Maştağa qəsəbə sakini F.Babayevin həyətindən kultivasiya yolu ilə yetişdirdiyi çətənə kolları götürülüb

25.06.2022

Sabunçu RPİ 14-cü Polis Bölməsi əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Maştağa qəsəbə sakini, əvvəllər də narkotiklərlə əlaqəli cinayətə görə məhkum olunmuş F.Babayevin həyətindən kultivasiya yolu ilə yetişdirilən 3,5 ton çəkidə 15367 ədəd çətənə kolu aşkar olunaraq götürülüb.

Şəmkir rayonunun Əliyaqublu kəndi ərazisində 1,2 hektar sahədə yabanı halda bitən çətənə kolları məhv edilib

25.06.2022

Şəmkir RPŞ əməkdaşlarının keçirdikləri “Xaşxaş-2022” şərti adlı kompleks əməliyyat-axtarış və profilaktik tədbirlər nəticəsində Əliyaqublu kəndi ərazisində 1,2 hektar sahədən yabanı halda bitən 5,6 ton çəkidə 17000 ədəd çətənə kolu aşkar olunaraq məhv edilib.

Salyan rayonunun Yolüstü kəndi ərazisində “Mercedes” markalı avtomobillə kənd sakini F.Cavadov vurulub

25.06.2022

İyunun 25-də saat 22 radələrində Salyan rayonunun Yolüstü kəndi ərazisində Ə.Vəliyev idarə etdiyi “Mercedes” markalı avtomobillə yolu keçən kənd sakini Fəxrəddin Cavadovu vurub. Nəticədə piyada xəstəxanaya aparılarkən yolda ölüb. DİN-in Baş İstintaq və Təhqiqat İdarəsi tərəfindən araşdırma aparılır.

Sabunçu rayonunun Maştağa qəsəbəsi ərazisində “VAZ-2106” və “BMW” markalı avtomobillər toqquşub

25.06.2022

İyunun 26-da saat 2 radələrində Sabunçu rayonunun Maştağa qəsəbəsi ərazisində Orxan Ələkbərovun idarə etdiyi “VAZ-2106” və S.Xəlilovun idarə etdiyi “BMW” markalı avtomobillər toqquşub. Nəticədə O.Ələkbərov, sərnişinləri Rüstəm Musazadə və Həsən Cavadov hadisə yerində ölüb, S.Xəlilov xəstəxanaya yerləşdirilib.Sabunçu Rayon Polis İdarəsində araşdırma aparılır.

Sabunçu rayonunun Zabrat qəsəbəsi ərazisində “Toyota” markalı avtomobillə paytaxt sakini Z.Ağayev vurulub

25.06.2022

İyunun 26-da saat 2 radələrində Sabunçu rayonunun Zabrat qəsəbəsi ərazisində Bakı şəhər sakini S.Hasilov idarə etdiyi “Toyota” markalı avtomobillə yolu keçən paytaxt sakini Zaur Ağayevi vurub və nəticədə piyada hadisə yerində ölüb.Sabunçu Rayon Polis İdarəsində araşdırma aparılır.

Xəzər rayonunun Buzovna qəsəbəsi ərazisində “Toyota” markalı avtomobillə qəsəbə sakini T.Hüseynov vurulub

25.06.2022

İyunun 25-də saat 19 radələrində Xəzər rayonunun Buzovna qəsəbəsi ərazisində Bakı şəhər sakini E.Tanırverdiyev idarə etdiyi “Toyota” markalı avtomobillə yolu keçən qəsəbə sakini Tərlan Hüseynovu vurub və nəticədə piyada hadisə yerində ölüb.Xəzər Rayon Polis İdarəsində araşdırma aparılır.

Sabirabad rayonunun Çiçəkli kəndi ərazisində “Nissan” markalı avtomobillə “T-28” markalı traktor toqquşub

25.06.2022

İyunun 26-da saat 3 radələrində Sabirabad rayonunun Çiçəkli kəndi ərazisində kənd sakini Ş.Xankişiyevin idarə etdiyi “Nissan” markalı avtomobillə həmkəndlisi V.Məmmədovun idarə etdiyi “T-28” markalı traktor toqquşub. Nəticədə Ş.Xankişiyevin sərnişini Elsevər Quliyev hadisə yerində ölüb, özü, digər sürücü və sərnişini xəstəxanaya yerləşdiriliblər. Sabirabad Rayon Polis Şöbəsində araşdırma aparılır.

Daşkəsən rayonunun Quşçu Körpü kəndi ərazisində “VAZ-2106” markalı avtomobil dərəyə aşıb

25.06.2022

İyunun 25-də saat 18 radələrində Daşkəsən rayonunun Quşçu Körpü kəndi ərazisində R.Alıyev idarə etdiyi “VAZ-2106” markalı avtomobili dərəyə aşırıb. Nəticədə sərnişini Vüsal Rüstəmov hadisə yerində ölüb, özü və digər sərnişini xəstəxanaya yerləşdirilib.Daşkəsən Rayon Polis Şöbəsində araşdırma aparılır. 

Göygöl rayonunun Zurnabad kəndi ərazisində “TOFAŞ” markalı avtomobil dərəyə aşıb

25.06.2022

İyunun 25-də saat 1 radələrində Göygöl rayonunun Zurnabad kəndi ərazisində Asif Bayramov idarə etdiyi “TOFAŞ” markalı avtomobili dərəyə aşırıb. Nəticədə xəsarətlə xəstəxanaya yerləşdirilən sürücü orada ölüb.Göygöl Rayon Polis Şöbəsində araşdırma aparılır. 

Cəlilabad rayonunun Sabirabad kəndi ərazisində “Mercedes” markalı avtomobillə velosiped sürən A.Əkbərov vurulub

25.06.2022

İyunun 25-də saat 17 radələrində Cəlilabad rayonunun Sabirabad kəndi ərazisində kənd sakini U.Məmmədov idarə etdiyi “Mercedes” markalı avtomobillə velosiped sürən həmkəndlisi Ayxan Əkbərovu vurub və nəticədə velosipedçi hadisə yerində ölüb.Cəlilabad Rayon Polis Şöbəsində araşdırma aparılır.