Bakı şəhər sakini S.Həsənquliyevdən heroin və metamfetamin aşkar edilmişdir

08.02.2022

Bakı ŞBPİ-nin Cinayət Axtarışı İdarəsi və Yasamal RPİ 29-cu PŞ əməkdaşlarının daxil olmuş məlumat əsasında birgə keçirdikləri əməliyyat tədbiri nəticəsində Bakı şəhər sakini, əvvəllər məhkum olunmuş S.Həsənquliyev saxlanılmışdır. Şəxsi axtarış zamanı ondan heroin və metamfetamin aşkar edilmişdir. Ətrafında aparılan tədbirlərlə onun fevralın 4-də K.Quliyevanın cibindən mobil telefon, fevralın 7-də isə xətt avtobusunda Xırdalan şəhər sakini Q.Əsgərovun cibindən mobil telefonunu oğurlaması da müəyyən edilmişdir.

Paytaxtın Binəqədi rayonu ərazisində saxlanılan Salyan rayon sakini T.Abdullayevdən heroin aşkar edilmişdir

08.02.2022

Binəqədi RPİ 40-cı PB əməkdaşlarının daxil olmuş məlumat əsasında keçirdikləri əməliyyat tədbiri nəticəsində Salyan rayon sakini T.Abdullayev saxlanılmışdır. Şəxsi axtarış zamanı ondan heroin aşkar edilmişdir. Ətrafında aparılan tədbirlərlə onun müxtəlif vaxtlarda rayon ərazisində 5 avtomobildən ümumilikdə 300 manat pul, maqnitofon və video-qeydiyyat qurğusu oğurlaması da müəyyən edilmişdir.

Soyğunçuluq etdiyinə görə tutulmuş R.Qasımovun Yasamal rayonu ərazisində bir aptekdən pul və mobil telefon oğurlaması da müəyyən edilmişdir

08.02.2022

Yasamal RPİ 27-ci PB-nin əməkdaşları tərəfindən soyğunçuluq etdiyinə görə tutulmuş R.Qasımovun ətrafında aparılan tədbirlərlə onun rayon ərazisində bir aptekdən 500 manat pul və mobil telefon oğurlaması da müəyyən edilmişdir.

Suraxanı rayonu ərazisindəki internat məktəbindən 20 ədəd pəncərə çərçivəsi oğurlamaqda şübhəli bilinən A.Qiladov saxlanılmışdır

08.02.2022

Suraxanı RPİ 31-ci Polis Bölməsi və Rayon Mühafizə İdarəsi əməkdaşlarının birgə keçirdikləri əməliyyat tədbiri nəticəsində fevralın 8-də Əmircan qəsəbəsindəki internat məktəbindən 20 ədəd pəncərə çərçivəsi oğurlamaqda şübhəli bilinən Bakı şəhər sakini A.Qiladov saxlanılmışdır. Şəxsi axtarış zamanı ondan heroin aşkar edilərək götürülmüşdür.

Sumqayıt şəhər sakini M.Əliyevdən silah-sursat aşkar edilərək götürülmüşdür

08.02.2022

Sumqayıt ŞPİ 3-cü PolisBölməsi əməkdaşlarının daxil olmuş məlumat əsasında keçirdikləri əməliyyat tədbiri nəticəsində şəhər sakini, əvvəllər məhkum olunmuş M.Əliyevdən “AK-74” markalı avtomat silahı, 1 ədəd patron darağı və 3 ədəd patron aşkar edilərək götürülmüşdür.

Kürdəmir rayonu ərazisində saxlanılmış “Changan” markalı avtomobildən 1 kiloqramdan artıq heroin və 365 qram marixuana götürülmüşdür

08.02.2022

Kürdəmir RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Gəncə şəhər sakini N.Yusibovun idarə etdiyi “Changan” markalı avtomobil saxlanılmışdır. Şəxsi axtarış zamanı sərnişini T.Mürsəlovdan metamfetamin, avtomobilə baxış zamanı isə 1 kiloqram 20 qram heroin və 365 qram marixuana aşkar edilərək götürülmüşdür.

Tərtər rayonunun Qarağacı kənd sakini İ.Qurbanovdan qanunsuz saxladığı ov tüfəngi götürülmüşdür

08.02.2022

Tərtər RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində Qarağacı kənd sakini İ.Qurbanovdan qanunsuz saxladığı ov tüfəngi aşkar edilərək götürülmüşdür.

