Dövlət qurumları .gov.az domeni (məsələn, mia.gov.az) vasitəsilə əlaqə qurur.
Əlavə təhlükəsizlik tədbiri kimi, URL çubuğunda kilid işarəsinin və ya https:// prefiksinin mövcudluğunu yoxlayın. Həssas məlumatlarınızı yalnız rəsmi və təhlükəsiz saytlarda paylaşın.
Bakı şəhər Baş Polis İdarəsi
Baş Dövlət Yol Polisi İdarəsi
"Xəzri" istirahət və sağlamlıq mərkəzi
Daxili Qoşunların Baş İdarəsi
Baş Pasport, Qeydiyyat və Miqrasiya idarəsi
Polis Akademiyası
A.N.Heydərov adına Respublika Hospitalı
Şəxsi Heyətlə İş İdarəsi
İnsan Alverinə Qarşı Mübarizə Baş İdarəsi
Polis Qəzeti
Azərbaycan Respublikası Nazirlər Kabineti
7 baş qoyun oğurlamaqda şübhəli bilinən Göyçay rayon sakinləri K.İsayev, R.İsayev və İ.Qasımov saxlanılmışlar
02.02.2022
Göyçay RPŞ əməkdaşlarının keçirdikləri əməliyyat-axtarış tədbirləri nəticəsində ötən ilin dekabr ayında Mırtı kənd sakinləri S.Hüseynovaya, T.Əliyevə və S.İsayevə məxsus yardımçı təsərrüfatlardan 7 baş qoyun oğurlamaqda şübhəli bilinən həmyerliləri K.İsayev, R.İsayev və Göyçay şəhər sakini İ.Qasımov saxlanılmışlar.
Nəqliyyat vasitəsini qaşərmaqda şübhəli bilinən Qəbələ şəhər sakini T.Alıyev müəyyən edilərək saxlanılmışdır
Qəbələ Rayon Polis Şöbəsinə fevralın 2-də şəhər sakini Y.İbrahimovun “ZİL” markalı avtomobilinin qaçırılması barədə məlumat daxil olmuşdur. Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaşərmaqda şübhəli bilinən şəhər sakini, əvvəllər məhkum olunmuş T.Alıyev müəyyən edilərək saxlanılmışdır. Avtomobil H.Əliyev prospektində tapılmışdır.Qəbələ RPŞ-də araşdırma aparılır.
Oğurluqda şübhəli bilinən Şabran rayon sakini E.Məsimov saxlanılmışdır
Binəqədi RPİ 5-ci PB əməkdaşlarının keçirdikləri əməliyyat-axtarış tədbirləri nəticəsində yanvarın 5-də Bakı şəhər sakini T.Bayramovanın çantasından 105 manat pul və 300 manat dəyərində qızıl üzük oğurlamaqda şübhəli bilinən Şabran rayon sakini, əvvəllər məhkum olunmuş E.Məsimov saxlanılmışdır.
Bakı şəhər sakini S.Liftiyevdən heroin və metamfetamin aşkar edilərək götürülmüşdür
Sabunçu RPİ 14-cü PB əməkdaşlarının daxil olmuş məlumat əsasında keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş S.Liftiyev saxlanılmışdır. Şəxsi axtarış zamanı ondan heroin və metamfetamin aşkar edilərək götürülmüşdür.
Oğurluqda şübhəli bilinənlər Şirvan şəhər sakini R.Həsənov və Salyan rayon sakini A.Bağırov müəyyən edilərək saxlanılmışlar
Nəsimi RPİ 19-cu PŞ əməkdaşlarının keçirdikləri əməliyyat-axtarış tədbirləri nəticəsində yanvarın 20-də rayon ərazisində Ş.Abdullayevə məxsus avtomobildən 500 manat dəyərində mobil telefon və gödəkcə oğurlamaqda şübhəli bilinənlər - əvvəllər məhkum olunmuşlar - Şirvan şəhər sakini R.Həsənov və Salyan rayon sakini A.Bağırov müəyyən edilərək saxlanılmışlar.
Su sayğaclarını oğurlamaqda şübhəli bilinən Gəncə şəhər sakini A.Məmmədov saxlanılmışdır
Kəpəz RPİ əməkdaşlarının keçirdikləri əməliyyat-axtarış tədbirləri nəticəsində müxtəlif vaxtlarda 4 nəfər sakinin evlərinə quraşdırılmış su sayğaclarını oğurlamaqda şübhəli bilinən Gəncə şəhər sakini, əvvəllər məhkum olunmuş A.Məmmədov saxlanılmışdır.
Oğurluqda şübhəli bilinən Biləsuvar şəhər sakini S.Əzimzadə saxlanılmışdır
Biləsuvar RPŞ əməkdaşlarının keçirdikləri əməliyyat tədbirləri nəticəsində fevralın 1-də İ.Məmmədovun həyətyanı sahəsindən 1340 manat dəyərində 2 ədəd elektrik mühərriki, 2 ədəd kondisioner, kondisioner mühərriki və avtomobil ehtiyat hissələri oğurlamaqda şübhəli bilinən şəhər sakini S.Əzimzadə saxlanılmışdır. Şəxsi axtarış zamanı ondan heroin götürülmüşdür. Araşdırmalarla onun “VAZ-2106” markalı bir avtomobildən 140 manat dəyərində səsgücləndiricilər oğurlaması da müəyyən edilmişdir.
Astara rayonunun Kolatan kənd sakini C.Məmmədovdan ümumilikdə 31 qramdan artın heroin götürülmüşdür
Astara RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Kolatan kənd sakini C.Məmmədov saxlanılmışdır. Şəxsi axtarış zamanı ondan 20 qramdan artıq heroin aşkar edilmişdir.Davam etdirilən tədbirlərlə onun evinə baxış zamanı oradan 11 qramdan artıq heroin götürülmüşdür.
Səbail rayonu ərazisində yol-nəqliyyat hadisəsi
Fevralın 2-də saat 18 radələrində Səbail rayonu ərazisində Lənkəran rayon sakini E.Səfərov idarə etdiyi “Renault” markalı avtomobillə yolu keçən Bakı şəhər sakini Həqiqət Məlikovanı vurmuşdur. Nəticədə xəstəxanaya yerləşdirilmiş piyada orada ölmüşdür. Səbail RPİ-də araşdırma aparılır.
Tovuz rayonunun Əyyublu kəndi ərazisində yol-nəqliyyat hadisəsi
Fevralın 2-də saat 16 radələrində Tovuz rayonunun Əyyublu kəndi ərazisində Şəmkir rayon sakini Vüqar Əliyevin idarə etdiyi “VAZ-2106” və Bakı şəhər sakini N.Məmmədovun idarə etdiyi “Mercedes” markalı avtomobillər toqquşmuşdur. Nəticədə xəstəxanaya yerləşdirilmiş V.Əliyev orada ölmüş, xəsarət almış 1 sərnişinin vəziyyəti qənaətbəxşdir.Baş İstintaq və Təhqiqat İdarəsi tərəfindən araşdırma aparılır.
