Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
Qum adası ərazisində enerji əməliyyat şirkətlərindən birinə məxsus hidravlik avadanlığın elektrik naqilini oğurlamaqda və maqnit işəsalıcını sındırmaqda şübhəli bilinən şəxslər saxlanılmışlar
19.01.2022
DİN NBPİ-nin Su Nəqliyyatında Polis İdarəsinə yanvarın 16-da Qum adası ərazisində enerji əməliyyat şirkətlərindən birinə məxsus hidravlik avadanlığı elektrik enerjisi ilə təmin edən 636 manat dəyərində elektrik naqilinin oğurlanması və maqnit işəsalıcının sındırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində bu əməli törətməkdə şübhəli bilinən Bakı şəhər sakinləri X.Həsənli, əvvəllər məhkum olunmuş S.Məhərrəmov və Astara rayon sakini H.Quliyev müəyyən edilərək saxlanılmışlar.Araşdırma aparılır.
Nərimanov rayonunun X.Şuşinski küçəsindəki binaların birindən liftin elektrik qutusunun və mühərrikinin oğurlamaqda şübhəli bilinən Bakı şəhər sakini E.Əkbərov saxlanılmışdır
Nərimanov RPİ-nin 16-cı Polis Bölməsinə yanvarın 17-də X.Şuşinski küçəsindəki binaların birindən liftin elektrik qutusunun və mühərrikinin oğurlanması barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Bakı şəhər sakini E.Əkbərov müəyyən edilərək saxlanılmışdır.Araşdırma aparılır.
Yasamal rayonu ərazisindəki avtoyuma məntəqələrinin birində avtomobildən pul oğurlamaqda şübhəli bilinən şəxslər müəyyən edilərək saxlanılmışlar
Yasamal RPİ-nin 28-ci Polis Bölməsinə yanvarın 13-də A.Şərifzadə küçəsindəki avtoyuma məntəqələrinin birində “Kia” markalı avtomobildən 1200 manat pulun oğurlanması barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Astara rayon sakini V.Heydərov və Masallı rayon sakini C.Nəzərov müəyyən edilərək saxlanılmışlar.Araşdırma aparılır.
Bakı şəhər sakini H.Əhmədzadənin mobil telefonunu soyğunçuluq yolu ilə talamaqda şübhəli bilinən Qəbələ rayon sakini X.Mustafayev saxlanılmışdır
Binəqədi RPİ-nin 5-ci Polis Bölməsinə yanvarın 18-də bir nəfərin Bakı şəhər sakini H.Əhmədzadənin mobil telefonunu soyğunçuluq yolu ilə talaması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində soyğunçuluq əməlini törətməkdə şübhəli bilinən Qəbələ rayon sakini X.Mustafayev müəyyən edilərək saxlanılmışdır.Araşdırma aparılır.
Bakı şəhər sakini İ.İnçiyevin mobil telefonlarını oğurlamaqda şübhəli bilinən Sumqayıt şəhər sakini T.Əhmədov saxlanılmışdır
Səbail RPİ-nin 9-cu Polis Bölməsinə rayon ərazisindəki bir oteldə bələdçinin və bilyard zallarınının birində Bakı şəhər sakini İ.İnçiyevin mobil telefonlarının oğurlanması barədə məlumatlar daxil olmuşdur.Polis əməkdaşlarının keçirdikləri əməliyyat tədbirləri nəticəsində oğurluq əməllərini törətməkdə şübhəli bilinən Sumqayıt şəhər sakini T.Əhmədov müəyyən edilərək saxlanılmışdır.Araşdırma aparılır.
Xəzər rayonu ərazisindəki evlərin birindən pul və qızıl-zinət əşyaları oğurlamaqda şübhəli bilinən Bakı şəhər sakini V.Qurbanov saxlanılmışdır
Xəzər RPİ 1-ci Polis Şöbəsi əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən 1200 manat, 1200 ABŞ dolları və qızıl-zinət əşyaları oğurlamaqda şübhəli bilinən Bakı şəhər sakini, əvvəllər məhkum olunmuş V.Qurbanov saxlanılmışdır.
Tovuz rayonu ərazisindəki evlərin birindən pul və qızıl-zinət əşyaları oğurlamaqda şübhəli bilinən E.Kərimov və N.Mirzəyev saxlanılmışlar
Tovuz RPŞ əməkdaşlarının keçirdikləri əməliyyat tədbirləri nəticəsində rayon ərazisindəki evlərin birindən 20.000 rubl pul və 5000 manat dəyərində qızıl-zinət əşyaları oğurlamaqda şübhəli bilinən rayon sakinləri E.Kərimov və N.Mirzəyev saxlanılmışlar.
Salyan şəhər sakini H.Piriyevin yaşadığı evdən 1 kiloqramdan artıq marixuana aşkar edilərək götürülmüşdür
Salyan RPŞ əməkdaşlarının daxil olmuş məlumat əsasında keçirdikləri əməliyyat-axtarış tədbiri nəticəsində şəhər sakini, əvvəllər məhkum olunmuş H.Piriyevin yaşadığı evə baxış zamanı oradan 1 kiloqram 80 qram marixuana aşkar edilərək götürülmüşdür.
Ağdaş şəhəri ərazisindən G.Baxşalıyevə məxsus avtomobili qaçırmaqda şübhəli bilinən Mingəçevir şəhər sakini M.Abbasov müəyyən edilərək saxlanılmışdır
Ağdaş Rayon Polis Şöbəsinə yanvarın 11-də şəhər ərazisindən G.Baxşalıyevə məxsus “VAZ-2106” markalı avtomobilin qaçırılması barədə məlumat daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Mingəçevir şəhər sakini M.Abbasov müəyyən edilərək saxlanılmışdır.Ağdaş RPŞ-də araşdırma aparılır.
Tovuz şəhəri ərazisindən "VAZ-21013" markalı avtomobili qaçırmaqda şübhəli bilinən A.Rüstəmov müəyyən edilərək saxlanılmışdır
Tovuz Rayon Polis Şöbəsinə yanvarın 19-da şəhər ərazisindən Aşağı Öysüzlü kənd sakini İ.Yusifə məxsus “VAZ-21013” markalı avtomobilin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən kənd sakini A.Rüstəmov müəyyən edilərək saxlanılmışdır.Tovuz RPŞ-də araşdırma aparılır.
