Sumqayıt şəhər sakini C.İbadovdan heroin, metamfetamin və elektron tərəzi aşkar edilərək götürülmüşdür

11.01.2022

Sumqayıt ŞPİ əməkdaşlarının daxil olmuş məlumat əsasında keçirdikləri əməliyyat tədbiri nəticəsində H.Z.Tağıyev qəsəbə sakini, əvvəllər məhkum olunmuş C.İbadov saxlanılmışdır. Şəxsi axtarış zamanı ondan heroin, metamfetamin və  elektron tərəzi aşkar edilərək götürülmüşdür.

Göyçay rayon sakini R.Nuriyevin yaşadığı Potu-Kürd kəndindəki evdən dibçəklərdə yetişdirilmiş çətənə bitkiləri götürülmüşdür

11.01.2022

Göyçay RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində R.Nuriyevin yaşadığı Potu-Kürd kəndindəki evdən dibçəklərdə kultivasiya yolu ilə yetişdirilmiş 44 ədəd çətənə bitkiləri aşkar edilərək götürülmüşdür.

Lənkəran şəhər sakini F.Şükürova məxsus yardımçı təsərrüfatdan məişət əşyaları və ev quşları oğurlamaqda şübhəli bilinən E.Əliyev saxlanılmışdır

11.01.2022

Lənkəran ŞRPŞ əməkdaşlarının keçirdikləri əməliyyat-axtarış tədbirləri nəticəsində ötən il noyabrın 30-da F.Şükürova məxsus yardımçı təsərrüfatdan 1555 manat dəyərində məişət əşyaları və 10 ev quşu oğurlamaqda şübhəli bilinən şəhər sakini, əvəllər məhkum olunmuş E.Əliyev saxlanılmışdır. Şəxsi axtarış zamanı ondan heroin aşkar edilərək götürülmüşdür.

Lənkəran rayon sakini F.Əsgərov və qardaşından heroin aşkar edilmişdir

11.01.2022

Lənkəran ŞRPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Girdəni kənd sakini F.Əsgərov və qardaşı saxlanılmışlar. Şəxsi axtarış zamanı onlardan heroin aşkar edilmişdir. Polis əməkdaşları tərəfindən onlara narkotik vasitəni satmaqda şübhəli bilinən Bakı şəhər sakini, əvəllər məhkum olunmuş E.Məcidov müəyyən edilərək saxlanılmışdır. Şəxsi axtarış zamanı ondan heroin götürülmüşdür.Davam etdirilən tədbirlərlə ona narkotik vasitəni satmaqda şübhəli bilinən Girdəni kənd sakini F.Baxşıyev də saxlanılmışdır. Şəxsi axtarış zamanı ondan 2 kiloqram 806 qrama yaxın heroin və elektron tərəzi aşkar edilərək götürülmüşdür.

Şəki şəhəri ərazisindəki evlərin birindən qızıl-zinət əşyaları oğurlamaqda şübhəli bilinən R.Cabbarov saxlanılmışdır

11.01.2022

Şəki ŞRPŞ əməkdaşlarının keçirdikləri əməliyyat-axtarış tədbirləri nəticəsində yanvarın 7-də rayon ərazisindəki evlərin birindən 5000 manat dəyərində qızıl-zinət əşyaları oğurlamaqda şübhəli bilinən şəhər sakini R.Cabbarov saxlanılmışdır.

Neftçala rayon sakini A.Məmmədovun yaşadığı Bankə qəsəbəsindəki evdən kultivasiya yolu ilə yetişdirdiyi çətənə kolları aşkar edilərək götürülmüşdür

11.01.2022

Neftçala RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində A.Məmmədovun yaşadığı Bankə qəsəbəsindəki evdən kultivasiya yolu ilə yetişdirdiyi 18 ədəd çətənə kolu aşkar edilərək götürülmüşdür.

Novxanıda bağ evindən oğurluq edən şəxs hadisə yerindəcə mühafizə polisləri tərəfindən saxlanılıb

11.01.2022

Daxili İşlər Nazirliyi Baş Mühafizə İdarəsinin canlı qüvvə və texniki vasitələri ilə mühafizə olunan obyektlərin təhlükəsizliyi günün 24 saatı etibarlı şəkildə qorunur. Bunu sübut edən növbəti belə hadisə Abşeron rayonu ərazisində qeydə alınıb. Belə ki, Novxanı qəsəbəsində yerləşən xüsusi texniki vasitələrlə qorunan bağ evlərindən birindən Baş Mühafizə İdarəsinin Kompüterləşdirilmiş Mərkəzi Mühafizə Məntəqəsinə “həyəcan” siqnalı daxil olub. Abşeron Rayon Mühafizə İdarəsinin əməkdaşları tərəfindən hadisəyə dərhal operativ reaksiya göstərilib. Əraziyə gələn polislər bağ evinə baxış keçirən zaman bir nəfərin evin naqillərini oğurladığının şahidi olublar. Polisləri görən həmin şəxs evin hasarından tullanaraq qaçmaq istəyən zaman mühafizə polislərinin çevikliyi sayəsində  saxlanılıb. Ərazi üzrə polis bölməsinə təhvil verilən saxlanılan şəxsin paytaxt sakini Ramin Rzayev olduğu müəyyən edilib. Araşdırma zamanı onun əvvəllər də dəfələrlə Cinayət Məcəlləsinin müxtəlif maddələri ilə məhkum olunduğu müəyyən edilib. O, ifadəsində oğurluq etdiyi üçün mühafizə polisləri tərəfindən saxlanıldığını bildirib. Qeyd edək ki, bağ evinin sahibi bir müddət əvvəl mənzilindən bəzi əşyaların oğurlandığını müşahidə edib. Bundan sonra o, mühafizə polisinin xüsusi texniki vasitələrinin köməkliyi evin 24 saat qorunması üçün Abşeron Rayon Mühafizə İdarəsi ilə müqavilə bağlayıb. Yalnız bundan sonra evdən silsilə oğurluqlar edən şəxsin saxlanılması mümkün olub.Faktla bağlı araşdırmalar davam etdirilir. Bu şəxsin qanunsuz əməllərindən zərər çəkən başqa vətəndaşlar varsa ərazi polis orqanlarına, habelə, Nazirliyin "102" Xidməti-Zəng Mərkəzinə məlumat verə bilərlər.Daxili İşlər Nazirliyi Baş Mühafizə İdarəsi bir daha əhalini əmin edir ki, mühafizə polisinə etibar edən fiziki və hüquqi şəxslərə məxsus bütün mülkiyyət formalarının mühafizəsi etibarlı şəkildə yüksək peşəkarlıqla həyata keçirilir.

Gün ərzində törədilmiş 46 cinayətin üstü “isti izlər”lə açılmışdır

10.01.2022

Respublikanın daxili işlər orqanları tərəfindən gün ərzində törədilmiş 46 cinayətin üstü “isti izlər”lə açılmışdır.

Qanunsuz saxlanılan silah-sursatla bağlı əməliyyat tədbirləri davam etdirilir

10.01.2022

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 10-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 2 ədəd ov tüfəngi götürülüb. Aparılan profilaktiki tədbirlər nəticəsində qanunsuz saxlanılan 1 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

10.01.2022

Yanvarın 10-da polis əməkdaşları tərəfindən respublika ərazisində 3 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.