Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Oğurluqda şübhəli bilinən Bərdə rayonunun Saatlı kənd sakini M.Bayramov saxlanılmışdır
16.01.2022
Bərdə RPŞ əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda 8 artezian quyusundan elektrik naqilləri, bir həyətdən velosiped, ot biçən, 2 ədəd samovar və məişət əşyaları və bir mikroavtobusdan akkumulyator oğurlamaqda şübhəli bilinən Saatlı kənd sakini, əvvəllər məhkum olunmuş M.Bayramov saxlanılmışdır.
Biləsuvar rayon sakini Ə.Babayevə məxsus avtomobilə baxış zamanı oradan 14 kiloqram 725 qram heroin və 1 kiloqram 355 qram metamfetamin aşkar edilərək götürülmüşdü
Cəlilabad RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Biləsuvar rayon sakinləri, əvvəllər məhkum olunmuşlar - İ.Alməmmədov və Ə.Babayev saxlanılmışlar.Ə.Babayevə məxsus “Mercedes” markalı avtomobilə baxış zamanı oradan 14 kiloqram 725 qram heroin və 1 kiloqram 355 qram metamfetamin aşkar edilərək götürülmüşdür.
Balakən rayonunun Mahamalar kənd sakini Z.Tinətiyevdən idman tapançası aşkar edilərək götürülmüşdür
Balakən RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində Mahamalar kənd sakini Z.Tinətiyevdən idman tapançası aşkar edilərək götürülmüşdür.
Bakı şəhər sakini S.Əsgərovdan 615 qram heroin və 60 qram metamfetamin aşkar edilərək götürülmüşdür
Şamaxı RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş S.Əsgərov saxlanılmışdır. Şəxsi axtarış zamanı ondan 615 qram heroin və 60 qram metamfetamin aşkar edilərək götürülmüşdür.
Lənkəran rayonunun Boladi kənd sakini R.Əsgərovdan 2 kiloqram 170 qram heroin və elektron tərəzi aşkar edilərək götürülmüşdür
Lənkəran ŞRPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Liman şəhər sakini O.Ağazadə heroin satarkən saxlanılmışdır. Şəxsi axtarış zamanı ondan elektron tərəzi götürülmüşdür.Davam etdirilən tədbirlərlə ona narkotik vasitəni satmaqda şübhəli bilinən Boladi kənd sakini, əvvəllər məhkum olunmuş R.Əsgərov saxlanılmışdır. Şəxsi axtarış zamanı ondan heroin və elektron tərəzi götürülmüşdür.R.Əsgərova narkotik vasitəni satmaqda şübhəli bilinən Liman şəhər sakini, əvvəllər məhkum olunmuş Ş.Bağırov da saxlanılmışdır. Şəxsi axtarış zamanı ondan 2 kiloqram 170 qram heroin və elektron tərəzi aşkar edilərək götürülmüşdür.
Lənkəran ŞRPŞ-nin əməkdaşları tərəfindən 2 ədəd “AKSU-74” markalı avtomat silahı, 3 ədəd patron darağı, 12 ədəd patron, 1 ədəd snayper silahına aid uzaq görmə cihazı aşkar edilərək götürülmüşdür
Lənkəran ŞRPŞ-nin əməkdaşları tərəfindən narkotik vasitə ilə tutulmuş R.Əkbərovun ətrafında aparılan əməliyyat tədbirləri ilə onun qanunsuz olaraq əldə edib bacısı oğlu A.Cəfərlinin evində saxladığı 2 ədəd “AKSU-74” markalı avtomat silahı, 3 ədəd patron darağı, 12 ədəd patron, 1 ədəd snayper silahına aid uzaq görmə cihazı aşkar edilərək götürülmüşdür.
Gün ərzində törədilmiş 49 cinayətin üstü “isti izlər”lə açılmışdır
15.01.2022
Respublikanın daxili işlər orqanları tərəfindən gün ərzində törədilmiş 49 cinayətin üstü “isti izlər”lə açılmışdır.
Nəqliyyat vasitəsi qaçırmaqda şübhəli bilinən Bakı şəhər sakini R.Haxverdiyev müəyyən edilərək avtomobillə birgə saxlanılmışdır
Sabunçu RPİ-nin 12-ci Polis Şöbəsinə yanvarın 15-nə keçən gecə Balaxanı qəsəbəsi ərazisindən qəsəbə sakini T.Sarıyevə məxsus “Moskviç” markalı avtomobilin qaçırılması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Bakı şəhər sakini R.Haxverdiyev müəyyən edilərək avtomobillə birgə saxlanılmışdır. Sabunçu RPİ-də araşdırma aparılır.
Yol-nəqliyyat hadisəsi zamanı xəsarət almış Babək rayon Hacıağa Əsgərovu və onun həyat yoldaşı Töhfə yerləşdirildiyi xəstəxanada ölmüşdür
Yanvarın 14-də saat 21 radələrində Naxçıvan şəhəri ərazisində Babək rayon sakini C.Əliyev idarə etdiyi “NAZ Lifan” markalı avtomobillə yolun kənarı ilə hərəkət edən həmyerliləri Hacıağa Əsgərovu və onun həyat yoldaşı Töhfəni vurmuşdur. Nəticədə xəstəxanaya yerləşdirilmiş hər 2 piyada yanvarın 15-də orada ölmüşlər.Naxçıvan ŞPİ-də araşdırma aparılır.
Nərimanov rayonunun Z.Bünyadov prospektində yol-nəqliyyat hadisəsi
Yanvarın 15-də saat 11 radələrində Nərimanov rayonunun Z.Bünyadov prospektində Bakı şəhər sakini R.Əsgərov idarə etdiyi “Opel” markalı avtomobillə yolu keçən paytaxt sakini Əşrəf Sərkərovu vurmuşdur. Nəticədə xəstəxanaya yerləşdirilmiş piyada orada ölmüşdür. Nərimanov RPİ-də araşdırma aparılır.
