Taksi fəaliyyəti ilə məşğul olan Xəzər rayon sakini E.Camalov avtomobilində sərnişin kimi apardığı 3 məktəbli qıza qarşı seksual xarakterli hərəkətlər etməkdə şübhəli bilinərək saxlanılmışdır

11.02.2022

Xəzər RPİ-nin 1-ci Polis Şöbəsi əməkdaşlarının daxil olmuş müraciət əsasında apardıqları araşdırmalarla “KİA” markalı avtomobili ilə taksi fəaliyyəti ilə məşğul olan Şağan qəsəbə sakini E.Camalovun 2021-ci ilin fevral ayından cari il fevral ayının 11-dək olan müddətdə avtomobilində sərnişin kimi apardığı həmyerliləri olan 3 məktəbli qıza qarşı seksual xarakterli hərəkətlər etməsinə əsaslı şübhələr müəyyən edilmişdir. E.Camalov polis əməkdaşları tərəfindən saxlanılmışdır. Faktla əlaqədar Cinayət Məcəlləsinin 150-ci maddəsi ilə (Seksual xarakterli zorakılıq hərəkətləri) cinayət işi başlanılmışdır. Zəruri istintaq-əməliyyat tədbirləri aparılır. 

Səbail rayonunun Badamdar qəsəbəsi ərazisindəki mənzillərdən birinin eyvanındakı zivədən geyim əşyalarını oğurlamaqda şübhəli bilinən Kürdəmir rayon sakini H.Səfərova saxlanılmışdır

11.02.2022

Səbail RPİ-nin 41-ci Polis Bölməsinə fevralın 11-nə keçən gecə Badamdar qəsəbəsi ərazisindəki mənzillərdən birinin eyvanındakı zivədən 90 manat dəyərində geyim əşyalarının oğurlanması barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən Kürdəmir rayon sakini H.Səfərova qısa müddətdə müəyyən edilərək saxlanılmışdır. Ətrafında aparılan tədbirlərlə onun həmin gün qəsəbə ərazisində daha 3  evin eyvanlarındakı zivədən geyim əşyaları oğurlaması da müəyyən edilmişdir. 

Şamaxı rayonu ərazisindəki qəbristanlıqda qəbirilərdən birinin ətrafına çəkilmiş 3000 manat dəyərində məhəccəri oğurlamaqda şübhəli bilinən rayon sakinləri Ş.Şıxməmmədov və Ə.Alışov saxlanılmışlar

11.02.2022

Şamaxı Rayon Polis Şöbəsinə yanvarın 30-na keçən gecə Həmyəli kəndi ərazisindəki qəbristanlıqda qəbirilərdən birinin ətrafına çəkilmiş 3000 manat dəyərində məhəccərin oğurlanması barədə məlumat daxil olmuşdur. Polis əməkdaşlarının keçirdikləri əməliyyat tədbirləri nəticəsində oğurluq əməlini törətməkdə şübhəli bilinən rayon sakinləri Ş.Şıxməmmədov və əvvəllər də oğurluğa görə məhkum olunmuş Ə.Alışov müəyyən edilərək saxlanılmışlar. Ətraflarında aparılan tədbirlərlə onların həmin qəbristanlıqda daha 2 qəbirin ətrafına çəkilmiş məhəccərləri və Sabir qəsəbəsi ərazisində yerləşən şərab zavodundan 5 ədəd kondisioner oğurlamaları da müəyyən edilmişdir.

Lənkəran rayonunun Göyşaban kənd sakini B.Verdiyevdən heroin aşkar edilmişdir

11.02.2022

Lənkəran ŞRPŞ əməkdaşlarının keçirdikləri əməliyyat tədbiri nəticəsində Göyşaban kənd sakini, əvvəllər məhkum olunmuş B.Verdiyev saxlanılmışdır. Şəxsi axtarış zamanı ondan heroin aşkar edilmişdir. Ətrafında aparılan tədbirlərlə onun ayrı-ayrı vaxtlarda 7 avtomobildən maqnitofon və akkumulyator oğurlaması da müəyyən edilmişdir.

Səbail rayonunun M.Hüseynov küçəsində “Chevrolet” markalı avtomobillə paytaxt sakini S.Aslan vurulmuşdur

11.02.2022

Fevralın 11-də saat 20 radələrində Səbail rayonunun M.Hüseynov küçəsində Bakı şəhər sakini M.Əliyev idarə etdiyi “Chevrolet” markalı avtomobillə yolu keçən paytaxt sakini  Sevinc Aslanı vurmuş və nəticədə piyada hadisə yerində ölmüşdür. Səbail RPİ-də araşdırma aparılır.

Şəki şəhəri ərazisində Bakı şəhər sakini E.Rəsulzadə idarə etdiyi “Kia” markalı avtomobili yolun kənarındakı ağaca vurmuşdur

11.02.2022

Fevralın 11-də saat 15 radələrində Şəki şəhəri ərazisində Bakı şəhər sakini E.Rəsulzadə idarə etdiyi “Kia” markalı avtomobili yolun kənarındakı ağaca vurmuşdur. Nəticədə sərnişinləri - həyat yoldaşı Səbinə və oğlu Eldar hadisə yerində ölmüş, özü və qızı isə xəstəxanaya yerləşdirilmişlər. Baş İstintaq və Təhqiqat İdarəsi tərəfindən araşdırma aparılır. 

