Qanunsuz ov edən Sabirabad rayonunun Cavad kənd sakini S.Mahmudovdan müvafiq sənədləri olan ov tüfəngi götürülmüşdür

02.02.2022

Sabirabad RPŞ-nin əməkdaşları tərəfindən Cavad kəndi ərazisində qanunsuz ov edən kənd sakini S.Mahmudov saxlanılmışdır. Ondan müvafiq sənədləri olan “TOZ-16” markalı ov tüfəngi götürülmüşdür. 

Gün ərzində törədilmiş 62 cinayətin üstü “isti izlər”lə açılmışdır

01.02.2022

Respublikanın daxili işlər orqanları tərəfindən gün ərzində törədilmiş 62 cinayətin üstü “isti izlər”lə açılmışdır.

Qanunsuz saxlanılan silah-sursatla bağlı əməliyyat tədbirləri davam etdirilir

01.02.2022

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində fevralın 1-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 7 ədəd ov tüfəngi götürülüb.  Aparılan profilaktiki tədbirlər nəticəsində qanunsuz saxlanılan 1 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb 

01.02.2022

Fevralın 1-də polis əməkdaşları tərəfindən respublika ərazisində 16 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.

Rels avadanlıqlarını oğurlamağa cəhd göstərmiş Astara rayonunun Şahağacı kənd sakini H.Zəkiyev saxlanılmışdır

01.02.2022

Nəqliyyatda Baş Polis İdarəsinin əməkdaşları tərəfindən yanvarın 31-də Astara-Qamışlıq mənzilinin 179-cu km-də rels avadanlıqlarını oğurlamağa cəhd göstərmiş Şahağacı kənd sakini, əvvəllər məhkum olunmuş H.Zəkiyev saxlanılmışdır.Araşdırma aparılır. 

Su borularını oğurlamağa cəhd göstərən Sumqayıt şəhər sakinləriS.Nurullayev və B.Abdullayev saxlanılmışlar

01.02.2022

Fevralın 1-də saat 3 radələrində Sumqayıt şəhəri 43-cü məhəllə ərazisindən su borularını oğurlamağa cəhd göstərən 2 nəfər Sumqayıt Şəhər Mühafizə İdarəsinin əməkdaşları tərəfindən saxlanılmışlar. Onların şəhər sakinləri, əvvəllər məhkum olunmuşlar – S.Nurullayev və B.Abdullayev olmaları müəyyən edilmiş və Sumqayıt ŞPİ-nin 1-ci Polis Bölməsinə təhvil verilmişlər.Araşdırma aparılır.

Oğurluqda şübhəli bilinən Gəncə şəhər sakini R.Qasımov saxlanılmışdır

01.02.2022

Bakı ŞBPİ və Səbail RPİ 41-ci PB əməkdaşlarının birgə keçirdikləri əməliyyat-axtarış tədbirləri nəticəsində Səbail rayonu ərazisindəki 1 evdən 600 manat pul, 2 aptekdən isə pul və mobil telefon oğurlamaqda şübhəli bilinən Gəncə şəhər sakini R.Qasımov saxlanılmışdır.

546 manat dəyərində çay oğurlamaqda şübhəli bilinən Salyan rayon sakini X.Əsgərov saxlanılmışdır

01.02.2022

Səbail RPİ 8-ci PB əməkdaşlarının keçirdikləri əməliyyat-axtarış tədbirləri nəticəsində yanvarın 6-dan 28-dək olan müddətdə rayon ərazisindəki marketlərin birindən 546 manat dəyərində çay oğurlamaqda şübhəli bilinən Salyan rayon sakini X.Əsgərov saxlanılmışdır.

Narkotik vasitə ilə tutulmuş Ə.Həsənovun törətdiyi digər cinayət əməlləri də müəyyən edilmişdir

01.02.2022

Sabunçu RPİ 15-ci PB-nin əməkdaşları tərəfindən narkotik vasitə ilə tutulmuş Ə.Həsənovun ətrafında aparılan tədbirlərlə onun rayon ərazisindəki evlərin birindən 2500 manat dəyərində məişət əşyaları və “Daf” markalı bir avtomobildən 2 ədəd akkumulyator oğurlaması da müəyyən edilmişdir.

Oğurluqda şübhəli bilinən Bakı şəhər sakini C.Quliyev saxlanılmışdır

01.02.2022

Sumqayıt ŞPİ 1-ci PB əməkdaşlarının keçirdikləri əməliyyat-axtarış tədbirləri nəticəsində yanvarın 25-də T.Teymurovun həyətindən 25 baş qoyun, 1 ədəd generator, 1 ədəd paltaryuyan maşın, 1 ədəd nəzarət kamerası və avtomobilə aid ehtiyat hissələri oğurlamaqda şübhəli bilinən Bakı şəhər sakini, əvvəllər məhkum olunmuş C.Quliyev saxlanılmışdır.Araşdırma aparılır.