Oğurluqda şübhəli bilinən Bakı şəhər sakini Ə.Həsənov saxlanılmışdır

31.01.2022

Sabunçu RPİ 15-ci PB əməkdaşlarının keçirdikləri əməliyyat-axtarış tədbirləri nəticəsində yanvarın 21-də rayon ərazisindəki 2 evdən ümumilikdə 700 manat dəyərində qol saatı, 1200 manat dəyərində televizor, soyuducu və məişət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş Ə.Həsənov saxlanılmışdır.

Oğurluqda şübhəli bilinən Bakı şəhər sakini E.Rəhimov saxlanılmışdır

31.01.2022

Suraxanı RPİ 30-cu PŞ əməkdaşlarının keçirdikləri əməliyyat-axtarış tədbirləri nəticəsində yanvarın 29-da və 30-da rayon ərazisindəki 2 evdən ümumilikdə 2000 manat dəyərində elektrik naqili və elektrik avadanlığı, 1 avtomobildən isə 1500 manat dəyərində 2 ədəd mobil telefon oğurlamaqda şübhəli bilinən Bakı şəhər sakini E.Rəhimov saxlanılmışdır. Şəxsi axtarış zamanı ondan heroin aşkar edilərək götürülmüşdür.

Oğurluqda şübhəli bilinən Tərtər rayon sakini Z.Verdiyev saxlanılmışdır

31.01.2022

Xətai RPİ 36-cı PB əməkdaşlarının keçirdikləri əməliyyat-axtarış tədbirləri nəticəsində yanvarın 21-də rayon ərazisindəki evlərin birindən 150 manat pul, 4200 manat dəyərində qızıl-zinət və gümüş əşyaları oğurlamaqda şübhəli bilinən Tərtər rayon sakini Z.Verdiyev saxlanılmışdır.

Saatlı şəhər sakini K.Zeynalovun evinə baxış zamanı oradan 3 kiloqram 270 qram marixuana aşkar edilərək götürülmüşdür

31.01.2022

Saatlı RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş K.Zeynalovun evinə baxış zamanı oradan 3 kiloqram 270 qram marixuana aşkar edilərək götürülmüşdür.

Beyləqan şəhər sakini Rahib Məmmədovun idarə etdiyi avtomobilə baxış zamanı oradan tapança, tapançaya məxsus 1 ədəd sandıqça, 3 ədəd patron və heroin aşkar edilərək götürülmüşdür

31.01.2022

Beyləqan RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş Rahib Məmmədovun idarə etdiyi “Kia” markalı avtomobilə baxış zamanı oradan “Makarov” markalı tapança, tapançaya məxsus 1 ədəd sandıqça, 3 ədəd patron və heroin aşkar edilərək götürülmüşdür.Faktla bağlı cinayət işi başlanılmışdır.

Tovuz şəhər sakini T.Tağıyevdən 41 qrama yaxın tiryək aşkar edilmiş,evinə baxış zamanı tapança, 2 ədəd patron və 1 ədəd patron darağı götürülmüşdür

31.01.2022

Tovuz RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş T.Tağıyev saxlanılmışdır. Şəxsi axtarış zamanı ondan 41 qrama yaxın tiryək aşkar edilmişdir. Onun evinə baxış zamanı “Makarov” markalı tapança, 2 ədəd patron və 1 ədəd patron darağı götürülmüşdür.

Gün ərzində törədilmiş 44 cinayətin üstü “isti izlər”lə açılmışdır

30.01.2022

Respublikanın daxili işlər orqanları tərəfindən gün ərzində törədilmiş 44 cinayətin üstü “isti izlər”lə açılmışdır.

Şəmkir rayonunun Seyfəli kəndi ərazisində yol-nəqliyyat hadisəsi

30.01.2022

Yanvarın 30-da saat 19 radələrində Şəmkir rayonunun Seyfəli kəndi ərazisində Gəncə şəhər sakini Elşən Quliyev idarə etdiyi “Murovey” markalı motosikleti yolun kənarında dayanmış “Hyundai” markalı avtomobilə vurmuş və nəticədə aldığı xəsarətlərdən hadisə yerində ölmüşdür.Baş İstintaq və Təhqiqat İdarəsi tərəfindən araşdırma aparılır.

Şəki rayonunun Süçma kəndi ərazisində yol-nəqliyyat hadisəsi

30.01.2022

Yanvarın 30-da saat 21 radələrində Şəki rayonunun Süçma kəndi ərazisində Ağdam rayon sakini M.Hüseynov idarə etdiyi “QAZ-330210” markalı avtomobillə yolu atla keçən Kiçik Dəhnə kənd sakini Akif Qəhrəmanovu vurmuşdur. Nəticədə A.Qəhrəmanov hadisə yerində ölmüşdür. Baş İstintaq və Təhqiqat İdarəsi tərəfindən araşdırma aparılır.

Cəlilabad şəhəri ərazisində yol-nəqliyyat hadisəsi

30.01.2022

Yanvarın 30-da saat 21 radələrində Cəlilabad şəhəri ərazisində şəhər sakini Elmin Fətəliyev idarə etdiyi “VAZ-2104” markalı avtomobili yolun kənarındakı kanala aşırmışdır. Nəticədə sürücü suda boğularaq ölmüşdür.Cəlilabad RPŞ-də araşdırma aparılır.