Qanunsuz saxlanılan silah-sursatla bağlı əməliyyat tədbirləri davam etdirilir

30.01.2022

Polis əməkdaşlarının əldə edilən məlumatlar əsasında keçiridikləri əməliyyat tədbirləri nəticəsində yanvarın 29-da və 30-da respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 8 ədəd ov tüfəngi götürülüb.  Aparılan profilaktiki tədbirlər nəticəsində qanunsuz saxlanılan 2 silah könüllü olaraq polisə təhvil verilib.Faktlar üzrə polis şöbələrində müvafiq araşdırmalar aparılır.

Koronavirus xəstələri ictimai yerlərdə aşkar edilərək saxlanılıb

30.01.2022

Yanvarın 29-da və 30-da polis əməkdaşları tərəfindən respublika ərazisində 12 nəfər aktiv koronavirus xəstəsi ictimai yerlərdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.

Bakı şəhərində və respublika ərazisində 737 toy şənliyinin monitorinqi həyata keçirilib

30.01.2022

29-30 yanvar tarixlərində Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 737 toy şənliyinin monitorinqini həyata keçirib.  Monitorinq 726 şadlıq sarayında, 11 şəxsi həyətyanı sahədə keçirilən şənlikləri əhatə edib.Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:- 12 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub;  - 181 nəfər “COVID-19” pasportu olmadığına görə şənliyə buraxılmayıb.  

Gün ərzində törədilmiş 50 cinayətin üstü “isti izlər”lə açılmışdır

29.01.2022

Respublikanın daxili işlər orqanları tərəfindən gün ərzində törədilmiş 50 cinayətin üstü “isti izlər”lə açılmışdır.

Xəzər rayonunun Şüvəlan qəsəbəsi ərazisində yol-nəqliyyat hadisəsi

29.01.2022

Yanvarın 30-da saat 2 radələrində Xəzər rayonunun Şüvəlan qəsəbəsi ərazisində Əli Əliyev idarə etdiyi “Hyundai İX35” markalı avtomobili elektrik dirəyinə vurub aşırmışdır. Nəticədə sürücü aldığı xəsarətlərdən hadisə yerində ölmüşdür.Araşdırma aparılır. 

Soyğunçuluq etməkdə şübhəli bilinən Gəncə şəhər sakini R.Mustafayev saxlanılmışdır

29.01.2022

Yanvarın 29-da paytaxtın Nəsimi rayonu ərazisindəki bazarda bir nəfər oradakı satıcı qadının əlindən 140 manat pulunu soyğunçuluq yolu ilə talayıb. Ərazidə xidmət  aparan Əlahiddə Çevik Polis Alayı əməkdaşlarının çevikliyi və opertaivliyi nəticəsində soyğunçuluq əməlini törətməkdə şübhəli bilinən həmin şəxs saxlanılıb. Araşdırmalarla onun Gəncə şəhər sakini, əvvəllər də soyğunçuluğa görə məhkum olunmuş R.Mustafayev olduğu müəyyən edilib. Nəsimi Rayon Polis İdarəsində araşdırma aparılır.

Beyləqan rayonunun 1-ci Şahsevən kəndi ərazisində yol-nəqliyyat hadisəsi

29.01.2022

Yanvarın 29-da saat 20 radələrində Beyləqan rayonunun 1-ci Şahsevən kəndi ərazisində 2-ci Şahsevən kənd sakini Elşad Məmmədov idarə etdiyi “VAZ-21099” markalı avtomobili ağaca vurmuşdur. Nəticədə xəstəxanaya yerləşdirilmiş sürücü orada ölmüşdür. Beyləqan RPŞ-də araşdırma aparılır.

Sumqayıt şəhəri ərazisində yol-nəqliyyat hadisəsi zamanı xəsarət almış Şabran rayon sakini Zülfiyyə Abışova hadisə yerində ölmüşdür

29.01.2022

Yanvarın 29-da saat 14 radələrində Sumqayıt şəhəri ərazisində Qubadlı rayon sakini, əvvəllər məhkum olunmuş S.Cəbiyev idarə etdiyi “Ford” markalı avtomobillə yolu keçən Şabran rayon sakini Zülfiyyə Abışovanı vurmuşdur. Nəticədə piyada aldığı xasarətlərdən hadisə yerində ölmüşdür.Sumqayıt ŞPİ-də araşdırma aparılır.

Evlərin birindən 3200 manat pul və 4000 ABŞ dolları oğurlamaqda şübhəli bilinən Z.Verdiyev saxlanılmışdır

29.01.2022

Xətai RPİ 35-ci PB əməkdaşlarının keçirdikləri əməliyyat-axtarış tədbirləri nəticəsində rayon ərazisindəki evlərin birindən 3200 manat pul və 4000 ABŞ dolları oğurlamaqda şübhəli bilinən Z.Verdiyev saxlanılmışdır.

Sumqayıt şəhər sakini V.Şıxalıyevdən 750 qram heroin və 99 qramdan artıq metamfetamin aşkar edilərək götürülmüşdür

29.01.2022

Sumqayıt ŞPİ əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş V.Şıxalıyev saxlanılmışdır. Şəxsi axtarış zamanı ondan 750 qram heroin və 99 qramdan artıq metamfetamin aşkar edilərək götürülmüşdür.