Yasamal rayonunda 5000 manata “Kalaşnikov” markalı avtomat satmaq istəyən şəxs saxlanılıb

08.02.2022

Yasamal Rayon Polis İdarəsinin 26-cı Polis Bölməsinin əməkdaşlarının daxil olmuş əməliyyat məlumatı əsasında həyata keçirdikləri tədbir nəticəsində üzərində qanunsuz olaraq odlu silah-sursat gəzdirən şəxs saxlanılıb. Bölməyə Neftçala rayon sakini, əvvəllər məhkum edilmiş Cahid Bağırovda  silah olması və satmaq istəməsi barədə əməliyyat məlumatı daxil olub. Həmin şəxs odlu silahı 5000 manata satmaq istəyən zaman saxlanılıb. Onun üzərinə baxış keçirilərkən 1 ədəd “Kalaşnikov” markalı avtomat, 6 ədəd patron və həmin silaha məxsus daraq aşkar edilərək götürülüb. Cahid Bağırov odlu silahı bir müddət əvvəl əldə etdiyini, lakin polisə təhvil verməyərək özündə saxladığını bildirib. Araşdırma zamanı onun Yasamal rayonunda evlərdən birindən təmir-tikinti aləti oğurladığı da müəyyən edilib.Yasamal Rayon Polis İdarəsinin 26-cı Polis Bölməsinin əməkdaşlarının həyata keçirdikləri digər əməliyyatlar zamanı isə narkotik vasitələrin təsiri altında taksi fəaliyyəti ilə məşğul Fərid Ayvazov və narkotiklərin qanunsuz dövriyyəsi ilə məşğul olan Xəqan Yusupov saxlanılıblar. Bu şəxslərin üzərindən heroin və metamfetamin aşkar edilib.Əməliyyatlar zamanı saxlanılan hər 3 şəxs barəsində  məhkəmənin qərarı ilə həbs qətimkan tədbiri seçilib, istintaq tədbirləri davam edirilir.

İstifadəyə yararsız 4 ton at və mal əti satışını həyata keçirən mütəşəkkil dəstənin üzvləri saxlanılıblar

08.02.2022

Daxili İşlər Nazirliyi Baş Mütəşəkkil Cinayətkarlıqla Mübarizə İdarəsinin əməkdaşları tərəfindən Qida Təhlükəsizliyi Agentliyinin mütəxəssislərinin iştirakı ilə vətəndaşların ərzaq təhlükəsizliyinin təmin edilməsi istiqamətində növbəti uğurlu əməliyyat tədbiri həyata keçirilib. Tədbir zamanı Xaçmaz rayonunda ət tədarükü məntəqəsi yaradıb heyvan kəsimi sexi görüntüsü adı altında pərdələnərək qidaya yararsız, ölü  at və iri buynuzlu heyvan ətinin satışı ilə məşğul olan mütəşəkkil dəstənin üzvləri ifşa olunaraq məsuliyyətə cəlb ediliblər.Toplanmış materiallar əsasında müəyyən edilib ki, Xaçmaz rayon sakini Azik Babayev başçılıq etdiyi dəstənin üzvləri Hatəm Bayramov və Yalçın Babalıyevlə birgə ölmüş at və iri buynuzlu heyvanların ətinin toplanması, tədarükü və satışı ilə məşğul olublar. Bu məqsədlə Azik Babayev Xaçmaz və ətraf rayonlardan xəstə, artıq təsərrüfatda istifadə edilməyən və ölmüş atları ucuz qiymətə alaraq özünə məxsus Xaçmaz rayonunda yerləşən fermalarda toplayıb. Daha sonra orada dəstə üzvləri tərəfindən həmin heyvanların kəsimi həyata keçirilib. Qidaya yararsız at ətinin sümükləri ayrılandan sonra mal əti adı ilə Azik Babayev tərəfindən Bakı şəhərində fəaliyyət göstərən müxtəlif ictimai iaşə obyektlərinə satılıb. Baş İdarənin əməkdaşları tərəfindən Azik Babayevə məxsus fermalara və saxlama yerlərinə baxış keçirilərkən qidaya yararsız, mənşəyi məlum olmayan 4 tondan artıq mal və at əti aşkar olunaraq maddi sübüt kimi götürülüb. Təyin olunmuş müvafiq ekspertizalarla aşkar olunmuş ətin qidaya tam yararsız və insan sağlamlığı üçün ciddi təhlükə mənbəyi olması təsdiq edilib.Faktla bağlı Baş İdarənin İstintaq və Təhqiqat İdarəsində Cinayət Məcəlləsinin müvafiq maddəsi ilə cinayət işi başlanılıb. Dəstə başçısı Azik Babayev və Hatəm Bayramov barəsində məhkəmənin qərarı ilə həbs qətimkan tədbiri seçilib. Mütəşəkkil dəstə ilə əlbir olan digər şəxslərin də müəyyən edilərək saxlanılması və istintaqa cəlb edilmələri istiqamətində əməliyyat-axtarış tədbirləri davam etdirilir.

Gün ərzində törədilmiş 44 cinayətin üstü “isti izlər”lə açılmışdır

07.02.2022

Respublikanın daxili işlər orqanları tərəfindən gün ərzində törədilmiş 44 cinayətin üstü “isti izlər”lə açılmışdır.