Bakı şəhər sakini A.Rüstəmovdan 440 qram marixuana aşkar olunaraq götürülüb

31.03.2024

Sabunçu Rayon Polis İdarəsi əməkdaşlarının keçirdikləri tədbirlərlə saxlanılan Bakı şəhər sakini, əvvəllər məhkum olunmuş A.Rüstəmovdan 440 qram marixuana aşkar olunaraq götürülüb.Araşdırma aparılır. 

Sabunçu rayonunun Kürdəxanı qəsəbəsində iki həyətdən oğurluq etməkdə şübhəli bilinən Z.Əliyev və Ü.Alxasov saxlanılıblar

31.03.2024

Sabunçu RPİ 15-ci Polis Bölməsi əməkdaşlarının keçirdikləri tədbirlərlə Kürdəxanı qəsəbəsində iki həyətdən ümumilikdə 5200 manat dəyərində təmir alətləri, inşaat materialları və naqil oğurlamaqda şübhəli bilinən, əvvəllər oğurluq və narkotiklərlə əlaqəli cinayətlərə görə məhkum olunmuşlar Z.Əliyev və Ü.Alxasov müəyyən olunaraq saxlanılıblar.Araşdırma aparılır. 

Gün ərzində ölkə ərazisində qeydə alınan 56 cinayətin açılması təmin olunub

30.03.2024

Martın 30-da ölkə ərazisində qeydə alınan 52, əvvəlki dövrlərdən bağlı qalan 4 cinayətin açılması daxili işlər orqanlarının əməkdaşları tərəfindən təmin olunub.

Qadını şəkillərini sosial şəbəkələrdə yaymaqla hədələyərək ondan 1000 manat pul tələb etmədə şübhəli bilinən İ.Məmmədov saxlanılıb

30.03.2024

Paytaxt sakini qadın şəkillərini sosial şəbəkələrdə yaymaqla hədələyərək ondan 1000 manat pul tələb edən şəxs barəsində polisə müraciət edib. Xəzər RPİ 2-ci Polis Şöbəsi əməkdaşlarının keçirdikləri tədbirlərlə hədə-qorxu ilə tələb etmədə şübhəli bilinən İ.Məmmədov müəyyən olunaraq saxlanılıb.Araşdırma aparılır.  

Sabunçu rayonu ərazisində yerləşən istirahət mərkəzlərinin birindəm 3000 manat dəyərində elektrik naqili oğurlamaqda şübhəli bilinən N.Bayramov saxlanılıb

30.03.2024

Sabunçu RPİ 42-ci Polis Bölməsi əməkdaşlarının keçirdikləri tədbirlərlə martın 27-də rayon ərazisində yerləşən istirahət mərkəzlərinin birindəm 3000 manat dəyərində elektrik naqili oğurlamaqda şübhəli bilinən N.Bayramov müəyyən edilərək saxlanılıb.Araşdırma aparılır. 

Nizami rayonu ərazisində moped oğurlamaqda şübhəli bilinən R.Məmmədov saxlanılıb

30.03.2024

Nizami RPİ 23-cü Polis Bölməsi əməkdaşlarının keçirdikləri tədbirlərlə rayon ərazisində moped oğurlamaqda şübhəli bilinən R.Məmmədov saxlanılıb.Araşdırma aparılır. 

Əvvəllər məhkum olunmuş O.Vəliyevdən 49 qram marixuana aşkar olunub

30.03.2024

Abşeron Rayon Polis İdarəsi əməkdaşlarının keçirdikləri tədbirlərlə əvvəllər məhkum olunmuş O.Vəliyev saxlanılıb. Ondan 49 qram marixuana aşkar olunub. Davam etdirilən tədbirlərlə onun yaşadığı evə baxış zamanı oradan əlavə 1 kiloqram 120 qramdan artıq marixuana, metamfetamin və 2 ədəd elektron tərəzi aşkar olunaraq götürülüb. Araşdırma aparılır. 

