Qanunsuz saxlanılan silah-sursatla bağlı əməliyyat tədbirləri davam etdirilir

08.03.2022

Polis əməkdaşlarının keçiridikləri əməliyyat tədbirləri nəticəsində martın 8-də respublikanın ayrı-ayrı rayonlarında vətəndaşlardan qanunsuz saxladıqları müxtəlif markalı ümumilikdə 3 ədəd ov tüfəngi götürülüb. Faktlar üzrə polis şöbələrində müvafiq araşdırmalar aparılır.

Gün ərzində törədilmiş 31 cinayətin üstü “isti izlər”lə açılmışdır

07.03.2022

Respublikanın daxili işlər orqanları tərəfindən gün ərzində törədilmiş 31 cinayətin üstü “isti izlər”lə açılmışdır.

Koronavirus xəstəsi ictimai yerdə aşkar edilərək saxlanılıb

07.03.2022

Martın 7-də polis əməkdaşları tərəfindən respublika ərazisində 1 nəfər aktiv koronavirus xəstəsi ictimai yerdə aşkar edilərək saxlanılıb. Polis əməkdaşları "COVİD-19" virusuna yoluxaraq ev şəraitində müalicədə olmasına baxmayaraq yaşadığı evləri tərk etmiş həmin şəxslərlə izahedici söhbətlər aparıb, tibbi prosedurları gözləməklə yaşadığı evlərə qaytarıb və bu barədə müvafiq səhiyyə qurumları məlumatlandırılıb.Ev şəraitində müalicə təyin edilməsinə baxmayaraq, yaşayış yerini tərk edən 1 nəfər barəsində isə Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb.

Tovuz rayonunun Cəlili kənd sakini T.Vəliyev ov tüfəngini könüllü olaraq təhvil vermişdir

07.03.2022

Narkotik vasitənin təsiri altında avtomobil idarə edən şəxs saxlanılıb

07.03.2022

DİN-in Baş Dövlət Yol Polisi İdarəsi əməkdaşlarının keçirdikləri tədbirlərlə martın 7-də saat 17 radələrində Binəqədi rayonu ərazisində Abşeron rayon sakini Məhəmməd Nəcəfovun idarə etdiyi “BMW” markalı avtomobil konstruksiya dəyişiklikləri edildiyinə görə saxlanılmışdır. Polis əməkdaşları tərəfindən sürücünün və sərnişini Əlirza Əliyevin narkotik vasitə qəbul etmələri müəyyən edilmiş və onlar Binəqədi RPİ-nin 6-cı Polis Bölməsinə təhvil verilmişlər.

Quldurluq etməkdə şübhəli bilinən Ramana qəsəbə sakini F.İmanov müəyyən edilərək saxlanılmışdır

07.03.2022

Sabunçu RPİ-nin 12-ci Polis Şöbəsinə martın 6-da Ramana qəsəbəsi ərazisində yerləşən restoranların birində bir nəfərin qəsəbə sakini A.Zakirovu bıçaqla hədələyib mobil telefonunu talaması barədə müraciət daxil olmuşdur.Polis əməkdaşlarının keçirdikləri əməliyyat tədbirləri nəticəsində quldurluğu törətməkdə şübhəli bilinən Ramana qəsəbə sakini, əvvəllər məhkum olunmuş F.İmanov müəyyən edilərək saxlanılmışdır.Sabunçu RPİ-də araşdırma aparılır. 

İsmayıllı rayonunun Qubaxəlilli kəndi ərazisində yol-nəqliyyat hadisəsi

07.03.2022

Martın 7-də saat 18 radələrində İsmayıllı rayonunun Qubaxəlilli kəndi ərazisində kənd sakini Anar Əhmədov idarə etdiyi “Hyundai” markalı avtomobili aşırmış və nəticədə hadisə yerində ölmüşdür.Baş İstintaq və Təhqiqat İdarəsi tərəfindən araşdırma aparılır.

Soyğunçuluq etməkdə şübhəli bilinən Bərdə rayon sakinləri T.Vəliyev, E.Əliyev və H.Quliyev müəyyən edilərək saxlanılmışlar

07.03.2022

Hacıqabul Rayon Polis Şöbəsinə martın 7-də Padar kəndi ərazisində 3 nəfərin İsmayıllı rayon sakini T.Səmədova məxsus fermadan 1 baş qoyunu açıq talama yolu ilə aparmaları barədə müraciət daxil olmuşdur.  Polis əməkdaşlarının keçirdikləri əməliyyat tədbirləri nəticəsində soyğunçuluğu törətməkdə şübhəli bilinən Bərdə rayon sakinləri T.Vəliyev, E.Əliyev və H.Quliyev müəyyən edilərək saxlanılmışlar.Hacıqabul RPŞ-də araşdırma aparılır. 

Masallı rayon sakini İ.Nəsrullayevdən ümumilikdə 29 qrama yaxın heroin və elektron tərəzi götürülmüşdür

07.03.2022

Baş Narkotiklərlə Mübarizə İdarəsinin Cənub Bölgəsində Regional Şöbəsi əməkdaşlarının keçirdikləri əməliyyat tədbirləri nəticəsində Masallı rayon sakini İ.Nəsrullayev saxlanılmışdır. Şəxsi axtarış zamanı ondan 3 qrama yaxın heroin aşkar edilmişdir. Davam etdirilən tədbirlərlə onun evinə baxış zamanı oradan əlavə 26 qramdan artıq heroin və elektron tərəzi götürülmüşdür. 

Bakı şəhər sakini R.Əşrəfovdan 1 kiloqram 287 qram heroin, 70 qrama yaxın metamfetamin və 244 qramdan artıq marixuana aşkar edilərək götürülmüşdür

07.03.2022

Binəqədi RPİ 6-cı Polis Bölməsi əməkdaşlarının keçirdikləri əməliyyat tədbirləri nəticəsində saxlanılan Bakı şəhər sakini, əvvəllər məhkum olunmuş R.Əşrəfovdan 1 kiloqram 287 qram heroin, 70 qrama yaxın metamfetamin və 244 qramdan artıq marixuana aşkar edilərək götürülmüşdür.