Sahil qəsəbəsi ərazisində avtoyuma məntəqələrinin birindən oğurluq etməkdə şübhəli bilinən P.Vahabov saxlanılıb

14.07.2024

Sahil qəsəbəsi ərazisində avtoyuma məntəqələrinin birindən 2000 manat dəyərində yuyucu aparat, naqil və inşaat materiallarının oğurlanması barədə polisə məlumat daxil olub. Qaradağ RPİ 38-ci Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən P.Vahabov saxlanılıb. Araşdırma aparılır. 

Əvvəllər narkotiklərlə əlaqəli cinayətə görə məhkum olunmuş R.Səlimovdan marixuana götürülüb

14.07.2024

Sumqayıt Şəhər Polis İdarəsi əməkdaşlarının keçirdikləri tədbirlərlə saxlanılan əvvəllər narkotiklərlə əlaqəli cinayətə görə məhkum olunmuş R.Səlimovdan 205 qram marixuana aşkar olunaraq götürülüb.Araşdırma aparılır. 

Masallı rayonunun Ərkivan qəsəbəsində evlərin birindən məişət əşyaları oğurlamaqda şübhəli bilinən bir qrup şəxs saxlanılıb

14.07.2024

Masallı Rayon Polis Şöbəsi əməkdaşlarının keçirdikləri tədbirlərlə Ərkivan qəsəbəsində  evlərin birindən 8500 manat dəyərində məişət əşyaları oğurlamaqda şübhəli bilinən R.Bəhlulzadə, K.Mirzəyev və əvvəllər məhkum olunmuş S.Qurbanov müəyyən olunaraq saxlanılıb.Araşdırma aparılır. 

Xaçmaz rayonunun İstisu qəsəbəsi ərazisində A.Mədətxanovun kultivasiya yolu ilə yetişdirdiyi çətənə kolları götürülüb

14.07.2024

Xaçmaz Rayon Polis Şöbəsi əməkdaşlarının keçirdikləri tədbirlərlə İstisu qəsəbəsi ərazisində qəsəbə sakini A.Mədətxanovun kultivasiya yolu ilə yetişdirdiyi 12 ədəd çətənə kolu aşkar olunaraq götürülüb. 

Qanunsuz saxlanılan odlu silah-sursat aşkar edilərək götürülüb

14.07.2024

Qanunsuz saxlanılan odlu silah-sursatın aşkar olunaraq götürülməsi istiqamətində tədbirlər davamlı olaraq həyata keçirilir. İyulun 13-də və 14-də polis əməkdaşlarının keçirdikləri əməliyyat tədbirləri ilə qanunsuz saxlanılan 2 tapança, 3 qumbara, 2 patron darağı və 8 ədəd patron aşkar edilərək götürülüb. 

Ümumi çəkisi 36 kiloqrama yaxın narkotik vasitə aşkar olunaraq götürülüb

14.07.2024

Polis əməkdaşlarının keçirdikləri əməliyyat tədbirləri ilə iyulun 13-də və 14-də ümumi çəkisi 36 kiloqrama yaxın narkotik vasitə aşkar olunaraq götürülüb. Qanunsuz dövriyyədən çıxarılan narkotik vasitələr – 3 kiloqramdan artıq heroin, 31 kiloqrama yaxın marixuana, 1 kiloqramdan çox tiryək, 1,8 kiloqramdan çox metamfetamin, həmçinin kultivasiya yolu ilə yetişdirilmiş 16 ədəd çətənə kolu olub.  Bu istiqamətdə qətiyyətli mübarizə tədbirləri davam etdirilir. 

Dələduzluğa görə axtarışda olan 4 nəfər saxlanılaraq istintaqa təhvil verilib

14.07.2024

Polis əməkdaşlarının iyulun 13-də və 14-də keçirdikləri əməliyyat tədbirləri ilə dələduzluğa görə axtarışda olan 4 nəfər saxlanılaraq istintaqa təhvil verilib. 

İtkin düşmüş kimi axtarışda olan 6 nəfər tapılaraq aidiyyəti üzrə təhvil verilib

14.07.2024

İyulun 13-də və 14-də polis əməkdaşlarının keçirdikləri tədbirlərlə itkin düşmüş kimi axtarışda olan 6 nəfər tapılaraq aidiyyəti üzrə təhvil verilib.

Gün ərzində ölkə ərazisində qeydə alınan 44 cinayətin açılması təmin olunub

13.07.2024

İyulun 13-də ölkə ərazisində qeydə alınan 42, əvvəlki dövrlərdən bağlı qalan 2 cinayətin açılması polis əməkdaşları tərəfindən təmin olunub.

Səbail rayonu ərazisində avtomobildən mobil telefon oğurlamaqda şübhəli bilinən İ.Səfərli saxlanılıb

13.07.2024

Səbail rayonu ərazisində “Mercedes” markalı avtomobildən mobil telefon oğurlanması barədə polisə məlumat daxil olub. Səbail RPİ 9-cu Polis Bölməsi əməkdaşlarının keçirdikləri tədbirlərlə oğurluq əməlində şübhəli bilinən, əvvəllər də eyni əmələ görə məhkum olunmuş İ.Səfərli saxlanılıb. Onun “Ford” markalı daha bir avtomobildən mobil telefon oğurlaması da müəyyən edilib. Araşdırma aparılır.