Abşeronda ötən gün keçirilən tədbirlər zamanı 49 odlu silah və 13 qumbara aşkar olunub 

30.03.2024

Abşeron Rayon Polis İdarəsinin əməkdaşları tərəfindən hüquqpozmalara qarşı ötən gün növbəti əməliyyat və profilaktik tədbirlər keçirilib. Nəticədə ümumilikdə  9 “Kalaşnikov” avtomatı, 13 əl qumbarası, 39 müxtəlif markalı ov tüfəng, 1 ədəd “Makarov” tapançası aşkar olunub və ya vətəndaşlar tərəfindən könüllü polisə təhvil verilib. Narkotiklərə qarşı keçirilən 20 əməliyyat zamanı 10 kiloqrama yaxın narkotik vasitə qanunsuz dövriyyədən çıxarılıb. Abşeron rayonunda oğurluqlar və müxtəlif cinayət törətdikləri üçün axtarışda olan 5 nəfər saxlanılıb, “isti izlərlə”  36 cinayətin üstü açılıb. Qanunsuz küçə ticarəti, avaralıq və dilənçiliklə bağlı 24,  xırda xuliqanlığa və xırda talamaya görə 53 fakt aşkarlanıb, mülki axtarışda olan 23 nəfər tapılaraq aidiyyəti üzrə təhvil verilib. Bununla yanaşı, Abşeron rayon DYPŞ-nin əməkdaşları tərəfindən keçirilən tədbirlər zamanı yol hərəkəti qaydalarını pozan 40-dan artıq, spirtli içkinin təsiri altında sükan arxasına əyləşən və nəqliyyat vasitəsində konstruksiya dəyişikliyi edən 37, dayanma-durma qaydalarını pozan 330 sürücü inzibati məsuliyyətə cəlb edilib. 

DİN BNMİ-nin keçirdiyi növbəti əməliyyat zamanı 50 kiloqram narkotik vasitə ələ keçirilib

30.03.2024

DİN Baş Narkotiklərlə Mübarizə İdarəsinin əməkdaşları tərəfindən 28 mart 2024-cü il tarixində keçirilən növbəti əməliyyat zamanı narkotik vasitələrin qanunsuz dövriyyəsi ilə məşğul olan 1993-cü il təvəllüdlü Aqil Əlizadə Qaradağ rayonu ərazisində saxlanılıb. Həmin şəxsin üzərindən, avtomobilindən və Masallı rayonundakı evindən ümumilikdə 50 kiloqram, o cümlədən 39 kiloqram tərkibi psixotrop maddələrlə zənginləşdirilmiş marixuana, 7 kiloqram heroin, 2 kiloqram metamfetamin, 2 kiloqram tiryək, 2000 ədəd metadon həbi və narkotiklərin satışında istifadə etdiyi 2 ədəd elektron tərəzi aşkarlanıb. Araşdırmalarla A.Əlizadə narkotikləri şəxsiyyəti istintaqla araşdırılan “Fərşad” adlı İran vətəndaşından Astara rayonunda əldə etdiyini bildirib. Onun əsas məqsədi kuryerlik edərək narkotikləri müxtəlif ünvanlara çatdırıb pul əldə etmək olub. Faktla bağlı cinayət  işi başlanılıb, A.Əlizadə barəsində məhkəmənin qərarı ilə barəsində həbs qətimkan tədbiri seçilib. Faktla bağlı əməliyyat-istintaq tədbirləri davam etdirilir.

Gün ərzində ölkə ərazisində qeydə alınan 73 cinayətin açılması təmin olunub

29.03.2024

Martın 29-da ölkə ərazisində qeydə alınan 54, əvvəlki dövrlərdən bağlı qalan 19 cinayətin açılması daxili işlər orqanlarının əməkdaşları tərəfindən təmin olunub.