Tovuz rayonunun Əyyublu kəndi ərazisində “VAZ-2107” və ”Hovo” markalı avtomobillər toqquşmuşdur

11.02.2022

Fevralın 11-də saat 21 radələrində Tovuz rayonunun Əyyublu kəndi ərazisində rayon sakini E.Məmmədovun idarə etdiyi “VAZ-2107” və Gədəbəy rayon sakini N.Nuriyevin idarə etdiyi ”Hovo” markalı avtomobillər toqquşmuşdur. Nəticədə E.Məmmədovun sərnişini Hüseyn Məmmədov hadisə yerində ölmüş, özü isə xəstəxanaya yerləşdirilmişdir. Baş İstintaq və Təhqiqat İdarəsi tərəfindən araşdırma aparılır. 

Balakən rayonunun Püştətala kəndi ərazisində “Niva” markalı avtomobil yolun kənarındakı qaz borusuna çırpılmışdır

11.02.2022

Fevralın 11-də saat 22 radələrində Balakən rayonunun Püştətala kəndi ərazisində rayon sakini M.Qadalov idarə etdiyi “Niva” markalı avtomobili yolun kənarındakı qaz borusuna vurmuşdur. Nəticədə sərnişini,  Tülü kənd sakini Ramiz Rəşidov hadisə yerində ölmüş, özü və digər 2 sərnişini isə xəstəxanaya yerləşdirilmişdir. Balakən RPŞ-də  araşdırma aparılır.

Mehdiabadda silah və narkotik maddələrin satışı ilə məşğul olan şəxs saxlanılıb

11.02.2022

Abşeron Rayon Polis İdarəsinin Mehdiabad Polis Bölməsinin əməkdaşlarının daxil olmuş əməliyyat məlumatı əsasında Mehdiabad qəsəbəsində həyata keçirdikləri tədbir nəticəsində üzərində qanunsuz olaraq odlu silah-sursat və külli miqdarda narkotik maddə saxlayan şəxs tutulub. Bölməyə əvvəllər məhkum olunmuş Niyaməddin Paşayevdə odlu silah olması barədə əməliyyat məlumatı daxil olub. Həmin şəxs saxlanılıb və onun əlindəki bağlamaya baxış zamanı 1 ədəd “Kalaşnikov” markalı istifadəyə yararlı avtomat, 9 ədəd patron, daraq və 320 qram narkotik vasitə olan marixuana aşkar edilərək götürülüb. Niyaməddin Paşayev odlu silah-sursatı bir müddət əvvəl tapdığını, polisə təhvil verməyərək gizlətdiyini bildirib. Həmin şəxs ifadəsində silahı və narkotik vasitəni satmaq məqsədi ilə əldə etdiyini qeyd edib. Mehdiabad Polis Bölməsində toplanan materiallar Abşeron Rayon Polis İdarəsinin İstintaq Şöbəsinə göndərilib. Faktla bağlı İdarənin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. Niyaməddin Paşayev barəsində məhkəmələrin qərarı ilə həbs qətimkan tədbiri seçilib. Saxlanılan şəxsin ətrafında əməliyyat-istintaq tədbirləri davam etdirilir.    

Xəzər rayonunda evlərdən birindən içərisində pul və qızıl-zinət əşyaları olan seyfi oğurlayan şəxslər saxlanılıblar

11.02.2022

Fevralın 4-də Xəzər rayonu Mərdəkan qəsəbəsində yerləşən evlərdən birindən oğurluq edilib. Zərərçəkən ev sahibi polisə müraciət edərək evdə olmadıqları müddətdə naməlum şəxslər tərəfindən mənzildən içərisində 2000 dollar, 34 min manatlıq qızıl-zinət əşyaları və sənədlər olan seyfin oğurlandığını bildirib. Məlumat daxil olan kimi hadisəni törədən şəxslərin axtarışlarına başlanılıb. Xəzər Rayon Polis İdarəsi və 1-ci Polis Şöbəsinin əməkdaşlarının həyata keçirdikləri əməliyyat-axtarış tədbiri nəticəsində qeyd olunan cinayət əməlini törətməkdə şübhəli bilinən İsmayıl Abbasov və tanışı Elnur İsmayılov qısa zamanda saxalanılıblar. Onlar ifadələrində törətdikləri hadisəni etiraf ediblər. Qeyd edək ki, bu şəxslərin oğurladıqları qızıl-zinət və digər əşyalar onlardan aşkar olunaraq maddi sübut kimi götürülüb. Faktla bağlı Xəzər RPİ-nin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb. Saxlanılan şəxslər barəsində məhkəmənin qərarı ilə həbs qətimkan tədbiri seçilib. Əməliyyat-istintaq tədbirləri davam etdirilir. Elnur İsmayılov və İsmayıl Abbasov qanunsuz əməllərindən zərərçəkən başqa vətəndaşlar varsa ərazi polis orqanlarına, "102" Xidməti-Zəng Mərkəzinə və Nazirliyin sosial şəbəkələrdəki rəsmi səhifələrinə məlumat verə bilərlər.