Goranboy rayonunun Erkəc kəndi ərazisində 1,5 hektar sahədə yabanı halda bitmiş çətənə kolları aşkar olunaraq məhv edilib

16.06.2023

Xocalı Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Goranboy rayonunun Erkəc kəndi ərazisində 1,5 hektar sahədə yabanı halda bitmiş 2,7 tondan artıq çəkidə 4576 ədəd çətənə kolu aşkar olunaraq məhv edilib.

Ağdam rayonunun Kiçikli kənd sakini H.Əliyevin həyətyanı sahəsindən çətənə kolları və marixuana aşkar olunaraq götürülüb

16.06.2023

Ağdam Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Kiçikli kənd sakini, əvvəllər məhkum olunmuş H.Əliyevin həyətyanı sahəsindən kultivasiya yolu ilə yetişdirilmiş 34 ədəd çətənə kolu və 289 qramdan artıq marixuana aşkar olunaraq götürülüb. 

Tovuz rayonunun Əyyublu kəndi ərazisində çətənə kolları aşkar olunaraq məhv edilib

16.06.2023

Tovuz Rayon Polis Şöbəsi əməkdaşlarının keçirdikləri “Xaşxaş-2023” şərti adlı kompleks əməliyyat-axtarış və profilaktik tədbirlər nəticəsində Əyyublu kəndi ərazisində çəkisi 10,4 tondan artıq 8034 ədəd çətənə kolu aşkar olunaraq məhv edilib.

Xəzər rayonunun Buzovna qəsəbəsi ərazisində “Hyundai” markalı avtomobillə yolu keçən qəsəbə sakini Ş.Cabbarova vurulub

16.06.2023

İyunun 16-da saat 21 radələrində Xəzər rayonunun Buzovna qəsəbəsi ərazisində Mərdəkan qəsəbə sakini C.Hüseynov idarə etdiyi “Hyundai” markalı avtomobillə yolu keçən qəsəbə sakini Ş.Cabbarovanı vurub və nəticədə piyada hadisə yerində ölüb.   Xəzər Rayon Polis İdarəsində araşdırma aparılır.

Neftçala şəhəri ərazisində yol-nəqliyyat hadisəsi

16.06.2023

İyunun 16-da saat 19 radələrində Neftçala şəhəri ərazisində rayon sakinləri T.Hüseynov idarə etdiyi “Mercedes” markalı avtomobili qarşıda gedən E.Zeynalovun idarə etdiyi “İJ” markalı motosikletə vurduqdan sonra R.Baloğlanovun idarə etdiyi “VAZ-2101” markalı avtomobilə dəyib aşırıb. Nəticədə T.Hüseynov və E.Zeynalov hadisə yerində ölüb, T.Hüseynovun sərnişini xəstəxanaya yerləşdirilib.Neftçala Rayon Polis Şöbəsində araşdırma aparılır.

Tərtər rayonunun Seydimli kəndi ərazisində “Mercedes” markalı avtomobillə yolu keçən rayon sakini Y.Bayramova vurulub

16.06.2023

İyunun 16-da saat 2 radələrində Tərtər rayonunun Seydimli kəndi ərazisində Kəlbəcər rayon sakini A.Xıdırov idarə etdiyi “Mercedes” markalı avtomobillə yolu keçən rayon sakini Y.Bayramovanı vurub və nəticədə piyada hadisə yerində ölüb.  Tərtər Rayon Polis Şöbəsində araşdırma aparılır.

Hacıqabul şəhəri ərazisində “VAZ-21154” və “Fiat” markalı avtomobillər toqquşub

16.06.2023

İyunun 16-da saat 13 radələrində Hacıqabul şəhəri ərazisində Gəncə şəhər sakini V.Osmanovun idarə etdiyi “VAZ-21154” və Sabirabad rayon sakini H.Əkbərovun idarə etdiyi “Fiat” markalı avtomobillər toqquşub. Nəticədə V.Osmanov hadisə yerində ölüb, digər sürücü və sərnişini xəstəxanaya yerləşdiriliblər.Hacıqabul Rayon Polis Şöbəsində araşdırma aparılır.  

İmişli rayonunun Qaralar kəndi ərazisində “Niva” və “VAZ-2107” markalı avtomobillər toqquşub

16.06.2023

İyunun 16-da saat 14 radələrində İmişli rayonunun Qaralar kəndi ərazisində kənd sakini Ə.Həsənovun idarə etdiyi “Niva” və Sabirabad rayon sakini F.Cəfərovun idarə etdiyi “VAZ-2107” markalı avtomobillər toqquşub. Nəticədə Ə.Həsənovun sərnişini olan Bakı şəhər sakini A.Həsənova xəstəxanaya yerləşdirilib və orada ölüb.İmişli Rayon Polis Şöbəsində araşdırma aparılır.

Gün ərzində ölkə ərazisində qeydə alınan 49 cinayətin açılması təmin olunub

15.06.2023

İyunun 15-də ölkə ərazisində qeydə alınan 49, əvvəlki dövrlərdən bağlı qalan 11 cinayətin açılması daxili işlər orqanlarının əməkdaşları tərəfindən təmin olunub.

Sumqayıt şəhər sakini olan bir nəfərin elektron pulqabı hesabından 4890 manat oğurlamaqda şübhəli bilinən şəxslər saxlanılıblar

15.06.2023

Sumqayıt ŞPİ 4-cü Polis Bölməsi əməkdaşlarının daxil olan məlumat əsasında keçirdikləri əməliyyat tədbiri nəticəsində iyunun 9-da şəhər sakini olan bir nəfərin elektron pulqabı hesabından 4890 manat oğurlamaqda şübhəli bilinən Sumqayıt sakinləri S.Məmmədov və əvvəllər məhkum olunmuş S.Məmmədzadə müəyyən olunaraq saxlanılıblar. Araşdırma aparılır.