Şəmkir rayonunun Könüllü kəndi ərazisində “Mercedes” markalı mikroavtobus və “KamAZ” markalı avtomobil toqquşmuşdur

05.03.2022

Martın 5-də saat 17 radələrində Şəmkir rayonunun Könüllü kəndi ərazisində Ağstafa rayon sakini M.Əmiraslanovun idarə etdiyi “Mercedes” markalı mikroavtobus və Samux rayon sakini S.Rəhimovun idarə etdiyi “KamAZ” markalı avtomobil toqquşmuşdur. Nəticədə M.Əmiraslanovun 2 sərnişini xəstəxanaya yerləşdirilmiş, onlardan Sahib Musayev orada ölmüşdür. Baş İstintaq və Təhqiqat İdarəsi tərəfindən araşdırma aparılır.

Yasamalda son 15 gün ərzində keçirilən əməliyyatlar zamanı narkotiklərin qanunsuz dövriyyəsi ilə məşğul olan ümumilikdə 21 nəfər saxlanılıb

05.03.2022

Yasamal Rayon Polis İdarəsinin Narkotiklərlə Mübarizə Bölməsinin əməkdaşları tərəfindən son 15 gün ərzində keçirilən əməliyyatlar zamanı narkotiklərin qanunsuz dövriyyəsi ilə məşğul olan ümumilikdə 21 nəfər saxlanılıb. Aşkar edilən bütün faktlarla əlaqədar İdarənin İstintaq Şöbəsində cinayət işi başlanılıb. Saxlanılan şəxslərin hər biri barəsində məhkəmə tərəfindən həbs qətimkan tədbiri seçilib. Onlardan  ümumilikdə 3 kiloqram narkotik vasitə olan heroin və psixotrop maddə metamfetamin aşkar edilib. Bu şəxslər izahatlarında narkotiklərin qanunsuz dövriyyəsi ilə məşğul olduqlarını etiraf ediblər.Qeyd edilən faktlarla bağlı Yasamal Rayon Polis İdarəsində araşdırmalar davam etdirilir. Yasamal rayonu ərazisində narkotik vasitələrin qanunsuz dövriyyəsi ilə məşğul olan şəxslərin saxlanılması istiqamətində polis əməkdaşları tərəfindən əməliyyat tədbirləri davam etdirilir

Nərimanov rayonu ərazisində yol-nəqliyyat hadisəsi

05.03.2022

Martın 5-də saat 1 radələrində Nərimanov rayonu ərazisində Bakı şəhər sakini F.Yeqanlı “BMW” markalı avtomobili yolun kənarındakı işıq dirəyinə vurmuşdur. Nəticədə avtomobildəki sərnişinlərdən Röyalə Səmədova hadisə yerində ölmüş, sürücü və digər sərnişin xəstəxanaya yerləşdirilmişlər. Nərimanov RPİ-də araşdırma aparılır.

Gün ərzində törədilmiş 74 cinayətin üstü “isti izlər”lə açılmışdır

04.03.2022

Respublikanın daxili işlər orqanları tərəfindən gün ərzində törədilmiş 74 cinayətin üstü “isti izlər”lə açılmışdır.  

Koronavirus xəstəsi ictimai yerdə aşkar edilərək saxlanılıb 

04.03.2022

Martın 4-də polis əməkdaşları tərəfindən 1 nəfər aktiv koronavirus xəstəsi ictimai yerdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslə izahedici söhbətlər aparıb, tibbi prosedurları gözləməklə yaşadığı evə qaytarıb və bu barədə müvafiq səhiyyə qurumları məlumatlandırılıb.

Bakı şəhərində və respublika ərazisində 222 toy şənliyinin monitorinqini həyata keçirib

04.03.2022

Martın 4-də Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri Bakı şəhərində və respublika ərazisində 222 toy şənliyinin monitorinqini həyata keçirib.    Monitorinq 219 şadlıq sarayında, 3 şəxsi həyətyanı sahədə keçirilən şənlikləri əhatə edib.Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə:- 3 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub;  - 116 nəfər “COVID-19” pasportu olmadığına görə şənliyə buraxılmayıb. 

Bank kartını oğurlamaqda Bakı şəhər sakini F.Nəsirov müəyyən edilərək saxlanılmışdır

04.03.2022

Sumqayıt ŞPİ-nin 3-cü Polis Bölməsi əməkdaşlarının keçirdikləri əməliyyat-axtarış tədbirləri nəticəsində fevralın 24-də Binəqədi rayonunun Sulutəpə qəsəbəsi ərazisindəki kafelərin birində Qobustan rayon sakini N.Həsənovun cibindən bank kartını oğurlamaqda və hesabındakı 2400 manatı çıxararaq mənimsəməkdə şübhəli bilinən Bakı şəhər sakini, əvvəllər də oğurluğa görə məhkum olunmuş F.Nəsirov müəyyən edilərək saxlanılmışdır. Araşdırma aparılır.  

Avtomobillərdən akkumulyator oğurlamaqda şübhəli bilinən Bakı şəhər sakini H.Hətəmli müəyyən edilərək saxlanılmışdır

04.03.2022

Qaradağ RPİ-nin 11-ci Polis Bölməsinə cari il fevral ayının 28-dən martın 4-dək olan müddətdə Qobustan qəsəbəsi ərazisində qəsəbə sakini H.Mehdiyevə məxsus "KamAZ" markalı avtomobildən akkumulyatorun oğurlanması barədə müraciət daxil olmuşdur.Polis əməkdaşlarının keçirdikləri əməliyyat-axtarış tədbirləri nəticəsində oğurluğu törətməkdə şübhəli bilinən Bakı şəhər sakini H.Hətəmli müəyyən edilərək saxlanılmışdır. Ətrafında aparılan tədbirlərlə onun cari ilin fevral-mart aylarında qəsəbə ərazisində "MAZ", "MAN" və "DAF" markalı daha 3 yük avtomobilinin akkumulyatorlarını oğurlaması da  müəyyən olunmuşdur.Araşdırma aparılır. 

İmişli rayonunun Qaravəlli kəndi ərazisində yol-nəqliyyat hadisəsi

04.03.2022

Martın 4-də saat 7 radələrində İmişli rayonunun Qaravəlli kəndi ərazisində Cəlilabad rayon sakini Bəxtiyar Abbasov idarə etdiyi “Mercedes” markalı avtomobili yolun kənarındakı su kanalına aşırmış və sürücü hadisə yerində ölmüşdür. İmişli RPŞ-də araşdırma aparılır.

Yol qəzasını törədərək hadisə yerindən yayınmış Bakı şəhər sakini L.Rüstəmova müəyyən edilərək saxlanılmışdır

04.03.2022

Nərimanov RPİ-nin 16-cı Polis Bölməsinə martın 2-də rayon ərazisində Abşeron rayon sakini Ş.Əhmədovun müəyyən edilməmiş avtomobillə vurulması barədə məlumat daxil olmuşdur. Ş.Əhmədova xəstəxanada ilkin tibbi yardım göstərilmişdir.Polis əməkdaşlarının keçirdikləri əməliyyat-axtarış tədbirləri nəticəsində yol qəzasını törədərək hadisə yerindən yayınmış “Volkswagen” markalı avtomobilin sürücüsü Bakı şəhər sakini L.Rüstəmova müəyyən edilərək saxlanılmışdır.Araşdırma aparılır.